[wai id="6"]
[wai id="7"]
លោក ឱ វណ្ណឌីន អ្នកនាំពាក្យក្រសួងសុខាភិបាល បានប្រកាសក្នុងសន្និសីទកាសែតនាព្រឹកថ្ងៃទី១៨ ខែមីនានេះថា កម្ពុជាមានចំនួនអ្នកឆ្លងជំងឹ Covid-19 នេះមានចំនួន៣៥នាក់ហើយ។
លោកស្រី ឱ វណ្ណឌីន បានបញ្ជាក់ថា ជាមធ្យមក្នុងមួយគ្រួសារមានសមាជិក៣នាក់ ដូច្នេះយើងអាចគុណនឹងចំនួន អ្នកឆ្លងចំនួន៣៥នាក់ (តាមចំនួនតួលេខអាចមានលើសពី១០០នាក់) ប៉ុន្ដែក្រសួងកំពុងខិតខំទប់ស្កាត់ កុំឲ្យមានការចម្លង បន្ដទៅទៀត។ គិតត្រឹមព្រឹកថ្ងៃទី១៨ ខែមីនានេះ មិនទាន់មានការចម្លងណាមួយចូលទៅសហគមន៍នោះទេ។ ឆ្លៀតក្នុងឳកាស នោះដែរថា លោកស្រីបានបន្តបញ្ជាក់ថា គ្មានការយកលុយពីការពិនិត្យរកជំងឺកូវីដ១៩នោះទេ ទោះជាលទ្ធផលវិជ្ជមានក្តី ឬអវិជ្ជមានក្តី ។
ពាណិជ្ជកម្ម
គួរបញ្ជាក់ដែរថា ក្រសួងសុខាភិបាលបញ្ជាក់ថា ក្រុមការងារឆ្លើយតបបន្ទាន់និងក្រុមគ្រូពេទ្យថ្នាក់ជាតិក៏ដូចជាថ្នាក់ក្រោមជាតិ កំពុងបន្តតាមដានរកអ្នកប៉ះពាល់យ៉ាងសកម្ម ជាពិសេសអ្នកដែលបានទៅចូលរួមពិធីសាសនានៅប្រទេសម៉ាឡេស៊ីនាពេលកន្លងមកបន្ថែមទៀត។
ក្នុងពេលដែលករណីជំងឺកូវីដ-១៩នៅកម្ពុជាបន្តកើនឡើងយ៉ាងគំហុក រដ្ឋាភិបាលកម្ពុជាបានដាក់ចេញនូវវិធានការបន្ទាន់មួយចំនួនដើម្បីកាត់បន្ថយការជួបជុំរបស់ពលរដ្ឋ ដោយបានបញ្ជាឲ្យផ្អាកការរៀបចំពិធីសាសនា បិទគ្រប់សារមន្ទីរ ក្លិបកម្សាន្ត KTV និងរោងភាពយន្តនៅទូទាំងប្រទេស។ សេចក្ដីសម្រេចចុងក្រោយនាយប់ថ្ងៃអង្គារ ទី១៧មីនានេះ រដ្ឋាភិបាលកម្ពុជាតម្រូវឲ្យផ្អាកផងដែរ ការរៀបចំការប្រគំតន្ត្រីនានានៅតាមទីសាធារណៈ ចាប់ពីពេលនេះរហូតដល់ស្ថានភាពជំងឺរាតត្បាតកូវីដ-១៩ មានសភាពធូរស្រាលឡើងវិញ៕
[wai id="5"]