[wai id="6"]
[wai id="7"]
ព្រះអង្គម្ចាស់ ឆាល ព្រះជន្ម៧១វស្សា ដែលជាបុត្រាម្ចាស់ក្សត្រីអេលីហ្សាបេត ទី២ និងជារាជទាយាទចក្រភពអង់គ្លេសនោះ បានធ្វើតេស្តវិជ្ជមាននៃជំងឺ COVID-19 ហើយបច្ចុប្បន្នព្រះអង្គ បានដាក់ខ្លួនទ្រង់ឲ្យនៅដាច់ដោយឡែក ក្នុងវិមានរបស់ទ្រង់នៅឯស្កុតលែន។
រាជសារពីរាជវាំងអង់គ្លេស បានឲ្យដឹងថា ព្រះអង្គម្ចាស់ឆាល បានធ្វើតេស្តវិជ្ជមាននៃជំងឺ COVID-19។ ព្រះអង្គ បានចេញរោគសញ្ញាស្រាល ប៉ុន្តែទ្រង់នៅមានសុខភាពល្អទេ និងអាចបំពេញព្រះរាជកិច្ចបានធម្មតាកាលពីប៉ុន្មានថ្ងៃមុននេះ។
ម្ចាស់ក្សត្រីដែលជាមហេសីព្រះអង្គម្ចាស់ ឆាល បានធ្វើតេស្តផងដែរ ប៉ុន្តែម្ចាស់ក្សត្រី គ្មានវីរុសនោះទេ។ ដោយផ្អែកលើការណែនាំពីរដ្ឋាភិបាលអង់គ្លេស និងក្រុមគ្រូពេទ្យ ព្រះអង្គម្ចាស់ ឆាល និងម្ចាស់ក្សត្រី បានដាក់ខ្លួនទ្រង់ឲ្យនៅដាច់ដោយឡែក ក្នុងវិមាននៅឯស្កុតលែន។
ពាណិជ្ជកម្ម
ការធ្វើតេស្តនេះដែរ រៀបចំឡើងដោយក្រសួងសុខាភិបាលអង់គ្លេស នៅឯតំបន់អាប៊ឺឌីនសៀ ជាកន្លែងដែលពួកទ្រង់ តម្រូវឲ្យធ្វើតេស្តរកជំងឺ COVID-19 ។
គេមិនអាចដឹងបាននោះទេពីបុគ្គលណា ដែលព្រះអង្គ ឆាល បានឆ្លងជំងឺ COVID-19 ដោយសារ ព្រះអង្គម្ចាស់ បានបំពេញព្រះរាជកិច្ចច្រើននៅតាមទីសាធារណៈ ក្នុងរយៈពេលជាច្រើនសប្តាហ៍កន្លងមកនេះ។
ទីភ្នាក់ងារព័ត៌មានរ៉យទ័រ បានរាយការណ៍ថា ម្ចាស់ក្សត្រីអេលីហ្សាបេត បានជួបជាមួយព្រះអង្គម្ចាស់ឆាល មុនពេលដែលព្រះអង្គបានឆ្លងវីរុស។
ទោះបីជាយ៉ាងណាក៏ដោយ ព្រះបរមរាជវាំង Buckingham បានអះអាងថា ម្ចាស់ក្សត្រី មានព្រះរាជសុខភាពល្អធម្មតាទេ។ ម្ចាស់ក្សត្រី បានជួបជាមួយជាមួយព្រះអង្គម្ចាស់ឆាល ។
សូមបញ្ជាក់ថា ភាគច្រើននៃពលរដ្ឋចក្រភពអង់គ្លេស ទទួលការធ្វើតេស្តរកជំងឺ COVID-19នៅពេលដែលពួកគេ ត្រូវបានបញ្ជូនទៅកាន់មន្ទីរពេទ្យប៉ុណ្ណោះ ជាមួយនឹងរោគសញ្ញាធ្ងន់ធ្ងរ ប៉ុន្តែក្រសួងសុខាភិបាលអង់គ្លេស និងសេវាកម្មសុខភាពសាធារណៈអង់គ្លេស បាននិយាយកាលពីសប្តាហ៍មុនថា ពួកគេ បាននឹងបង្កើនសមត្ថភាពធ្វើតេស្តយ៉ាងឆាប់រហ័ស ដើម្បីរកអ្នកផ្ទុកជំងឺ COVID-19 ។
បច្ចុប្បន្ន ចក្រភពអង់គ្លេស រាយករណីឆ្លងនៃជំងឺ COVID-19កើនឡើងដល់៨.០៧៧នាក់ និងករណីស្លាប់៤២២នាក់៕
[wai id="5"]