ក្រសួងសុខាភិបាល បានចេញសេចក្តីប្រកាសព័ត៌មានថា គិតត្រឹមម៉ោង៧ព្រឹកថ្ងៃទី ០១ ខែ មេសា ឆ្នាំ ២០២០ មិនមានករណីវិជ្ជមាន ជំងឺកូវីដ ១៩ ថ្មីទៀតនោះទេ ខណៈអ្នកកើតជំងឺនេះ ០២ នាក់ទៀត ត្រូវបានព្យាបាលជាសះស្បើយ។
សេចក្តីប្រកាសរបស់ក្រសួងបានបញ្ជាក់ថា ករណីអ្នកជាសះស្បើយមាន០២នាក់ គឺស្ថិតនៅខេត្តកែប មានបុរសជនជាតិខ្មែរអាយុ៣០ (កាន់សាសនាឥស្លាម និងមានទីលំនៅនៅខេត្តកំពត) ដែលបានវិលត្រឡប់មកពី ចូលរួមពិធីសាសនានៅប្រទេសម៉ាឡេស៉ី និងបុរសជនជាតិម៉ាឡេស៊ី អាយុ៦១ឆ្នាំ មកពីប្រទេសម៉ាឡេស៉ី បានជាសះស្បើយ ដោយទទួលបានលទ្ធផលតេស្តអវិជ្ជមានកូវីដ១៩ចំនួន ០២លើក ត្រូវបានអនុញ្ញាតឲ្យចេញ ពីមន្ទីរពេទ្យខេត្តកែប។
