សម្តេចតេជោ ហ៊ុន សែននៅថ្ងៃទី០១ ខែមេសា ឆ្នាំ២០២០ បានប្រកាសបរិច្ចាគប្រាក់បៀវត្សរបស់សម្តេចចំនួន៧ខែ ជូនដល់គណៈកម្មការជាតិប្រយុទ្ធនឹងជំងឺកូវីដ១៩។ ប្រាក់បៀវត្សរ៍ដែលសម្តេចបរិច្ចាគនេះ គឺរាប់ចាប់ពីខែមីនា រហូតដល់ខែកញ្ញា ឆ្នាំ២០២០។
ជាមួយគ្នានោះដែរ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាអនុប្រធានប្រចាំការ នៃគណៈកម្មការ ជាតិប្រយុទ្ធនឹងជំងឺកូវីដ១៩ នៅថ្ងៃទី០២ ខែមេសា ឆ្នាំ២០២០នេះ បានថ្លែងអំណរគុណដល់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានបរិច្ចាគប្រាក់បៀវត្សរ៍ចំនួន៧ខែ ដល់គណៈកម្មការជាតិប្រយុទ្ធនឹងជំងឺកូវីដ១៩។
គួរបញ្ជាក់ដែរថា កម្ពុជា បានព្យាបាលអ្នកជំងឺកូវីដ-១៩ ចំនួន៩នាក់ទៀតឲ្យជាសះស្បើយ ធ្វើឲ្យតួលេខអ្នកជាសរុបចំនួន ៣៤នាក់ ខណៈរកឃើញករណីវិជ្ជមានថ្មីចំនួន១នាក់។ សរុបអ្នកមានកូវីដ-១៩ នៅកម្ពុជាមានចំនួន១១០ករណី៕
