[wai id="6"]
[wai id="7"]
ក្រុមមន្ត្រីអង្គការសុខភាពពិភពលោក (WHO) បានសម្តែងការព្រួយបារម្ភយ៉ាងខ្លាំងកាលពីថ្ងៃពុធទី ១ ខែមេសា អំពីការកើនឡើងយ៉ាងឆាប់រហ័ស និងការរីករាលដាលសកលនៃករណីឆ្លងជំងឺCOVID-19 ដែលឥឡូវនេះបានឈានដល់ ២០៥ ប្រទេស និងដែនដី។ នេះបើយោងតាមការចុះផ្សាយរបស់ straitstimes នៅថ្ងៃទី០២ ខែមេសា ។
ពួកគេបានអះអាងថា ត្រឹមរយៈពេលប៉ុន្មានថ្ងៃទៀតនេះ ករណីឆ្លងសកលនឹងកើនឡើងដល់១លាននាក់ និងករណីស្លាប់៥ម៉ឺននាក់។
ប្រធានអង្គការសុខភាពពិភពលោក លោក Tedros Adhanom Ghebreyesus និយាយថាទីភ្នាក់ងាររបស់លោក ធនាគារពិភពលោក និងមូលនិធិរូបិយវត្ថុអន្តរជាតិ (IMF) បានបន្ធូរបន្ថយបំណុលក្នុងការជួយប្រទេសកំពុងអភិវឌ្ឍន៍នានាដើម្បីដោះស្រាយផលប៉ះពាល់សង្គមនិងសេដ្ឋកិច្ចដោយសារការរាតត្បាតសកលនៃជំងឺ COVID-19 ។
លោក Tedros បានប្រាប់សន្និសីទសារព័ត៌មានស្ដីពីវីរុសនៅទីក្រុងហ្សឺណែវ ជាទីតាំងនៃទីស្នាក់ការរបស់អង្គការសុខភាពរបស់អង្គការសហប្រជាជាតិ ថាក្នុងរយៈពេល ៥សប្ដាហ៍កន្លងទៅនេះ មានការកើនឡើង យ៉ាងឆាប់រហ័សនៃករណីឆ្លង និងស្លាប់ជាង២ទ្វេដងកាលពីសប្ដាហ៍មុន។
ពាណិជ្ជកម្ម
លោកបាន ថា ក្នុងរយៈពេលពីរបីថ្ងៃទៀតយើងនឹងមានអ្នកឆ្លងជំងឺនេះ ឈានដល់ចំនួន ១ លាន នាក់ និងអ្នកស្លាប់ ៥ ម៉ឺននាក់នៅទូទាំងពិភពលោក។
ដោយឡែក យោងតាមសេចក្តីរាយការណ៍ពីវិទ្យាល័យ Johns Hopkins បានឲ្យដឹងថា ជំងឺ COVID-19 បានសម្លាប់មនុស្ស ៨៨៤ នាក់ក្នុងរយៈពេល ២៤ ម៉ោងនៅសហរដ្ឋអាមេរិក ជាកំណត់ត្រាថ្មីមួយ សម្រាប់ប្រទេសនេះដែលមានចំនួនករណីឆ្លងខ្ពស់បំផុតនៅលើពិភពលោក។
ជំងឺរាតត្បាតសកលនេះបានឆក់យកអាយុជីវិតមនុស្សយ៉ាងហោចណាស់ 5,113 នាក់នៅសហរដ្ឋអាមេរិកដែលនាំមុខគេក្នុងពិភពលោក ដែលមានអ្នកឆ្លងចំនួន 215,357នាក់ តាមការរាប់របស់ សកលវិទ្យាល័យJohns Hopkins ។ ចំនួនករណីដែលបានរាយការណ៍បានកើនឡើងចំនួន ២៥.២០០ ក្នុងរយៈពេល ២៤ ម៉ោងនៅក្នុងប្រទេស។
រដ្ឋញូវយ៉កគឺជាចំណុចកណ្តាលនៃការប្រយុទ្ធប្រឆាំងនឹងរបស់សហរដ្ឋអាមេរិកទល់នឹងជំងឺដ៏សាហាវ ដែលយ៉ាងហោចណាស់មានអ្នកស្លាប់ចំនួន ១,៩០០ នាក់ ត្រូវបានកត់ត្រានៅទីនោះ ។ នេះបើយោងតាមសម្តីអភិបាករដ្ឋ លោក Andrew Cuomo។
ខណៈពេលនោះដែរ ប្រទេសបារាំងកាលពីថ្ងៃពុធទី ១ ខែមេសា បានរាយការណ៍ពីចំនួនអ្នកស្លាប់ប្រចាំថ្ងៃរបស់ខ្លួនខ្ពស់បំផុតដោយសារការឆ្លងជំងឺCOVID-19 ចាប់តាំងពីការរីករាលដាលនៃជំងឺនេះដោយបាននិយាយថាមនុស្សចំនួន ៥០៩ នាក់ទៀតបានស្លាប់នៅក្នុងមន្ទីរពេទ្យដែលនាំឱ្យចំនួនអ្នកស្លាប់កើនដល់ ៤.០៣២ នាក់ និងអ្នកឆ្លងកើនឡើងដល់ 56,989 នាក់គិតត្រឹមថ្ងៃព្រឹកថ្ងៃព្រហស្បតិ៍នេះ ។
រីឯប្រទេសអង់គ្លេសវិញ បានរាយការណ៍ថាមានអ្នកស្លាប់ដោយសារជំងឺCOVID-19 ប្រចាំថ្ងៃចំនួន ៥៦៣ នាក់កាលថ្ងៃពុធ (ទី ១ ខែមេសា) ដែលជាចំនួនលើកដំបូងនៃចំនួនអ្នកស្លាប់លើសពី ៥០០ នាក់ នៅទូទាំងប្រទេសដែលនាំឱ្យមានអ្នកស្លាប់សរុបកើនដល់ ២.៣៥២ នាក់ និងអ្នកឆ្លងឡើងដល់ 29,474 នាក់។
នៅប្រទេសអេស្ប៉ាញវិញ ស្របពេលដែលអ្នកស្លាប់បានហក់ឡើងដល់ 9,387 នាក់ យន្តហោះចំនួន ២ គ្រឿងដែលផ្ទុកដោយឧបករណ៍ការពារបានទៅដល់ដើម្បីបន្ថែមជំនួយដល់ប្រព័ន្ធការពារសុខភាពសាធារណៈរបស់ប្រទេសអេស្ប៉ាញកាលពីថ្ងៃពុធ ខណៈករណីឆ្លងជំងឺ COVID-19 កើនឡើងដល់104,118 នាក់ ហើយប្រទេសនេះបានកត់ត្រាចំនួនអ្នកស្លាប់ដ៏ច្រើនបំផុតក្នុងរយៈពេលតែមួយថ្ងៃពីការផ្ទុះឡើងនៃជំងឺនេះ។
សម្រាប់ប្រទេសអ៊ីតាលី ក្រុមអាជ្ញាធរបាននិយាយថាចំនួនអ្នកស្លាប់ប្រចាំថ្ងៃរបស់ប្រទេសអ៊ីតាលីដោយសារជំងឺCOVID -19 កាលពីថ្ងៃពុធចំនួនទាបបំផុតក្នុងរយៈពេល ៦ ថ្ងៃ ប៉ុន្តែចំនួនអ្នកឆ្លងថ្មីបានកើនឡើង ហើយរដ្ឋាភិបាលបានបន្ថែមរយៈពេលបិទប្រទេសរហូតដល់យ៉ាងហោចណាស់ពាក់កណ្តាលខែមេសា៕
[wai id="5"]