[wai id="7"]
បន្លែគឺជាអាហារធម្មជាតិ ដែលមានសារធាតុចិញ្ចឹមស្ទើរតែទាំងអស់ ដែលរាងកាយត្រូវការដើម្បីដំណើរការមុខងារឲ្យបានត្រឹមត្រូវ ។ វាអាចបំពេញតម្រូវការអាហារូបត្ថម្ភទាំងអស់នៃរាងកាយរបស់អ្នកបានទេ ដូច្នេះវាជាការណ៍សំខាន់ក្នុងការបរិភោគបន្លែឲ្យបានច្រើនមុខក្នុងរបបអាហាររបស់អ្នក ។ ប៉ុន្តែប្រសិនបើបន្លែដែលបរិភាគនោះមានផ្ទុកសារធាតុគីមីខ្ពស់ហួសប្រមាណ តើអ្នកបរិភាគនឹងទៅជាយ៉ាងណា ?
សព្វថ្ងៃនេះប្រជាពលរដ្ឋមិនដឹងថា តើគួរហូបបន្លែត្រីសាច់ណា ដែលគ្មានជាតិគីមីនោះទេ តើធ្វើម៉េចទើបគាត់ដឹងថា បន្លែត្រីសាច់ដែលដាក់លក់នោះគ្មានជាតិគីមី បើនៅតាមផ្សារទូទៅ ឬក៏ហាងលក់មួយចំនួនធំសុទ្ធតែទិញបន្លែមានជាតិគីមីដែរនោះ?
ដោយសារតែសារជាតិគីមីដែលប្រើប្រាស់ក្នុងវិស័យកសិកម្មដើម្បីកម្ចាត់សត្វល្អិត ឬក៏ឲ្យរុក្ខជាតិឆាប់ធំគឺមានកិ្លនពុលតែ ១ ថ្ងៃ ឬក៏ ២ ថ្ងៃតែជាតិពុលដែលនៅជាប់នឹងបន្លែមានរយៈពេលវែងអាច ២ សប្តាហ៍ ឬក៏លើសហ្នឹងទៀត។
នៅពេលដែលកសិករកាត់បន្លែ ឬក៏ផ្លែឈើមកលក់មុនកាលកំណត់សារជាតិគីមីដែលដាក់លើបន្លែត្រីសាច់ និងចំណីខ្លះនោះ ឬក៏ការប្រើសារធាតុគីមីដែលប្រើឲ្យទុកបានយូរថ្ងៃ ឬក៏មានសម្រស់ល្អទាក់ភ្នែក សុទ្ធតែជាសារធាតុដែលមានដាក់នៅលើទីផ្សារគ្មានក្លិន គ្មានពណ៌ តែសុទ្ធមានកំហាប់ពុលទាំងអស់គ្រាន់តែតិច ឬច្រើនប៉ុណ្ណោះដូចជា បូរ៉ាក់ (Dried Borax) សារធាតុដែលគេប្រើច្រើនជាងគេនៅលើទីផ្សារ។
យ៉ាងណាមិញថ្មីៗនេះ មានបន្លែចំនួន៦មុខដែលនាំចូលពីប្រទេសវៀតណាម ត្រូវបានសមត្ថកិច្ចច្រកទ្វារអន្តរជាតិជ្រៃធំ បានធ្វើការត្រួតពិនិត្យគុណភាពមានផ្ទុកកាក សំណល់ថ្នាំ សម្លាប់សត្វល្អិត កាលពីថ្ងៃទី១២ ខែមិថុនា ឆ្នាំ២០២០កន្លងទៅ ។
ក្នុងសកម្មភាពចុះត្រួតពិនិត្យ មន្ត្រីជំនាញបានដកយកគំរូបន្លែ ២២ គំរូ រួមមាន៖ ស្ពៃក្តោប ត្រសក់ ស្ពៃបូកគោ ត្រប់វែង ប៉េងប៉ោះ ផ្កាខាត់ណា ពោតបារាំង ផ្កាស្នោ ក្រូចឆ្មារ ឃ្លោក ផ្លែម្រះ ម្ទេស ត្រប់ស្រួច ផ្លែល្ពៅ ននោង សណ្តែកបារាំង ស្ទឹកខ្ទឹម ម្ទេសប្លោក ផ្កាគូឆាយ និងផ្កាឡៃហៀង ដើម្បីស្វែងរកសារធាតុគីមីហាមឃាត់ដែលធ្វើអោយប៉ះពាល់ដល់សុខភាពប្រជាពលរដ្ឋ ។
ជាលទ្ធផល មន្ត្រីជំនាញបានរកឃើញបន្លែរួមមាន៖ ស្ពៃបូកគោ ផ្កាខាត់ណា ពោតបារាំង ក្រូចឆ្មាតូច ផ្កាគូឆាយ និងផ្លែល្ពៅ ដែលមានផ្ទុកសំណល់ថ្នាំសំលាប់សត្វល្អិត។ បន្ទាប់មកមន្ត្រីសាខាបានធ្វើកំណត់ហេតុដកហូតដើម្បីធ្វើការកម្ទេច ចោល និងបានណែនាំឱ្យអាជីវករខាងលើធ្វើកិច្ចសន្យាបញ្ឈប់ការនាំចូល ម្ហូបអាហារ បន្លែ ផ្លែឈើ ណាដែលមានផ្ទុកសារធាតុគីមី ហាមឃាត់បន្តទៀត ។
ជាផលវិបាកមួយដល់ប្រជាពលរដ្ឋដោយសារតែការទទួលទានផ្លែឈើ បន្លែ ត្រី សាច់ និងម្ហូបអាហារដែលធ្វើមិនស្អាត ឬក៏ធ្វើស្អាតហើយ តែជាតិគីមីពិបាកនឹងបំបែកនោះធ្វើពលរដ្ឋមានជំងឺមិនឆ្លង និងជំងឺរ៉ាំរ៉ៃចេះតែកើនឡើងច្រើនឡើងៗនៅក្នុងប្រទេសដូចជា ជំងឺមហារីក ជំងឺលើសឈាម ជំងឺលើសជាតិស្ករ ឬខ្លាញ់ ជំងឺថ្លើម ជំងឺបេះដូង ជំងឺក្រពះពោះវៀន ជំងឺសួត ជំងឺទឹកនោមផ្អែម ជាដើម។
បើយោងតាម សាស្ត្រាចារ្យផ្នែកកសិកម្មនៃសាកលវិទ្យាល័យខេត្តបាត់ដំបងមានប្រសាសន៍ថា ថ្នាំពុលគីមីក្នុងដំណាំជាវុធមុខ ពីរក្នុងវិស័យកសិកម្ម។ ថ្នាំពុលគីមីបានជួយឱ្យផលដំណាំរបស់កសិករឆាប់ទទួលបានផល រក្សាបានផលដំណាំបានយូរ ការពារបានការបំផ្លាញពីសត្វល្អិតចង្រៃ ជួយឱ្យប្រទេសកំពុងអភិវឌ្ឍន៍អាចផលិតផ្គត់ផ្គង់ឆ្លើយតបតាមតម្រូវការទាន់ពេល កាត់បន្ថយជំងឺក្នុងដំណាំ និងទទួលបានបរិមាណច្រើន។ តែយ៉ាងណាសម្រាប់ផលប៉ះពាល់របស់ថ្នាំគីមីវិញ គឺបង្កឱ្យសត្វ ល្អិតក្នុងដីបានងាប់ដែលបំផ្លាញដល់ប្រព័ន្ធអេកូឡូស៊ីក្នុងធម្មជាតិ។ ដោយឡែក ប្រភពទឹក ដី ខ្យល់ សត្វ មនុស្ស ត្រូវរងផលប៉ះពាល់ដល់សុខភាពនិងអាយុជីវិតផងដែរ។
ជាអនុសាសន៍ អ្នកជំនាញអំពាវនាវឱ្យប្រជាកសិករគប្បីត្រូវប្រើប្រាស់ជីសរីរាង្គក្នុងដំណាំ បញ្ចៀសការប្រើប្រាស់ ថ្នាំពុលគីមីដែលគ្មានសុវត្ថិភាព ព្រោះវាប៉ះពាល់ដល់សុខភាពអ្នកបរិភោគ។ កសិករត្រូវផលិតអាហារដែលមានសុវត្ថិភាពដល់អ្នកហូប តាមរយៈការកាត់បន្ថយការប្រើថ្នាំពុលគីមីក្នុងដំណាំ និងដាំបែប សរីរាង្គឬប្រើជីធម្មជាតិឱ្យបានច្រើ។ រីឯអ្នកប្រើប្រាស់ឬអ្នកបរិភោគវិញ គួរងាកមកទទួលទាន បន្ថែធម្មជាតិ ដែលមានការ វ៉ិចខ្ចាប់ត្រឹមត្រូវ មានការទទួលស្គាល់ច្បាស់បើទោះបីមានតម្លៃថ្លៃជាបន្ថែនាំចូលបន្តិចក្តី៕
[wai id="5"]