[wai id="7"]
ស្រោមអនាម័យ បានក្លាយជាវត្ថុមួយដែលសង្គមត្រូវការ ដាក់លក់ទិញដូរ យកដើរតាមខ្លួន ឬ ទិញដាក់ក្នុងទូរជាប្រចាំ ឬ ក៏រហូតដល់មានការចែកចាយតាមផ្លូវ។ អ្នកខ្លះពិបាកខ្វល់ខ្វាយ អៀនប្រៀននឹងរៀបចំទុកដាក់ តែវត្ថុមួយនេះនឹងធ្វើម្នាក់ទៀតមានទំនុកចិត្ត។ គ្មានអ្វីគួរឲ្យអៀនខ្មាសនឹងនិយាយ ឬ យកតាមខ្លួនទេ។
យ៉ាងណាមិញ មានការលើកឡើងថាការពាក់ស្រោមអនាម័យ ២ជាន់វាអាចបង្ការការ បែកឫដាច់ដោយចៃដន្យ ប៉ុន្តែសំណួរត្រង់ ថាតើការប្រើប្រាស់បែបនេះវាពិតជាមានសុវត្ថិភាពពិតមែនឫ ?
បើតាមអ្នកជំនាញ អ្នកមិនគួរប្រើប្រាស់ស្រោមអនាម័យលើសពី១ឡើយ សម្រាប់ការរួមភេទម្ដង។ ការប្រើ២ ឬច្រើនត្រួតគ្នា នឹងកាន់តែធ្វើឲ្យការការពារមិនមានប្រសិទ្ធភាពទៅវិញនោះទេ ព្រោះវាអាចកកិតគ្នាបណ្ដាលគ្នាឲ្យមានការដាច់រហែកត្រង់ចំណុចណាមួយ។
សូមបញ្ជាក់ថា ស្រោមអនាម័យរបស់បុរស មានប្រសិទ្ធភាពក្នុងការពន្យារកំណើតបានពី ៨២% ទៅ ៩៨% ឯស្រោមអនាម័យរបស់ស្ត្រី មានប្រសិទ្ធភាពពី ៧៩% ដល់ ៩៥%។ ការប្រើស្រោមអនាម័យរបស់បុរស ឬស្ត្រី មិនគួរប្រើនៅពេលតំណាលគ្នាឡើយ
ស្រោម អនាម័យមានពីរប្រភេទ មួយសំរាប់បុរស និង មួយទៀតសំរាប់ស្ត្រី។ ស្រោមអនាម័យបុរស វាជាស្រទាប់ការពារស្តើង ទន់យឺត មិនជ្រាបឈាម និង វត្ថុរាវចេញពីអង្គកាយ មានកងនៅខាងដើម ឯខាងចុងមានថ្នក់បិទជិត សំរាប់យកទៅបំពាក់លើលិង្គបុរសនៅពេលបះខឹង និងដើម្បីការពារកុំឲ្យទឹកកាមបុរសអាចហូរចូលក្នុងប្រដាប់ភេទ ស្ត្រីបានក្នុងពេលរួមសេពសន្ថវៈ ។ ចំពោះស្រោមអនាម័យស្ត្រី ទើបតែនឹងមានចរាចរទូទៅនៅទស្សវត្សឆ្នាំ ៩០នេះទេ ប៉ុន្តែជាស្រោមអនាម័យដែលមានប្រសិទ្ធភាពខ្ពស់បំផុត ក្នុងការពារជំងឺឆ្លងតាមផ្លូវភេទជាពិសេស ជំងឺស៊ីដា៕
[wai id="5"]
