[wai id="8"]
[wai id="7"]
ក្រុមហ៊ុនលក់ទំនិញរាយដ៏ធំបំផុតនៅលើពិភពលោក 7-Eleven ដែលមានហាងទំនិញជាង ៧ម៉ឺនហាង នៅជុំវិញពិភពលោក បានចុះហត្ថលេខាផ្ដល់សិទ្ធិអាជីវកម្មផ្ដាច់មុខ (Master Franchise) ជាមួយក្រុមហ៊ុន CP ALL (Cambodia) Co., Ltd. ដែលជាបុត្រសម្ព័ន្ធមួយរបស់ CP ALL Public Company Limited ដើម្បីបើកដំណើរការហាងទំនិញប្រ៊េន 7-Eleven នៅកម្ពុជា។ នេះបើយោងតាមការចុះផ្សាយរបស់សារព័ត៌មាន elevenmyanmar កាលពីថ្ងទី២២ ខែកក្កដា ឆ្នាំ ២០២០ ។
ពាណិជ្ជកម្ម
ផ្អែកតាមខ្លឹមសារនៃ កិច្ចព្រមព្រៀងនោះក្រុមហ៊ុន CP ALL (Cambodia) Co., Ltd. គឺជាអ្នកទិញសិទ្ធិផ្ដាច់មុខតែ មួយគត់ដែលទទួលបានការអនុញ្ញាតតាមផ្លូវច្បាប់ឱ្យបើកដំណើរការហាង7-Elevenនៅក្នុងប្រទេសកម្ពុជា។ បើតាមគម្រោង ហាងទំនិញ 7-Eleven ដំបូងបំផុត នឹងបើកនៅរាជធានីភ្នំពេញ នៅឆ្នាំ២០២១។ ក្រុមហ៊ុនដែលទទួលបានសិទ្ធិអាជីវកម្មលើហាងទំនិញប្រ៊ែន 7-Eleven គឺក្រុមហ៊ុន CP ALL (Cambodia) Co., Ltd. ដែលជាបុត្រសម្ព័ន្ធរបស់ក្រុមហ៊ុន CP ALL Public Company Limited របស់ប្រទេសថៃ។ នេះបើយោងតាមប្រកាសព័ត៌មានរបស់ក្រុមហ៊ុន 7-Eleven នៅសហរដ្ឋអាមេរិក។
គួររម្លឹកដែរថាកាលពីពេលកន្លងទៅនេះ ប្រ៊ែន 7-Eleven ត្រូវបានជនមួយចំនួនបានតាំងខ្លួនធ្វើជាតំណាងទទួលសិទ្ធិ ផ្តាច់មុខប្រចាំប្រទេសកម្ពុជា ប៉ុន្តែឥឡូវនេះច្បាស់ការហើយគឺមានតែក្រុមហ៊ុនCP ALL (Cambodia) Co., Ltd. ជាអ្នកទិញ សិទ្ធិផ្ដាច់មុខ តែមួយគត់នៅក្នុងទីផ្សារកម្ពុជា៕
[wai id="5"]
