[wai id="8"]
[wai id="7"]
ក្រសួងសុខាភិបាលវៀតណាមនៅ បានប្រកាសឲ្យដឹងថា អ្នកស្លាប់ដោយសារជំងឺ Covid-19 នៅវៀតណាម កើនដល់៥នាក់ ខណៈចំនួនអ្នកឆ្លងកើនដល់៦២០នាក់ នេះបើយោងតាមសារព័ត៌មាន របស់វៀតណាមចេញ ផ្សាយថ្ងៃទី០២ ខែសីហា ឆ្នាំ២០២០។
អាជ្ញាធរកំពុងត្រៀមធ្វើតេស្តទៅលើប្រជាជនទាំង ១.១លាននាក់នៃទីក្រុងដាណាង (Danang) ដែលបានក្លាយជា ចំណុចកណ្តាលថ្មីនៃការផ្ទុះរាលដាលជំងឺនេះ របស់ប្រទេសវៀតណាម បន្ទាប់ពីក្រសួងសុខាភិបាល វៀតណាម នៅថ្ងៃអាទិត្យនេះ បានប្រកាសពីការរកឃើញករណីឆ្លង COVID-19 ចំនួន៤នាក់ថ្មីទៀត ដោយក្នុងនោះ២នាក់ជា ករណីឆ្លងក្នុងស្រុកផ្ទាល់ និង២នាក់ជាករណីនាំចូល។
អាជ្ញាធរសុខាភិបាលក្នុងដាណាង បានធ្វើតេស្តរក COVID-19 សរុបចំនួន៨,២៤៧តេស្ត គិតចាប់តាំងពីថ្ងៃទី២៥ ខែកក្កដាមក ជាពេល ដែលការឆ្លងរាលដាលថ្មីបានផ្ទុះឡើងដំបូង។ សមត្ថភាពនៃការធ្វើតេស្ត ត្រូវបានអាជ្ញាធរ អះអាងថា នឹងបង្កើនឲ្យទៅដល់ចន្លោះ៨ពាន់- ១ម៉ឺនក្នុងមួយថ្ងៃ ដោយពួកគេគ្រោងធ្វើតេស្ត ប្រជាជនទាំងអស់ ដែលរស់នៅក្នុងទីក្រុងនេះ គឺ១.១លាននាក់។
ពាណិជ្ជកម្ម
ប្រធានាធិបតីវៀតណាមលោក Nguyen Xuan Phuc (ង្វៀន ស៊ួនហ្វុក) បានចុះហត្ថលេខាលើបទបញ្ជានេះ ដែលតម្រូវឲ្យមនុស្សគ្រប់គ្នានៅផ្ទះរយៈពេល ១៥ ថ្ងៃ វិធានការនេះរួមមានការបិទអាជីវកម្មស្ទើរតែទាំងអស់ លើកលែងតែអាជីវកម្មដែលគេចាត់ទុកថាចាំបាច់បំផុត។
ការបិទនេះធ្វើឡើងចំពេលដែលអ្នកវិនិយោគបរទេសជាច្រើនកំពុងផ្លាស់ទីតាំងសង្វាក់ផលិតកម្មរបស់ខ្លួនពីប្រទេសចិនមកប្រទេសវៀតណាម ដែលមួយផ្នែកដោយសារពួកគេត្រូវបង្ខំបិទអាជីវកម្មរបស់ខ្លួននៅក្នុងប្រទេសចិន។
រដ្ឋាភិបាលវៀតណាមបានបញ្ជាក់តាមគេហទំព័រផ្លូវការរបស់ខ្លួនថា ខ្លួននឹងបន្តអនុវត្តវិធានការនេះ «ដោយផ្អែកលើគោលការណ៍ថាគ្រប់គ្រួសារ ភូមិ ឃុំ ស្រុក និងខេត្តនឹងត្រូវដាក់ឲ្យនៅដាច់ដោយឡែក»។
ការប្រកាសរបស់រដ្ឋាភិបាលនេះត្រូវបានផ្សាយតាមឧគ្ឃោសនស័ព្ទតាមផ្លូវសាធារណៈនៅរដ្ឋធានីហាណូយ ស្របពេលដែលប្រជាពលរដ្ឋប្រញាប់ប្រញាល់ចេញទៅទិញឥវ៉ាន់មុននឹងលែងចេញពីផ្ទះ។
គួរបញ្ជាក់ដែរបច្ចុប្បន្ននេះអាជ្ញាធរវៀតណាម បាននឹងកំពុងត្រៀមធ្វើតេស្ត ទៅលើប្រជាជនទាំង ១.១លាននាក់នៃទីក្រុងដាណាង (Danang) ដែលជាកន្លែងចំណុចកណ្តាលថ្មីនៃការផ្ទុះរាលដាល ជំងឺកូវីដ១៩ របស់ប្រទេសវៀតណាម។ សមត្ថភាពនៃការធ្វើតេស្តត្រូវបានអាជ្ញាធរអះអាងថា នឹងបង្កើនឲ្យទៅដល់ចន្លោះ៨ពាន់- ១ម៉ឺនក្នុងមួយថ្ងៃ ដោយពួកគេគ្រោងធ្វើតេស្តប្រជាជនទាំងអស់ដែល រស់នៅក្នុងទីក្រុងនេះគឺ១.១លាននាក់៕
[wai id="5"]