[wai id="8"]
[wai id="7"]
សេចក្តីព្រាងច្បាប់ស្តីពីសណ្តាប់ធ្នាប់សាធារណៈចំនួន៨ជំពូក និង៤៨មាត្រា ដែលចែងពីការហាមឃាត់ស្លៀកពាក់ខ្លីនឹងត្រូវដាក់អនុវត្តចុងឆ្នាំនេះ ឬដើមឆ្នាំក្រោយ ។ គោលបំណង ដើម្បីធានាការគ្រប់គ្រងសណ្ដាប់សាធារណៈ ឱ្យមានរបៀបរៀបរយ សោភ័ណភាព អនាម័យ បរិស្ថាន ភាពស្ងប់ស្ងាត់ សុវត្ថិភាពសង្គម រក្សាប្រពៃណីជាតិ និងសេចក្ដីថ្លៃថ្នូររបស់ប្រជាពលរដ្ឋ។
ពាណិជ្ជកម្ម
នៅក្នុងសេចក្ដីព្រាងច្បាប់នេះបានចែងអំពីការរឹតត្បិត ដូចជាស្ដ្រីត្រូវបានហាមឃាត់ការស្លៀកពាក់ខ្លីពេករហូតខើចលើ ខើចក្រោម ការស្លៀកពាក់ស្ដើងលេចកេរភេទ ឬការស្លៀកពាក់បង្ហាញផ្នែកខ្លះនៃកេរភេទ បុរសមិនត្រូវដោះអាវ ឱ្យខ្លួនទទេរនៅទីសាធារណៈ ឬស្លៀកតែខោទ្រនាប់ដើម្បីបង្ហាញកេរខ្មាស។
សកម្មភាពហាមឃាត់នៅតាមទីសាធារណៈផ្សេងទៀត ដូចជាការរស់នៅលើចិញ្ចើមផ្លូវ ការសុំទាន ការបង្ហូរចោលកាក សំណល់នៅតាមទីសាធារណៈ ការបិទផ្សាយព័ត៌មានឬរូបភាពធ្វើឱ្យប៉ះពាល់ប្រពៃណីនិងសាសនា។
យោងតាមការចេញផ្សាយរបស់គេហទំព័រក្នុងស្រុកមួយបានឲ្យដឹងថា ក្រសួងមហាផ្ទៃបានបញ្ចប់ការតាក់តែងបឋមនៃច្បាប់ស្ដីពីសណ្ដាប់ធ្នាប់សាធារណៈ ហើយកាលពីខែមិថុនា បានបញ្ជូនសេចក្ដីព្រាងច្បាប់នេះទៅឱ្យអាជ្ញាធរថ្នាក់ក្រោមជាតិ នៅតាមបណ្ដាខេត្តទាំងអស់ពិនិត្យ និងកែសម្រួលចុងក្រោយ មុនដាក់ជូនទៅរដ្ឋាភិបាល ។
ក្រសួងមហាផ្ទៃបញ្ជាក់ថា ច្បាប់នេះ អាចនឹងត្រូវចូលជាធរមាននៅចុងឆ្នាំនេះ ឬដើមឆ្នាំក្រោយ ប្រសិនបើការយល់ និងអនុម័តដោយក្រសួងពាក់ព័ន្ធនានា និងរដ្ឋសភា ។ សេចក្ដីព្រាងច្បាប់ស្ដីពីសណ្ដាប់ធ្នាប់សាធារណៈនេះ មាន៨ជំពូក និង៤៣មាត្រា និងមានគោលបំណង ដើម្បីធានាការគ្រប់គ្រងសណ្ដាប់សាធារណៈ ឱ្យមានរបៀបរៀបរយ សោភ័ណភាព អនាម័យ បរិស្ថាន ភាពស្ងប់ស្ងាត់ សុវត្ថិភាពសង្គម រក្សាប្រពៃណីជាតិ និងសេចក្ដីថ្លៃថ្នូររបស់ប្រជាពលរដ្ឋ ។
[wai id="5"]