[wai id="8"]
លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយមបានលើកឡើងថា ឥទ្ធិពលពីបាតុភូត La Ninaនិងបាតុភូត Enso ធ្វើឲ្យប្រទេសកម្ពុជា អាចនឹងកើតមានឡើងនូវជំនន់ទឹកភ្លៀង ញឹកញាប់ ចាប់ពីពាក់កណ្តាលខែកញ្ញា ដល់ចុងខែតុលា ឆ្នាំ ២០២០។
លោកចាន់ យុត្ថា បានសរសេរឲ្យដឹងនៅលើទំព័រហ្វេសប៊ុករបស់លោកនៅថ្ងៃទី២៣ ខែសីហាថា តាមការសង្កេតរបស់ស្ថានីយឧតុនិយមធំៗនៅអាស៊ី អឺរ៉ុប អាមេរិក បានបង្ហាញថា ចាប់ពីខែកញ្ញាឆ្នាំ២០២០នេះតទៅព្រះរាជាណាចក្រកម្ពុជា ក៏ដូចជាបណ្ដាប្រទេសក្នុងតំបន់មួយចំនួន នឹងទទួលរងឥទ្ធិពលពីបាតុភូតLa Nina៦០ភាគរយ និង៤០ភាគរយទៀតជាបាតុភូតEnso។
ពាណិជ្ជកម្ម
អ្នកនាំពាក្យក្រសួងធនធានទឹក និងឧតុនិយមដដែល បានសរសេរបញ្ជាក់ថា”លក្ខខណ្ឌអាកាសធាតុខាងលើនេះគឺមានសភាពប្រហាក់ប្រហែល នឹងស្ថានភាពអាកាសធាតុនៅព្រះរាជាណាចក្រកម្ពុជា កាលពីឆ្នាំ១៩៨១និងឆ្នាំ២០១០។ ជំនន់ទឹកភ្លៀងអាចនឹងកើតមានឡើងញឹកញាប់ ចាប់ពីពាក់កណ្តាលខែកញ្ញា ដល់ចុងខែតុលាឆ្នាំ២០២០”៕
[wai id="5"]