[wai id="8"]
[wai id="7"]
អភិបាលរាជធានីភ្នំពេញលោក ឃួង ស្រេង នៅថ្ងៃទី២៨ ខែកញ្ញា ឆ្នាំ២០២០នេះ បានចេញសេចក្តី ជូនដំណឹងមួយបញ្ជាក់យ៉ាងច្បាស់ថា ស្រះដែលស្ថិតនៅក្នុងទីក្រុងរណប «ហ្គ្រេនភ្នំពេញ» គឺជាកម្មសិទ្ធិ របស់អ្នកឧកញ៉ា លាង ឃុន និងអ្នកឧកញ៉ា លាង ម៉េង ពុំមានជាទ្រព្យសម្បត្តិសាធារណៈ របស់សាលា រាជធានីភ្នំពេញទេ។
ឆ្លើយតបតំណាងពលរដ្ឋ១៤០គ្រួសារ នាំគ្នាតវ៉ានឹងគម្រោងលុបស្រះទឹកនេះ លោក ឃួង ស្រេង បានបញ្ជាក់ថា រដ្ឋបាលរាជធានីភ្នំពេញពុំមានមូលដ្ឋានច្បាប់គ្រប់គ្រាន់ ក្នុងការអន្តរាគមន៍រក្សា និងទប់ស្កាត់ការលុបស្រះទឹកនេះ ពីក្រុមហ៊ុនជីប ម៉ុង បានឡើយ។ លោក បន្តថា បើរដ្ឋបាលរាជធានីភ្នំពេញអន្តរាគមន៍រក្សា និងទប់ស្កាត់ការលុបស្រះទឹកខាងលើនេះ វានឹងក្លាយជាទង្វើរំលោភមាត្រា៨៥ និងមាត្រា៨៨នៃច្បាប់ភូមិបាល។
ពាណិជ្ជកម្ម
លិខិតមួយច្បាប់របស់សាលារាជធានីភ្នំពេញ ជូនទៅតំណាងពលរដ្ឋទាំង១៤០គ្រួសាររស់នៅក្នុងបុរីទីក្រុងរណបអន្តរជាតិហ្គ្រេនភ្នំពេញ កាលពីថ្ងៃទី២៨កញ្ញាម្សិលមិញ ដោយសង្កត់ធ្ងន់ថា ស្រះទឹកដែលមានទំហំជាង១០ហិកតានេះ គឺមានប័ណ្ណសម្គាល់សិទ្ធកាន់កាប់អចលនវត្ថុលេខ ភ.ព ១២៥៩៨ ចុះថ្ងៃទី២៥សីហា ឆ្នាំ២០០៩របស់មន្ទីររៀបចំដែនដី នគរូបនីយកម្មសំណង់ និងសូរិយាដីរាជធានីភ្នំពេញ ដែលជាកម្មសិទ្ធិរបស់លោក លាង ឃុន និងលោក លាង ម៉េង បានទិញពីក្រុមហ៊ុនវ៉ាយ អិល ភីគ្រុប។ មានន័យថា ទីតាំងស្រះនោះ ស្ថិតនៅក្នុងសិទ្ធិកាន់កាប់ឯកជនត្រឹមត្រូវរបស់ក្រុមហ៊ុន ជីប ម៉ុង។