[wai id="8"]
[wai id="7"]
លោក Tassilo BRINZER ប្រធានសភាពាណិជ្ជកម្មអឺរ៉ុបប្រចាំកម្ពុជា(EuroCham) បានឯកភាពជាមួយនឹងសំណើរ របស់រដ្ឋមន្ត្រី ក្រសួងការងារកម្ពុជាថា លោកនឹងប្រកាសកៀរគរអ្នកវិនិយោគ ដែលជាសមាជិករបស់សភាពាណិជ្ជកម្ម អឺរ៉ុបទាំងឡាយ ពិសេសនៅប្រទេសជិតខាងកម្ពុជា មានប្រទេសថៃ វៀតណាមជាដើម ឱ្យចាប់អារម្មណ៍ងាកមកវិនិយោគនៅ កម្ពុជាបន្ថែមទៀត ខណៈបរិយាកាសវិនិយោគនៅកម្ពុជា ត្រូវលោកវាយតម្លៃថា ពិតជាមានភាពល្អប្រសើរ។
នេះបើយោងតាមការផ្សព្វផ្សាយ ក្នុងផេកហ្វេសប៊ុកលោកអ៊ិត សំហេង។
ពាណិជ្ជកម្ម
ក្នុងជំនួបជាមួយលោក Tassilo BRINZER នៅថ្ងៃទី១៤ ខែតុលា ឆ្នាំ២០២០ លោក អ៊ិត សំហេង បានថ្លែងថា ដោយសារវិបត្តិជំងឺកូវីដ-១៩ សេដ្ឋកិច្ចកម្ពុជាបានរងផល ប៉ះពាល់យ៉ាងខ្លាំង ពិសេសលើវិស័យការងារ ទេសចរណ៍ ការនាំចេញផលិតផល និងវិស័យនានាមួយចំនួនទៀត ខណៈរាជរដ្ឋាភិបាលកម្ពុជា ក៏បានខិតខំដោះស្រាយបញ្ហាទាំងនេះ ដោយបានធ្វើពិពិធកម្មសេដ្ឋកិច្ចឡើងវិញ ។
លោក អ៊ិត សំហេង បានស្នើដល់សភាពាណិជ្ជកម្មអឺរ៉ុប ប្រចាំកម្ពុជា ធ្វើយ៉ាងណាផ្ដល់កិច្ចសហប្រតិបត្តិការជាមួយក្រសួង ការងារ និងបណ្ដុះបណ្ដាលវិជ្ជាជីវៈ ដើម្បីចូលរួមក្នុងការអនុវត្តគោល នយោបាយជាតិនានារបស់កម្ពុជា។
លោករដ្ឋមន្ត្រីស្នើសភា ពាណិជ្ជកម្មអឺរ៉ុបប្រចាំកម្ពុជា ជួយទាក់ទាញអ្នកវិនិយោគ ដែលជាដៃគូរបស់ខ្លួនឲ្យមក វិនិយោគនៅកម្ពុជាបន្ថែមទៀត ហើយកម្ពុជានៅតែស្វាគមន៍ ជានិច្ច ចំពោះការវិនិយោគ របស់សមាជិកសភាពាណិជ្ជកម្មអឺរ៉ុប ។
លោក Tassilo BRINZER ឯកភាពយល់ព្រម ដោយបញ្ជាក់ថា លោកនឹងប្រកាសកៀរគរអ្នកវិនិយោគ ដែលជាសមាជិករបស់សភាពាណិជ្ជកម្មអឺរ៉ុបទាំងឡាយ ពិសេស នៅប្រទេសជិតខាង មានថៃ វៀតណាមឲ្យចាប់អារម្មណ៍ ងាកមកវិនិយោគនៅកម្ពុជាបន្ថែមទៀត ខណៈបរិយាកាសវិនិយោគនៅកម្ពុជា គឺពិតជាមានភាពល្អប្រសើរ។
ជាមួយគ្នានេះ ភាគីទាំងពីរក៏បានឯកភាពគ្នាលើការពង្រឹង កិច្ចសហប្រតិបត្តិការឱ្យ បានជិតស្និទ្ធបន្ថែមទៀត ដើម្បីសម្រេចបាននូវការរីកចម្រើន សេដ្ឋកិច្ចរបស់កម្ពុជា ឱ្យកាន់តែល្អប្រសើរ ទោះបីមានបញ្ហា EBA ឬបញ្ហាជំងឺកូវីដ-១៩ ក៏ភាគីទាំងពីរនៅតែប្រកៀកស្មាគ្នា ជម្នះឧបសគ្គឱ្យបាន ។