[wai id="8"]
[wai id="7"]
ក្រសួងសុខាភិបាល បានជូនដំណឹងដល់អ្នកដែលប៉ះពាល់ជាមួយអ្នកជំងឺកូវីដ១៩ ចំនួន៦នាក់ ដែលជាអគ្គនាយកពន្ធនាគារ និងភរិយា ព្រមទាំងសមាជិកគ្រួសារ ចាំបាច់ត្រូវធ្វើចត្តាឡីស័ក ១៤ថ្ងៃ នៅតាមរបស់ខ្លួនឱ្យបានត្រឹមត្រូវ និងនៅមណ្ឌលចត្តាឡីស័កនៅខេត្តសៀមរាប ខេត្តស្ទឹងត្រែង ខេត្តមណ្ឌលគិរី និងខេត្តបន្ទាយមានជ័យ (សម្រាប់អ្នកដែលប៉ះពាល់នៅតាមខេត្ត) ឱ្យបានហ្មត់ចត់ជាទីបំផុត។
អាជ្ញាធរថ្នាក់ក្រោមជាតិ និងមន្ទីរសុខាភិបាលខេត្តដែលជាប់ពាក់ព័ ន្ធ ត្រូវបន្តរុករកស្រាវជ្រាវរកអ្នកប៉ះពាល់ និងធ្វើការតាមដាន ការងារធ្វើចត្តាឡីស័កចំនួន១៤ថ្ងៃនេះជាបន្តទៀត ដើម្បីទប់ស្កាត់ការចម្លងវីរុសកូវីដ១៩បន្តគ្នា ក្នុងលក្ខណៈទ្រង់ទ្រាយធំ នៅសហគមន៍ផងដែរ។ រីឯផ្សារទំនើបអ៉ឺអន១ ត្រូវបានបិទជាបណ្តោះអាសន្នក្នុងរយៈពេល២-៣ថ្ងៃសិន ដើម្បីស្រាវជ្រាវរកអ្នកប៉ះពាល់។
ពាណិជ្ជកម្ម
ដោយអគ្គនាយកពន្ធនាគារក្រសួងមហាផ្ទៃ មានការជួបប្រជុំជាមួយថ្នាក់ដឹកនាំជាន់ខ្ពស់មួយចំនួន នៅសប្តាហ៍កន្លងទៅនេះ និងដោយសារអ្នកជំងឺមានប្រវត្តិ ធ្វើដំណើរទៅខេត្តសៀមរាប និងទីកន្លែងផ្សេងៗទៀត ដូចជាផ្សារទំនើបអ៉ីអន១ និងខេត្តបន្ទាយមានជ័យជាដើម ហើយអ្នកប៉ះពាល់ផ្ទាល់មួយចំនួន ក៏បានធ្វើដំណើរទៅខេត្តស្ទឹងត្រែង មណ្ឌលគិរី និងអាចមានខេត្តផ្សេងៗទៀត (កំពុងស្រាវជ្រាវបន្ត) នៅក្នុងរយៈពេលមួយសប្តាហ៍កន្លងទៅនេះ ក្រសួងសុខាភិបាល បានរៀបចំក្រុមការងារយកសំណាក ហើយសូមអំពាវនាវដល់បុគ្គលទាំងអស់ ដែលបានជាប់ពាក់ព័ន្ធ ឬបានប្រាស័យទាក់ទងជាមួយអ្នកជំងឺខាងលើ សូមអញ្ជើញមកធ្វើតេស្តនៅបរិវេណក្រសួងមហាផ្ទៃ នៅបរិវេណផ្សារទំនើបអ៉ីអន១ រាជធានីភ្នំពេញ និងនៅពន្ធនាគារព្រៃស ចាប់ពីម៉ោង៧៖៣០នាទី ព្រឹកថ្ងៃទី២៩ ខែវិច្ឆិកានេះ។ ដោយឡែកក្រុមការងារក្រសួង នឹងយកវត្ថុសំណាកនៅកន្លែងផ្សេងៗទៀត ក្នុងករណីចាំបាច់។