[wai id="9"]
តារាចម្រៀងហង្សមាស អ្នកនាងឱក សុគន្ធកញ្ញា បានបង្ហោះសារនៅលើផេកហ្វេសប៊ុករបស់នាងនាព្រឹកនេះ ដោយបញ្ជាក់ថា នាងនឹងបន្តសង្កេតខ្លួនឯង ហើយរង់ចាំលទ្ធផលរបស់អ្នកដែលនាងបានជួបដោយប្រយោលតៗគ្នា ហើយបើមានលទ្ធផលយ៉ាងណានោះ នាងនឹងទៅធ្វើតេស្តផងដែរ។
ពាណិជ្ជកម្ម
បើយោងតាមទំព័រហ្វេសប៊ុករបស់អ្នកនាង ឱក សុគន្ធកញ្ញា បានចេញសារយ៉ាងដូច្នេះថា ៖ ជំរាបសួរពុកម៉ែបងប្អូនទាំងអស់គ្នា !
នាងខ្ញុំ ឱក សុគន្ធកញ្ញា អគុណខ្លាំងណាស់សម្រាប់ការយកចិត្តទុកដាក់ព្រួយបារម្ភសួរសុខទុក្ខពីនាងខ្ញុំ ។
នាងខ្ញុំសូមជម្រាបជូនថារហូតមកដល់ពេលនេះនាងខ្ញុំមិនទាន់មានអាការៈក្ដៅខ្លួន ផ្ដាសាយ ណាមួយគួរឲ្យសង្ស័យនៅឡើយទេ !
ប៉ុន្តែនាងខ្ញុំក៏កំពុងបន្តតាមដានសុខភាពខ្លួនឯងជាប្រចាំដូចគ្នា !
ជាថ្មីម្ដងទៀត នាងខ្ញុំសូមអរគុណសម្រាប់ការស្រលាញ់ និងការព្រួយបារម្ភរបស់បងប្អូនទាំងអស់គ្នាដែលបានផ្ញើរសារមកសួរសុខទុកជាច្រើនដោយនាងខ្ញុំមិនបានឆ្លើយតបបានទាំងអស់គ្នា
សូមអរគុណ
គួរបញ្ជាក់ដែរថា ការចេញសាររបស់អ្នកនាងឱក សុគន្ធកញ្ញា បែបនេះបន្ទាប់ពីនាងធ្លាប់បានប៉ះពាល់ដោយប្រយោលជាមួយ មិត្តរួមការងារ ដែលវិជ្ជមាននៃជំងឺកូវីដ១៩ ៕
