[wai id="9"]
អ្នកនាង កែវ ច័ន្ទនិមល បានធ្វើតេស្ដរកឃើញជំងឺកូវីដ-១៩ រួចមក អ្នកនាងនិងក្រុមគ្រួសារ ត្រូវបានដាក់ឲ្យសម្រាកព្យាបាលនៅអតីតអាំងទែរកុងទីណង់តាល់ (The Great Duke) និងបានត្រូវបានអនុញ្ញាតឲ្យស្នាក់នៅរួមក្នុង១បន្ទប់ជុំប្ដីនិងកូន។
ជុំវិញបញ្ហានេះលោក មាស រិទ្ធី ដែលបានជួបផ្ទាល់ជាមួយពិធីការិនីទូរទស្សន៍ល្បីឈ្មោះ បានឲ្យដឹងនៅព្រឹកនេះថា និមល បានប្រាប់លោកថា តាមពិតគឺនាង ប្រយ័ត្នប្រយែងខ្លាំងណាស់ក្នុងការបញ្ជៀសខ្លួនពីជំងឺដ៏សាហាវនេះ។ ប៉ុន្តែរឿងនេះបានកើតឡើងលើនាង និងគ្រួសារ ក្រោយពីនាងបានចូលខ្លួនទៅថតស្ប៉តពាណិជ្ជកម្មមួយដឹកនាំដោយលោក អ៊ិន ទីតូ ហើយក៏បានឆ្លងពីអ្នកដឹកនាំរូបនេះ ដោយមិនដឹងខ្លួន។
ពាណិជ្ជកម្ម
បើយោងតាមអធិការនគរបាលខណ្ឌមានជ័យ លោក ម៉េង វិមានតារា បានឲ្យដឹងថា ពិធីការិនី ទូរទស្សន៍ ហង្សមាស លោកស្រី កែវ ច័ន្ទនិមល និងស្វាមី រួមទាំងកូនស្រី ឆ្លងជំងឺកូវីដ១៩ ហើយត្រូវបានក្រុមគ្រូពេទ្យ ចុះទៅយកទាំងយប់ថ្ងៃទី៨ ខែមីនា ឆ្នាំ២០២១នេះ ពីផ្ទះនៅបុរី អ័រគីដេ ក្នុងខណ្ឌសែនសុខ ផ្លូវ២០០៤ ជិតសាលារៀន ណតប្រ៊ីដ។
គួរបញ្ជាក់ថា អ្នកនាង កែវ ច័ន្ទនិមល (ពិធីករហង្សមាស) ថាខ្លួនគាត់ ប្តី និងកូនស្រីរបស់គាត់អាយុ ១០ឆ្នាំ ដែលបានធ្វើតេស្តរកូវីដ១៩ កាលពីថ្ងៃមិញនេះ គឺលទ្ធផលចេញមកមានកូវីដ១៩ ទាំង៣នាក់។ អ្នកនាង កែវ ច័ន្ទនិមល បានប្រាប់ថា គាត់បានឆ្លងកូវីដ១៩ ពីអ្នកដឹកនាំថតស្ពត ឈ្មោះទីតូ ព្រោះកាលអំឡុងថ្ងៃទី ២៧-២៨ ខែកុម្ភៈ ឆ្នាំ២០២១ គាត់បានទៅជួយថតវីដេអូ ដើម្បីចូលរួមផ្សព្វផ្សាយអំពីការពារកូវីដ១៩ ហើយម្សិលមិញទើបគាត់ទទួលដំណឹងថា អ្នកដឹកនាំថតស្ពត ឈ្មោះទីតូ មានវិជ្ជមានកូវីដ១៩ (ឈ្មោះទីតូ ធ្លាប់ជួបជុំផឹកជាមួយប៉ូលិសចរាចរណ៍)៕