[wai id="9"]
កាលពីពេលថ្មីៗនេះ សាលាខេត្តសៀមរាបបានដាក់ពាក្យប្តឹងលោក ផែង វណ្ណៈ ចំនួន៤ករណីពាក់ពន្ធ័នឹងបទញុះញ៉ង់និង ប្រមាថអ្នករាជការ សាធារណៈ។ យោងតាមពាក្យបណ្តឹងនៅថ្ងៃទី២៣ ខែមិនា ដោយមានមេធាវីជាតំណាង សាលាខេត្ត សៀមរាប បានប្តឹងលោក ផែង វណ្ណៈ តាមរយៈបទចោទពី បទញុះញង់អោយមានការរើសអើង តាមបញ្ញតិ្តមាត្រា ៤៩៦, បទអំពើញុះញង់ប្រព្រឹត្តតាមផ្លូវ ព័ត៌មាន តាមបញ្ញតិ្តមាត្រា ៤៩៧, បទប្រមាថចំពោះអ្នករាជការសាធារណៈ បញ្ញតិ្តមាត្រា ៥០២, បទប្រមាថចំពោះព្រះសង្ឃ តាជី ដូនជី បញ្ញត្តិមាត្រា ៥១៦ តាមក្រមព្រហ្មទណ្ឌ នៃព្រះរាជាណាចក្រកម្ពុជា ដែលកើតឡើងកាលពីអំឡុង ថ្ងៃទី ១៤ ១៥ និង ១៦ ខែ មិនា ឆ្នាំ២០២១ ។
ពាណិជ្ជកម្ម
ពាក្យបណ្តឹងរបស់សាលាខេត្តសៀមរាប ស្នើសុំឲ្យព្រះរាជអាជ្ញានៃអយ្យការអមសាលាដំបូងខេត្តសៀមរាប៖
ទី១៖ សុំឲ្យធ្វើការពិនិត្យ សម្រេចចោទប្រកាន់ និងផ្តន្ទាទោសឲ្យបានធ្ងន់ធ្ងរបំផុត លើឈ្មោះ ផែង វណ្ណៈ តាមបញ្ញតិ្តមាត្រានៃក្រមព្រហ្មទណ្ឌនៃព្រះរាជាណាចក្រកម្ពុជា។
ទី២៖ សុំទាមទារសំណងជំងឺចិត្តពីឈ្មោះ ផែង វណ្ណៈ ដែលធ្វើឲ្យមានផលប៉ះពាល់ដល់សេចក្តីថ្លៃថ្នូរ កិត្តិយសរបស់អ្នករាជការសាធារណៈនៃសាលាខេត្តសៀមរាបចំនួន ១០០,០០០,០០០ (មួយរយលានរៀល)។