សម្រាប់អ្នកដែលចូលចិត្ត និងស្រលាញ់ សត្វឆ្មា ពេលនេះលោកអ្នក អាចទៅទស្សនា ឆ្មាស្អាតៗ Cute Cute ជាច្រើននៅហាង Cat U House ដែលមានទីតាំងស្ថិតនៅ ផ្លូវ៥៧ កែងផ្លូវ ៣៣៤ សង្កាត់ បឹងកេងកង ១ ខណ្ឌ ចំការមន។ ហាងកាហ្វេ ដែលបានដាក់ឲ្យដំណើរការ កាលពីថ្ងៃទី៨ ខែ សីហា ឆ្នាំ ២០១៨ មួយនេះ ក៏អនុញ្ញាតឲ្យអតិថិជន អាចលេងកម្សាន្ត និងថតរូបជាមួយឆ្មាទាំងនោះផងដែរ។
អ្នកគ្រប់គ្រងហាង Cat U house បានឲ្យដឹងថា ហាងរបស់ខ្លួន មិនបានបង្កើតឡើងដើម្បីប្រកួតប្រជែងជាមួយហាងកាហ្វេប្រេន ក្នុងប្រទេសកម្ពុជាទេ ប៉ុន្តែ Cat U house ជាកន្លែងផ្ទះរបស់អ្នកគ្រប់គ្នា ព្រោះអតិថិជនដែលចូលមកទីនេះ គឺមិនមែនជាភ្ញៀវទេ ប៉ុន្តែជាគឺជាសមាជិកគ្រួសារ ដូចជាបងស្រី ប្អូនស្រី បងប្រុស ប្អូនប្រុស។ ចំពោះរសជាតិភេសជ្ជៈរបស់ហាង Cat U house នេះ គឺផ្ដោតទៅលើរសជាតិប្លែក ដែលនៅប្រទេសកម្ពុជាពុំទាន់មាន។
Cat U House ត្រូវបានបង្កើតឡើងដោយពាក្យបី ៣ ម៉ាត់ជាភាសាអង់គ្លេស Cat ដែលមានន័យថា ឆ្មា ពាក្យ You ដែលមានន័យថា អ្នក និងពាក្យ House ដែលមានន័យថា ផ្ទះ ដែលយកពាក្យទាំង៣ នេះបូកចូលគ្នាមានន័យថា អ្នក និង ឆ្មា គឺនៅផ្ទះតែមួយ។ គោលបំណងសំខាន់គឺ ចង់ឲ្យអតិថិជនពិសាកាហ្វេ និងភេសជ្ជៈផ្សេងៗ ដែលមានរសជាតិឈ្ងុយឆ្ងាញ់ក្នុងហាង និងអាចលេងកម្សាន្ត ជាមួយឆ្មាជាច្រើន ដែលមាននៅក្នុងហាងមួយនេះ។ លើសពីនេះ Cat U House ក៏ជាបណ្ដុំនៃក្រុមអ្នកចូលចិត្តសត្វឆ្មាជួបជុំគ្នា និងអ្នកដែលចូលចិត្តសត្វឆ្មា កាន់តែមានភាពស្និទ្ធស្នាលជាមួយសត្វឆ្មា។
ព័ត៌មានបន្ថែមអាចចូលតាមដានក្នុងផេគ៖ Cat U House
Home ព្រឹត្តិការណ៍ថ្មីៗ ប្លែកអារម្មណ៍ និងរស់ជាតិជាមួយហាង Cat U House សម្រាប់អ្នកដែលចូលចិត្ត និងស្រលាញ់ សត្វឆ្មា Cute Cute ពិតជាមិនខាកបំណងឡើយ !