[wai id="8"]
[wai id="7"]
រដ្ឋមន្ត្រីក្រសួងសុខាភិបាល លោក ម៉ម ប៊ុនហេង បានណែនាំឲ្យ អភិបាលរាជធានី-ខេត្ត និងភាគី ពាក់ត្រូវរៀបចំវត្តអារ៉ាម ឲ្យមានរបៀបរៀបរយ ក្នុងឱកាសបុណ្យកាន់បិណ្ឌ និងភ្ជុំនាពេលខាងមុខដើម្បីទប់ស្កាត់ ការរីករាលដាលនៃជំងឺកូវីដ-១៩។
យោងតាមសេចក្ដីណែនាំរបស់ ក្រសួងសុខាភិបាល នៅថ្ងៃទី៣១ ខែសីហា ឆ្នាំ២០២០ លោក ម៉ម ប៊ុនហេង មានប្រសាសន៍ថា “អាជ្ញាធរ រាជធានី -ខេត្ត គណៈបញ្ជាការឯកភាពឃុំ-សង្កាត់-ខណ្ឌ ណៈកម្មាការ ថែរក្សាសន្ដិសុខ និងសណ្ដាប់ធ្នាប់ត្រូវរៀបចំឲ្យមាន របៀបរៀបរយ ក្នុងទីវត្តអារ៉ាម និងគណៈកម្មការវត្ត ត្រូវចាត់ចែងណែនាំឲ្យមាន ការអនុវត្តវិធានការសុខាភិបាល”។
ពាណិជ្ជកម្ម
លោកបន្ដថា ភាគីពាក់ត្រូវបង្កើន សកម្មភាពត្រួតពិនិត្យ តាមដានលើពុទ្ធបរិស័ទ ចេញ-ចូល ទីវត្តអារ៉ាម វិហារ សាលាឆាន់ និងកុដិនីមួយៗឲ្យបានហ្មត់ចត់ ហើយបុគ្គលគ្រប់រូប ត្រូវចូលរួមអនុវត្ត កិច្ចការពារខ្លួនកុំឲ្យកើត ជំងឺកូវីដ-១៩។
ក្នុងសេចក្ដីណែនាំដដែល ក្រសួងបានណែនាំឲ្យអាជ្ញាធររាជធានី-ខេត្ត គណៈបញ្ជាការឯកភាពឃុំ សង្កាត់ ខណ្ឌ គណៈកម្មការថែរក្សាសន្តិសុខ និងសណ្ដាប់ធ្នាប់របៀបរៀបរយ ក្នុងទីវត្តអារ៉ាម និងគណៈកម្មការវត្ត ត្រូវចាត់ចែងណែនាំឲ្យមានការអនុវត្តវិធានការសុខាភិបាលឲ្យបានល្អ ពិសេសត្រូវបង្កើនសកម្មភាពត្រួតពិនិត្យ តាមដានលើពុទ្ធបរិស័ទ ដែលចេញ-ចូលទីវត្តអារាម។
លើសពីនេះក្រសួងសុខាភិបាល បានណែនាំដល់ពលរដ្ឋឲ្យមានការប្រុងប្រយ័ត្នចំពោះការទទួលទានអាហារ ដោយត្រូវចម្អិនម្ហូបអាហារឲ្យឆ្អិនល្អ រក្សាចំណីអាហារឆៅនិងឆ្អិននៅឲ្យដាច់ដោយឡែកពីគ្នា ចៀសវាងងាយនឹងផ្អូម ដែលអាចបង្កជារោគចម្លងជំងឺផ្សេងៗ ឬការពុលចំណីអាហារជាដើម។
[wai id="5"]
