(ទីក្រុងសេអ៊ូល)៖ នៅថ្ងៃសុក្រនេះ តុលាការឧទ្ធរណ៍របស់កូរ៉េខាងត្បូងបានកាត់ទោសអតីតប្រធានាធិបតីកូរ៉េខាងត្បូង លោកស្រី Park Geun-hye ឱ្យជាប់ពន្ធនាគារតយៈពេល ២៥ឆ្នាំ នៅក្នុងសំណុំរឿងអាស្រូវពុករលួយ ដែលបានបណ្តាលឲ្យមានការទម្លាក់លោកស្រីចេញពីអំណាច កាលពីឆ្នាំ ២០១៧។
លោកស្រីផាក បានក្លាយជាប្រធានាធិបតីជាប់ឆ្នោតដោយលទ្ធិប្រជាធិបតេយ្យដំបូងគេ ដែលត្រូវបានទម្លាក់ចេញពីអំណាច បន្ទាប់ពីតុលាការធម្មនុញ្ញបានដកហូតសិទ្ធលោកស្រីជាប្រធានាធិបតី ពាក់ព័ន្ធទៅនឹងសំណុំរឿងអាស្រូវអំពើពុករលួយ។
តុលាការជាន់ខ្ពស់របស់ទីក្រុងសេអ៊ូលបានរកឃើញថា លោកស្រីផាក បានសមគំនិតជាមួយមិត្តរបស់ខ្លួនឈ្មោះ Choi Soon-Sil ក្នុងការទទួលបានលុយ ១០ពាន់លានវ៉ុនពីក្រុមហ៊ុនធំៗមួយចំនួន ដើម្បីជួយដល់ក្រុមគ្រួសារ Choi និងបានផ្តល់មូលនិធិទៅដល់អង្គការដែលមិនរកប្រាក់កម្រៃ ដែលជាកម្មសិទញធរបស់លោកស្រីផ្ទាល់។
ចៅក្រមជំនុំជម្រះ លោក គីមមុនស៊ុកបាននិយាយនៅក្នុងសេចក្តីសម្រេចថា «កិច្ចព្រមព្រៀងដោយគ្មានសីលធម៌រវាងអំណាចនយោបាយ និងអំណាចហិរញ្ញវត្ថុប៉ះពាល់ដល់ខ្លឹមសារនៃលទ្ធិប្រជាធិបតេយ្យ និងធ្វើឱ្យខូចទ្រង់ទ្រាយទៅក្នុងសេដ្ឋកិច្ចទីផ្សារ ដែលធ្វើឲ្យប្រជាជនបាត់បង់ទំនុកចិត្តយ៉ាងខ្លាំងក្លា»។ លោក Kim បាននិយាយថា «ការពិន័យយ៉ាងតឹងរ៉ឹងគឺមិនអាចចៀសរួចនោះទេ»។
តុលាការក៏បានពិន័យលោកស្រីផាក ដែលជាកូនស្រីរបស់អតីតជនផ្តាច់ការយោធា ២០ពាន់លានវ៉ុន ឬស្មើ ១៦,៨៦លានដុល្លារសហរដ្ឋអាមេរិក ក្រោយពេលដែលបានរកឃើញថាលោកស្រីមានទោសពៃពីបទបំពានអំណាច អំពើសូកប៉ាន់ និងការបង្ខិតបង្ខំ។
កាលពីខែមេសា តុលាការជាន់ទាបកូរ៉េខាងត្បូងបានកាត់ទោសលោកស្រីផាក ឲ្យជាប់ពន្ធនាគាររយៈពេល ២៤ឆ្នាំ។ ដោយឡែក តុលាការមួយទៀតបានកាត់ទោសឲ្យលោកស្រីជាប់ពន្ធនាគាររយៈពេល ៨ខែបន្ថែមទៀតកាលពីខែកក្កដា ជុំវិញការបាត់កញ្ចប់ថវិការមូលនិធិរបស់រដ្ឋាភិបាល នៅក្នុងការបោះឆ្នោតឆ្នាំ ២០១៦។
សូមបញ្ជាក់ថា លោកស្រី Park មានអាយុ ៦៦ឆ្នាំបានជាប់ពន្ធនាគាតាំងពីថ្ងៃទី ៣១ ខែមីនាឆ្នាំ ២០១៧ ប៉ុន្តែបានលោកស្រីបដិសេធនូវកំហុសរបស់ខ្លួន ហើយមិនមានវត្តមាននៅក្នុងតុលាការទេ។ លោកស្រីបានវិលចូលប្រទេសកូរ៉េខាងត្បូងនៅឆ្នាំ ២០១២ ក្រោយពីមានករណីអំពើឃាតកម្មទៅលើឪពុករបស់លោកស្រី៕DNT-NEWS
Home ព្រឹត្តិការណ៍ថ្មីៗ អតីតប្រធានាធិបតីកូរ៉េខាងត្បូង ត្រូវបានតុលាការកាត់ទោសឲ្យជាប់ពន្ធនាគារយៈពេល ២៥ឆ្នាំ