ក្រសួងការពារជាតិកូរ៉េខាងត្បូងបាននិយាយថា ទីក្រុងសេអ៊ូលកាលពីថ្ងៃពុធម្សិលមិញនេះ បានធ្វើការតវ៉ាប្រឆាំងទៅនឹងយន្តហោះចម្បាំងរបស់ចិន ដែលបានហោះចូលរ៉ាដាប្រឆាំងយន្តហោះចម្បាំងរបស់ខ្លួន។
ក្រសួងបាននិយាយនៅក្នុងសេចក្តីថ្លែងការណ៍មួយកាលពីថ្ងៃទី២៩ សីហាម្សិលមិញថា «ពាក់ព័ន្ធទៅនឹងយន្តហោះយោធាចិន ដែលបានហោះចូលតំបន់រ៉ាដាប្រឆាំងយន្តហោះកូរ៉េខាងត្បូង ប្រធាននាយកដ្ឋាននៃគោលនយោបាយអន្តរជាតិរបស់ក្រសួងការពារជាតិ បានធ្វើការកោះហៅមន្ត្រីទូតយោធានៅរសៀលនៅថ្ងៃ ដោយសម្តែងនូវការតវ៉ាជំទាស់ដ៏ខ្លាំងក្លា និងទទូចថា វិធានការត្រូវបានគេធ្វើឡើងដើម្បីកុំឲ្យមានឧបត្តិហេតុច្រំដែលនេះកើតឡើង»។
ក្រសូងការពារជាតិកូរ៉េខាងត្បូងបានសម្តែងនូវក្តីព្រួយបារម្ភជុំវិញហេតុការណ៍នេះ ដោយសារតែវាគឺជាឧបត្តិហេតុលើកទី៥ហើយ ចាប់តាំងពីដើមឆ្នាំនេះមក។ យោងតាមប្រព័ន្ធផ្សព្វផ្សាយក្នុងស្រុកបានឲ្យដឹងថា យន្តហោះដឹកគ្រឿងបរិក្ខាយោធាចិន Shaanxi Y បានហោះចូលតំបន់រ៉ាដាប្រឆាំងយន្តហោះរបស់កូរ៉េខាងត្បូង ដោយមិនបានចេញសេចក្តីព្រមានឲ្យដឹង ហើយវាបានស្ថិតនៅទីនោះអស់រយៈពេល ៤ម៉ោងមុននឹងចាកចេញ។ រំពេចនោះ ទីក្រុងសេអ៊ូលបានផ្គុំយន្តហោះចម្បាំង F-15K ចំនួន ១០គ្រឿង ដើម្បីធញវើការឆ្លើយតបទៅនឹងយន្តហោះរបស់ចិន ដែលព្រហើនចូលតំបន់រ៉ាដារបស់ខ្លួន។ ហេតុការណ៍នេះបានកើតឡើងនៅជិតតំបន់ Socotra Rock។
កាលពីដើមឆ្នាំនេះ ចិនបានបញ្ជូនយន្តហោះទម្លាក់គ្រាប់បែករបស់ខ្លួនទៅហោះពីលើតំបន់កូនកោះរបស់កូរ៉េខាងត្បូងជាច្រើនដង។ ក្រោយការបញ្ជូនយន្តហោះទៅហោះបែបនេះ ទីក្រុងសេអ៊ូលបានបញ្ជូនយន្តហោះចម្បាំងរបស់ខ្លួនទៅហោះដេញតាម និងឡោមព័ទ្ធយុន្តហោះរបស់ចិនគ្រប់ទិស ដើម្បីបណ្តេញយន្តហោះនោះឲ្យចាក់ចេញពីតំបន់របស់ខ្លួន។ តាមពិត យន្តហោះរបស់ចិននោះ ត្រូវបានគេបញ្ជូនឲ្យទៅឃ្លាំមើលតំបន់ថ្មប៉ប្រះទឹក ដែលប្រទេសនេះធ្លាប់បានដណ្តើមគ្នាជាមួយកូរ៉េខាងត្បូង មុននឹងប្រគល់ឲ្យប្រទេសនេះ៕DNT-NEWS
Home ព្រឹត្តិការណ៍ថ្មីៗ ក្រសួងការពារជាតិកូរ៉េខាងត្បូង បានបញ្ជូនយន្តហោះចម្បាំងរបស់ខ្លួនទៅហោះដេញតាម និងឡោមព័ទ្ធយុន្តហោះរបស់ចិនដែលបានហោះចូលក្នុងតំបន់….