ថ្មីៗនេះ សម្តេច ស ខេង បានព្រមានខ្លាំងៗទៅកាន់ម្ចាស់កន្លែងកម្សាន្តថានឹងត្រូវប្រឈមមុខផ្លូវច្បាប់ និងបិទអាជីវកម្មរបស់ខ្លួនថែមទៀត ប្រសិនបើសមត្ថកិច្ចរកឃើញមានការចែកចាយគ្រឿងញៀន។សម្តេចក្រឡាហោម បញ្ជាក់ថា “យើងមិនមែនបង្ក្រាបកន្លែងកម្សាន្តទេ គឺយើងបង្ក្រាបគ្រឿងញៀន ពីព្រោះច្បាប់អនុញ្ញាតឲ្យបើកកន្លែងកម្សាន្ត តែមិនអនុញ្ញាតឲ្យចែកចាយគ្រឿងញៀនទេ”។
សម្តេចថ្លែងបែបនេះវេទិកាអន្តរសាសនាថ្នាក់ជាតិ នៅកម្ពុជាលើកទី២ ពិធីសូត្រធម៌ អធិដ្ឋាន បញ្ជូនសារដើម្បីប្រឆាំងការជួញដូរមនុស្ស និងបញ្ចប់ទាសភាពសម័យទំនើប នារសៀលថ្ងៃទី៣០ ខែសីហា ឆ្នាំ២០១៨ នៅមជ្ឈមណ្ឌលពិពណ៌ និងសន្និបាតកោះពេជ្រ។
នៅក្នុងពិធីនោះ សម្តេចបានសង្កត់ធ្ងន់ថា ការចុះទៅបង្ក្រាបរបស់សមត្ថកិច្ច គឺមិនមែនទៅបង្ក្រាបកន្លែងកម្សាន្តនោះទេ ប៉ុន្តែគឺបង្ក្រាបការចែកចាយគ្រឿងញៀនប៉ុណ្ណោះ។ សម្តេច ពន្យល់ថា ការបើកអាជីវកម្មកន្លែងកម្សាន្ត គឺច្បាប់អនុញ្ញាត តែការបណ្តោយឲ្យមានចែកចាយគ្រឿងញៀន គឺជារឿងខុសច្បាប់ដាច់ដោយឡែក។ តែបើម្ចាស់រង្គសាលអនុញ្ញាតឲ្យគេចែកចាយគ្រឿងញៀននៅក្នុងរង្គសាលរបស់ខ្លួន គឺម្ចាស់រង្គសាលត្រូវតែទទួលខុសត្រូវចំពោះមុខច្បាប់។
ជាមួយគ្នានេះ សម្តេចក្រឡាហោម ស ខេង បានបញ្ជាដោយផ្ទាល់មាត់ឲ្យលោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ និងលោកឃួង ស្រេង អភិបាលរាជធានីភ្នំពេញ ធ្វើការបង្ក្រាបទីតាំងក្លឹបកម្សាន្តមួយចំនួននៅក្នុងរាជធានីភ្នំពេញ ដែលមានការចែកចាយគ្រឿងញៀន ពីព្រោះនៅរាជធានីភ្នំពេញ មិនទាន់ឃើញបង្ក្រាបនៅឡើយទេ។
សម្តេចបានបន្តទៀតថា ដើម្បីបង្ក្រាបបញ្ហានេះឲ្យមានប្រសិទ្ធភាព គឺអាជ្ញាធរមានវិធីសាស្ត្រចំនួនពីរនៅចំពោះមុខនេះ ។ ទីមួយ អាជ្ញាធរត្រូវសហការប្រមូលព័ត៌មានឲ្យបានគ្រប់ជ្រុងជ្រោយ ហើយឆ្មក់ចូលបង្ក្រាប និងទីពីរ ត្រូវប្រកាសជាចំហរដល់ម្ចាស់កន្លែងកម្សាន្តទាំងអស់ ត្រូវលុបបំបាត់បញ្ហានេះដោយខ្លួនឯង។ សម្តេច ស ខេង បានព្រមានជាមុនថា បើសិនម្ចាស់កន្លែងកម្សាន្តលុបបំបាត់ដោយខ្លួនឯង នោះអាជីវកម្មរបស់ខ្លួននឹងដំណើរការបន្ត។ ផ្ទុយទៅវិញ បើសិនអាជ្ញាធរចុះទៅបង្ក្រាប គឺបង្ក្រាបទាំងបទល្មើសគ្រឿងញៀន និងអាចនឹងបិទអាជីវកម្មតែម្តង។ ជាមួយគ្នានេះ សម្តេច ស ខេង ក៏បានបញ្ជាឲ្យចៅហ្វាយក្រុងភ្នំពេញ ខេត្តសៀមរាប និងខេត្តព្រះសីហនុ ត្រូវយកចិត្តទុកដាក់ ក្នុងការចុះបង្ក្រាបឲ្យមានប្រសិទ្ធភាពទៅលើកន្លែងកម្សាន្តណា ដែលមានបង្កប់ការចែកចាយគ្រឿងញៀន៕
សម្តេចថ្លែងបែបនេះវេទិកាអន្តរសាសនាថ្នាក់ជាតិ នៅកម្ពុជាលើកទី២ ពិធីសូត្រធម៌ អធិដ្ឋាន បញ្ជូនសារដើម្បីប្រឆាំងការជួញដូរមនុស្ស និងបញ្ចប់ទាសភាពសម័យទំនើប នារសៀលថ្ងៃទី៣០ ខែសីហា ឆ្នាំ២០១៨ នៅមជ្ឈមណ្ឌលពិពណ៌ និងសន្និបាតកោះពេជ្រ។
នៅក្នុងពិធីនោះ សម្តេចបានសង្កត់ធ្ងន់ថា ការចុះទៅបង្ក្រាបរបស់សមត្ថកិច្ច គឺមិនមែនទៅបង្ក្រាបកន្លែងកម្សាន្តនោះទេ ប៉ុន្តែគឺបង្ក្រាបការចែកចាយគ្រឿងញៀនប៉ុណ្ណោះ។ សម្តេច ពន្យល់ថា ការបើកអាជីវកម្មកន្លែងកម្សាន្ត គឺច្បាប់អនុញ្ញាត តែការបណ្តោយឲ្យមានចែកចាយគ្រឿងញៀន គឺជារឿងខុសច្បាប់ដាច់ដោយឡែក។ តែបើម្ចាស់រង្គសាលអនុញ្ញាតឲ្យគេចែកចាយគ្រឿងញៀននៅក្នុងរង្គសាលរបស់ខ្លួន គឺម្ចាស់រង្គសាលត្រូវតែទទួលខុសត្រូវចំពោះមុខច្បាប់។
ជាមួយគ្នានេះ សម្តេចក្រឡាហោម ស ខេង បានបញ្ជាដោយផ្ទាល់មាត់ឲ្យលោកនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ និងលោកឃួង ស្រេង អភិបាលរាជធានីភ្នំពេញ ធ្វើការបង្ក្រាបទីតាំងក្លឹបកម្សាន្តមួយចំនួននៅក្នុងរាជធានីភ្នំពេញ ដែលមានការចែកចាយគ្រឿងញៀន ពីព្រោះនៅរាជធានីភ្នំពេញ មិនទាន់ឃើញបង្ក្រាបនៅឡើយទេ។
សម្តេចបានបន្តទៀតថា ដើម្បីបង្ក្រាបបញ្ហានេះឲ្យមានប្រសិទ្ធភាព គឺអាជ្ញាធរមានវិធីសាស្ត្រចំនួនពីរនៅចំពោះមុខនេះ ។ ទីមួយ អាជ្ញាធរត្រូវសហការប្រមូលព័ត៌មានឲ្យបានគ្រប់ជ្រុងជ្រោយ ហើយឆ្មក់ចូលបង្ក្រាប និងទីពីរ ត្រូវប្រកាសជាចំហរដល់ម្ចាស់កន្លែងកម្សាន្តទាំងអស់ ត្រូវលុបបំបាត់បញ្ហានេះដោយខ្លួនឯង។ សម្តេច ស ខេង បានព្រមានជាមុនថា បើសិនម្ចាស់កន្លែងកម្សាន្តលុបបំបាត់ដោយខ្លួនឯង នោះអាជីវកម្មរបស់ខ្លួននឹងដំណើរការបន្ត។ ផ្ទុយទៅវិញ បើសិនអាជ្ញាធរចុះទៅបង្ក្រាប គឺបង្ក្រាបទាំងបទល្មើសគ្រឿងញៀន និងអាចនឹងបិទអាជីវកម្មតែម្តង។ ជាមួយគ្នានេះ សម្តេច ស ខេង ក៏បានបញ្ជាឲ្យចៅហ្វាយក្រុងភ្នំពេញ ខេត្តសៀមរាប និងខេត្តព្រះសីហនុ ត្រូវយកចិត្តទុកដាក់ ក្នុងការចុះបង្ក្រាបឲ្យមានប្រសិទ្ធភាពទៅលើកន្លែងកម្សាន្តណា ដែលមានបង្កប់ការចែកចាយគ្រឿងញៀន៕
