យោងតាមសារព័ត៌មាន News Week នៅថ្ងៃសុក្រទី៣១ សីហានេះបានឲ្យដឹងថា រដ្ឋមន្ត្រីក្រសួងការពារជាតិសហរដ្ឋអាមេរិក លោក ជីម ម៉ាទីសបានធ្វើការអំពាវនាវសារជាថ្មីឲ្យរដ្ឋាភិបាលស៊ីរីចុះចេញពីអំណាច និងបានលើកឡើងថា វាអាស្រ័យលើប្រជាជនស៊ីរី ក្នុងការសម្រេចចិត្តលើជោគវាសនាអនាគតប្រទេសរបស់ខ្លួនតែប៉ុណ្ណោះ។
នៅក្នុងសន្និសិទ្ធសារព័ត៌មានមួយ ដែលធ្វើឡើងកាលពីថ្ងៃអង្គារនៅមន្ទីរប៉ង់តាហ្គោន លោកម៉ាតទីសបានហៅអាសាដថា គឺជាជនបង្កនូវភាពចលាចល និងជាឧក្រឹដ្ឋជនសម្លាប់ប្រជាជនខ្លួនឯងអស់រយៈពេល ៧ឆ្នាំកន្លងទៅចាប់តាំងពីការងើបបះបោររបស់ប្រជាជននៅឆ្នាំ ២០១១។
លោកម៉ាត់ទីសបាននិយាយថា «គោលដៅរបស់យើងគឺដើម្បីផ្លាស់ប្តូរសង្គ្រាមស៊ីវិលស៊ីរីទៅជាដំណើរការទីក្រុងហ្សឺណែវ ដើម្បីឲ្យប្រជាជនស៊ីរីអាចបង្កើតរដ្ឋាភិបាលថ្មីមួយ ដែលមិនមែនដឹកនាំដោយអាសាដនោះទេ»។
ការលើកឡើងរបស់លោកម៉ាទីសនេះ បានធ្វើឡើងចំពេលដែលមានភាពតានតឹងរវាងសហរដ្ឋអាមេរិកជាមួយរុស្ស៊ី ជុំវិញវិញការចោទប្រកាន់អំពីការប្រើអាវុធគីមីរបស់កងកម្លាំងអាសាដនៅក្នុងប្រទេសស៊ីរី។ ទន្ទឹកនឹងការលើកឡើងបែបនេះ រុស្ស៊ីបានពង្រឹងកម្ឡាំងទ័ពរបស់ខ្លួននៅក្នុងតំបន់យ៉ាងសម្បើម ដោយបានបញ្ជូនកងនាវាចម្បាំងរាប់សិបគ្រឿង និងធ្វើសមយុទ្ធយ៉ាងឱឡារិក កក្រើកផ្ទៃសមុទ្រ។
យ៉ាងណាក៏ដោយ ការលើកឡើងរបស់លោកម៉ាទីសកាលពីថ្ងៃអង្គារហាក់ផ្ទុយខុសពីសភាពការណ៍នៅក្នុងប្រទេសស៊ីរីគិតត្រឹមថ្ងៃសុក្រនេះ។ នៅថ្ងៃសុក្រនេះ រុស្ស៊ី និងអ៊ីរ៉ង់នាំគ្នាជ្រុំជ្រែងប្តេជ្ញាវាយកម្ទេចមូលដ្ឋានចុងក្រោយរបស់ក្រុមបះបោរ ដែលនៅសល់តែមួយក្នុងខេត្តអ៊ីតលីប។ កងកម្លាំងរដ្ឋាភិបាលស៊ីរីបានទទួលជោគជ័យគ្រប់សមរភូមិទាំងអស់។ ទន្ទឹមនឹងវត្តមានអ៊ីរ៉ង់នៅក្នុងទឹកដីស៊ីរីនេះ អ៊ីស្រាអែលគម្រាមថានឹងចាត់វិធានការណ៍ក្តៅប្រឆាំងទៅនឹងវត្តមានអ៊ីរ៉ង់នៅក្នុងទឹកដីស៊ីរី។
ជាមួយនឹងគម្រោងបើកការវាយប្រហារ និងការជ្រួយជ្រុំជ្រែងពីសំណាក់រុស្ស៊ី និងអ៊ីរ៉ង់នេះ អង្គការសហប្រជាជាតិបានគម្រាមថា គ្រោះមហន្តរាយដ៏ខ្លាំងក្លានឹងកើតមានឡើងនៅក្នុងប្រទេសនេះ ដោយសារតែវាជាការប្រយុទ្ធគ្នាដ៏ធំចុងក្រោយរបស់ក្រុមឧទ្ធាម។ អង្គការក៏បានអំពាវនាវឲ្យមានជំនួយមនុស្សធម៌ទៅកាន់ប្រទេសនេះផងដែរ។
ប្រទេសស៊ីរីត្រូវបានគ្រប់គ្រងដោយក្រុមអ្នកប្រយុទ្ធជាច្រើនក្រុម។ ខាងក្រោមនេះ គឺជារូបភាពរបស់សារព័ត៌មានរ៉យទ័រ ដែលបង្ហាញពីការគ្រប់គ្រងដោយក្រុមទាំងនោះនៅក្នុងទឹកដីស៊ីរី កាលពីខែកក្កដា កន្លងទៅនេះ។ ពណ៌បៃតងគឺជាតំបន់ដែលគ្រប់គ្រងដោយកងកម្លាំងរដ្ឋាភិបាលស៊ីរី។ ពណ៌លឿង គឺជាតំបន់គ្រប់គ្រងដោយក្រុមប្រជាធិបតេយ្យស៊ីរី រួមជាមួយក្រុមឃឺដ។ ពណ៌ប្រផេះគ្រប់គ្រងដោយក្រុមបះបោរស៊ីរី និងក្រុមជីហាត។ រីឯពណ៌ខៀវស្រគាំគ្រប់គ្រងដោយក្រុមបះបោរ ដែលភ្ជាប់ខ្លួនទៅនឹងតួកគី។ រីឯតំបន់តូចមួយចំនួនទៀត គ្រប់គ្រងដោយក្រុមរដ្ឋអ៊ីស្លាម៕DNT-NEWS
នៅក្នុងសន្និសិទ្ធសារព័ត៌មានមួយ ដែលធ្វើឡើងកាលពីថ្ងៃអង្គារនៅមន្ទីរប៉ង់តាហ្គោន លោកម៉ាតទីសបានហៅអាសាដថា គឺជាជនបង្កនូវភាពចលាចល និងជាឧក្រឹដ្ឋជនសម្លាប់ប្រជាជនខ្លួនឯងអស់រយៈពេល ៧ឆ្នាំកន្លងទៅចាប់តាំងពីការងើបបះបោររបស់ប្រជាជននៅឆ្នាំ ២០១១។
លោកម៉ាត់ទីសបាននិយាយថា «គោលដៅរបស់យើងគឺដើម្បីផ្លាស់ប្តូរសង្គ្រាមស៊ីវិលស៊ីរីទៅជាដំណើរការទីក្រុងហ្សឺណែវ ដើម្បីឲ្យប្រជាជនស៊ីរីអាចបង្កើតរដ្ឋាភិបាលថ្មីមួយ ដែលមិនមែនដឹកនាំដោយអាសាដនោះទេ»។
ការលើកឡើងរបស់លោកម៉ាទីសនេះ បានធ្វើឡើងចំពេលដែលមានភាពតានតឹងរវាងសហរដ្ឋអាមេរិកជាមួយរុស្ស៊ី ជុំវិញវិញការចោទប្រកាន់អំពីការប្រើអាវុធគីមីរបស់កងកម្លាំងអាសាដនៅក្នុងប្រទេសស៊ីរី។ ទន្ទឹកនឹងការលើកឡើងបែបនេះ រុស្ស៊ីបានពង្រឹងកម្ឡាំងទ័ពរបស់ខ្លួននៅក្នុងតំបន់យ៉ាងសម្បើម ដោយបានបញ្ជូនកងនាវាចម្បាំងរាប់សិបគ្រឿង និងធ្វើសមយុទ្ធយ៉ាងឱឡារិក កក្រើកផ្ទៃសមុទ្រ។
យ៉ាងណាក៏ដោយ ការលើកឡើងរបស់លោកម៉ាទីសកាលពីថ្ងៃអង្គារហាក់ផ្ទុយខុសពីសភាពការណ៍នៅក្នុងប្រទេសស៊ីរីគិតត្រឹមថ្ងៃសុក្រនេះ។ នៅថ្ងៃសុក្រនេះ រុស្ស៊ី និងអ៊ីរ៉ង់នាំគ្នាជ្រុំជ្រែងប្តេជ្ញាវាយកម្ទេចមូលដ្ឋានចុងក្រោយរបស់ក្រុមបះបោរ ដែលនៅសល់តែមួយក្នុងខេត្តអ៊ីតលីប។ កងកម្លាំងរដ្ឋាភិបាលស៊ីរីបានទទួលជោគជ័យគ្រប់សមរភូមិទាំងអស់។ ទន្ទឹមនឹងវត្តមានអ៊ីរ៉ង់នៅក្នុងទឹកដីស៊ីរីនេះ អ៊ីស្រាអែលគម្រាមថានឹងចាត់វិធានការណ៍ក្តៅប្រឆាំងទៅនឹងវត្តមានអ៊ីរ៉ង់នៅក្នុងទឹកដីស៊ីរី។
ជាមួយនឹងគម្រោងបើកការវាយប្រហារ និងការជ្រួយជ្រុំជ្រែងពីសំណាក់រុស្ស៊ី និងអ៊ីរ៉ង់នេះ អង្គការសហប្រជាជាតិបានគម្រាមថា គ្រោះមហន្តរាយដ៏ខ្លាំងក្លានឹងកើតមានឡើងនៅក្នុងប្រទេសនេះ ដោយសារតែវាជាការប្រយុទ្ធគ្នាដ៏ធំចុងក្រោយរបស់ក្រុមឧទ្ធាម។ អង្គការក៏បានអំពាវនាវឲ្យមានជំនួយមនុស្សធម៌ទៅកាន់ប្រទេសនេះផងដែរ។
ប្រទេសស៊ីរីត្រូវបានគ្រប់គ្រងដោយក្រុមអ្នកប្រយុទ្ធជាច្រើនក្រុម។ ខាងក្រោមនេះ គឺជារូបភាពរបស់សារព័ត៌មានរ៉យទ័រ ដែលបង្ហាញពីការគ្រប់គ្រងដោយក្រុមទាំងនោះនៅក្នុងទឹកដីស៊ីរី កាលពីខែកក្កដា កន្លងទៅនេះ។ ពណ៌បៃតងគឺជាតំបន់ដែលគ្រប់គ្រងដោយកងកម្លាំងរដ្ឋាភិបាលស៊ីរី។ ពណ៌លឿង គឺជាតំបន់គ្រប់គ្រងដោយក្រុមប្រជាធិបតេយ្យស៊ីរី រួមជាមួយក្រុមឃឺដ។ ពណ៌ប្រផេះគ្រប់គ្រងដោយក្រុមបះបោរស៊ីរី និងក្រុមជីហាត។ រីឯពណ៌ខៀវស្រគាំគ្រប់គ្រងដោយក្រុមបះបោរ ដែលភ្ជាប់ខ្លួនទៅនឹងតួកគី។ រីឯតំបន់តូចមួយចំនួនទៀត គ្រប់គ្រងដោយក្រុមរដ្ឋអ៊ីស្លាម៕DNT-NEWS
