សហរដ្ឋអាមេរិកកំពុងតែធ្វើការអភិវឌ្ឍនូវគ្រាប់មីស៊ីល ដែលមានល្បឿនលឿនជាងសម្លេង ៥ដងនៃគ្រាប់មីស៊ីលធម្មតា ជាមួយនឹងបច្ចេកវិទ្យាជាន់ខ្ពស់ដែលត្រូវបានគេរំពឹងថាបានត្រៀមខ្លួនរួចរាល់សម្រាប់រយៈពេល ១០ឆ្នាំខាងមុខ។
លោក Mark Esper លេខាធិការប្រចាំនៅក្រសួងការពារជាតិអាមេរិក បាននិយាយថា រដ្ឋបាលលោកត្រាំបានបង្កើននូវគម្រោងសម្រាប់អាវុធទំនើប ជាផ្នែកមួយនៃគម្រោងទូលំទូលាយ ដើម្បីធ្វើទំនើបកម្មដល់ឃ្លាំងអាវុធរបស់ខ្លួន នៅក្នុងទសវត្សក្រោយ។
ថ្លែងនៅក្នុងទីកន្លែងទទួលទានអាហារពេលព្រឹកមួយ នៅក្នុងក្រុមអ្នកនិពន្ធការពារជាតិ ក្នុងរដ្ឋធានីវ៉ាស៊ីនតោន លោក Mark Esper បាននិយាយថា «ភាពច្បាស់លាស់នៃការបាញ់គ្រាប់មីស៊ីល នៅកម្រិតយុទ្ធសាស្ត្រ គឺជាសមត្ថភាពដែលយើងត្រូវតែធានាថា យើងមានភាពរឹងមាំជាងគេ នៅក្នុងជម្លោះនាពេលអនាគត ហើយខ្ញុំគិតថារឿងដែលពាក់ព័ន្ធនេះ គឺគ្រាប់មីស៊ីលមានល្បឿនជាងសម្លេង»។
លោក Esper បានសង្កត់ធ្ងន់ទៅលើក្រុមការងារមុខងារចម្រុះ ដែលទទួលខុសត្រូវចំពោះការអភិវឌ្ឍន៍ជំនាន់ថ្មី នៃគ្រាប់មីស៊ីលដែលអាចបាញ់បានច្បាស់លាស់ ក្នុងរយៈចម្ងាយឆ្ងាយថា កងទ័ពត្រូវតែពន្លឿនការងារបច្ចេកវិទ្យាល្បឿនលឿនជាងសម្លេងនេះ។ លោកក៏បាននិយាយផងដែរអំពីការវិនិយោគទឹកប្រាក់ចំនួន ១០លានដុល្លារ ទៅឲ្យក្រុមហ៊ុន Raytheon ដែលអភិវឌ្ឍន៍ឡាស៊ែរ ១០០គីឡូវ៉ាត់ ដែលនឹងត្រូវបំពាក់នៅលើយាយោធាអាមេរិក។
សូមរំឭកថា កាលពីខែមុន រដ្ឋបាល លោកដូ ណលត្រាំក៏បានប្រកាសពីបំណងរបស់ខ្លួន ក្នុងការកសាងកងកម្លាំងអវកាសសហរដ្ឋអាមេរិក ដែលត្រូវបានជួបជាមួយកំហឹងដ៏ខ្លាំងក្លាពីសំណាក់ចិន។ អនុប្រធានាធិបតីសហរដ្ឋអាមេរិក លោក Mike Pence បានប្រកាសពីក្តីសង្ឃឹម ក្នុងការរក្សានូវគម្រោងនេះ នៅត្រឹមឆ្នាំ ២០២០៕DNT-NEWS
Home ព្រឹត្តិការណ៍ថ្មីៗ សហរដ្ឋអាមេរិក កំពុងអភិវឌ្ឍន៍គ្រាប់មីស៊ីលល្បឿនលឿនជាងសម្លេង សម្រាប់ទសវត្សក្រោយ