សារមន្ទីរជាតិដ៏មានតម្លៃរបស់ប្រេស៊ីលរងការឆាបឆេះទាំងស្រុង បន្ទាប់ពីសារមន្ទីរមួយនេះ ត្រូវបានលេបត្របាក់ដោយអគ្គិភ័យកាលពីម៉ោង ៧:៣០នាទីល្ងាចថ្ងៃទី២ កញ្ញាម្សិលមិញម៉ោងក្នុងស្រុក។
ក្រុមអ្នកពន្លត់អគ្គិភ័យជាច្រើននាក់ត្រូវបានគេបញ្ជូនទៅកាន់ទីនោះ ដើម្បីពន្លត់អគ្គិភ័យ ប៉ុន្តែក្រុមអ្នកពន្លត់អគ្គិភ័យមិនអាចគ្រប់គ្រាងបាន។ ក្រុមអ្នកពន្លត់អគ្គិភ័យក៏បានព្រមានដល់អ្នកស្រុកនៅក្បែនោះផងដែរថា សំណង់អគារនេះអាចនឹងដួលរលំ។ ចំពោះមូលហេតុនៃការឆេះសំណង់អគារនេះ គេនៅមិនទាន់បានដឹងនៅឡើយទេ។
សារមន្ទីរនេះមានទីតាំងស្ថិតនៅក្នុងទីក្រុង Paço de São Cristóvão ដែលត្រូវបានបង្កើតឡើងដោយស្តេចព័រទុយហ្កាល់ Johnh VI នៅក្នុងឆ្នាំ ១៨១៨។ សារមន្ទីរនេះផ្ទុកវត្ថុមានតម្លៃសរុបទាំងអស់ជាង ២០លានដុល្លារ។
នៅចន្លោះឆ្នាំ ១៨២២ និង ១៨៨៩ អគារសារមន្ទីរនេះ ត្រូវបានគេប្រើសម្រាប់គ្រួសារក្រកូលអធិរាជប្រេស៊ីល មុននឹងវាត្រូវបានគេយកទៅធ្វើជាសារមន្ទីរ។ វត្ថុបុរាណដែលរៀបចំឡើងដោយសារមន្ទីរនេះ រួមមានហ្វូស៊ីលចំណាស់ជាងគេបំផុតនៅប្រេស៊ីល ដែលមានឈ្មោះហៅក្រៅថា Luzia និងវត្ថុបុរាណរបស់ជនជាតិអេហ្ស៊ីប និងរ៉ូម៉ាំង។
ក្រៅពីនេះ សារមន្ទីរនេះក៏ជាបណ្ណាល័យវិទ្យាសាស្ត្រមួយដ៏ធំមួយផងដែរ ដែលផ្ទុកវត្ថុ ៤៧ម៉ឺនមុខ ក្នុងនោះមានវត្ថុកម្រចំនួន ២.៤០០មុខ៕DNT-NEWS
Home ព្រឹត្តិការណ៍ថ្មីៗ សារមន្ទីរជាតិប្រេស៊ីលដ៏មានតម្លៃ ដែលផ្ទុកទៅដោយវត្ថុ ៤៧ម៉ឺនមុខ ក្នុងនោះមានវត្ថុកម្រចំនួន ២.៤០០មុខទៀតត្រូវបានអគ្គិភ័យលេបត្របាក់