ប្រទេសចិនកាលពីថ្ងៃអាទិត្យបានចោទប្រកាន់ទីភ្នាក់ងារចារកម្មរបស់តៃវ៉ាន់ ពីការបង្កើនកិច្ចខិតខំប្រឹងប្រែង ដើម្បីលួចយកការសម្ងាត់ ក្នុងគោលបំណងចូលជ្រៀតជ្រែក និងការធ្វើវិទ្ធង្សនា និងបានព្រមានកោះស្វយ័តមួយនេះ ពីការខូចទំនាក់ទំនងបន្ថែមទៀត ខណៈដែលទំនាក់ទំនងប្រទេសទាំងពីរ មិនសូវល្អស្រាប់។
ទីភ្នាក់ងារព័ត៌មានផ្លូវការចិនស៊ីនហួបានស្រង់សម្តីអ្នកនាំពាក្យការិយាល័យទទួលបន្ទុកកិច្ចការតៃវ៉ាន់ លោក An Fengshan ដោយបាននិយាយថា តៃវ៉ាន់ត្រូវតែបញ្ចប់ទង្វើទាំងនោះជាបន្ទាន់។
កាលពីថ្ងៃសៅរ៍ ទូរទស្សន៍រដ្ឋបានចាប់ផ្តើមកម្មវិធីជាច្រើនដែលសម្តៅទៅរកករណីសិស្សកំពុងសិក្សានៅតៃវ៉ាន់ ដែលត្រូវបានតម្រង់គោលដៅដោយទីភ្នាក់ងារចារកម្មក្នុងស្រុក ជាមួយនឹងការផ្តល់ប្រាក់ សេចក្តីស្នេហា និងមិត្តភាព ដើម្បីជានុយបញ្ឆោត។
ការចោទប្រកាន់នេះកើតឡើង នៅពេលដែលប្រទេសចិនបានបង្កើនកិច្ចខិតខំប្រឹងប្រែង ដើម្បីជម្រុញទឹកចិត្តឲ្យតៃវ៉ាន់ផ្សះផ្សាជាមួយចិនជាអចិន្រៃជាមួយនឹងអត្តសញ្ញាណ និងសម្ភារលើកទឹកចិត្តដទៃទៀត។
តៃវ៉ាន់បានព្រមានប្រជាជនរបស់ខ្លួនឱ្យប្រុងប្រយ័ត្នពីការរស់នៅក្នុងប្រទេសកាន់លទ្ធិផ្តាច់ការ ដោយមានការចាប់ជម្រិតតាមបណ្តាញអ៊ីនធឺណែត និងគុណវបត្តិផ្សេងៗទៀត។ ចិន និងតៃវ៉ាន់ជារឿយៗ តែងធ្វើការចោទប្រកាន់ដាក់គ្នាអំពីចារកម្មលើពាណិជ្ជកម្ម។
កាលពីឆ្នាំ ២០១៧ និស្សិតចិនម្នាក់នៅតៃវ៉ាន់ត្រូវបានកាត់ទោសឲ្យជាប់ពន្ធនាគារ ពីបទប្រមូលព័ត៌មានរសើបតាមរយៈទំនាក់ទំនង នៅមហាវិទ្យាល័យ នាយកដ្ឋានរបស់រដ្ឋាភិបាល និងការព្យាយាមបង្កើតបណញតាញសើបការសម្ងាត់នៅលើកោះស្វយ័តនេះថែមទៀតផង។ តៃវ៉ាន់បានអនុញ្ញាឲ្យមាននិស្សិតតៃវ៉ាន់រៀននៅសាកលវិទ្យាល័យរបស់ខ្លួនតាំងពីឆ្នាំ ២០០៩មក៕DNT-NEWS