ប៉ុន្មានម៉ោងតែប៉ុណ្ណោះបន្ទាប់ពីសហរដ្ឋអាមេរិកដាក់ទណ្ឌកម្មទៅលើនាយកដ្ឋានអភិវឌ្ឍចិន ពីការទិញអាវុធពីរុស្ស៊ី ទីក្រុងប៉េកាំងបានព្រមានទីក្រុងវ៉ាស៊ីនតោនអំពីផលវិបាក។
ទណ្ឌកម្មរបស់សហរដ្ឋអាមេរិក ដែលបានដាក់ចេញនេះ ត្រូវបានធ្វើឡើងនៅក្រោមច្បាប់ទណ្ឌកម្មប្រឆាំងទៅនឹងគូបក្ខិដិបក្ខិរបស់អាមេរិក ដែលបានដាក់បញ្ជីខ្មៅទៅលើជនជាតិ និងអង្គភាពរុស្ស៊ី រួមទាំងអ្នកណាដែលរកស៊ីជាមួយបុគ្គល និងអង្គភាពទាំងនោះផងដែរ។ ទណ្ឌកម្មរបស់អាមេរិកទៅលើចិននេះ បានធ្វើឡើងបន្ទាប់ពីចិនត្រូវបានចោទប្រកាន់ពីការទិញគ្រាប់មីស៊ីល S-400 និងយន្តហោះចម្បាំង Su-35 ពីអង្គភាពរុស្ស៊ី ដែលជាប់នៅក្នុងបញ្ជីខ្មៅនេះឯង។ វាគឺជាលើកទីមួយហើយ ដែលរដ្ឋាភិបាលអាមេរិកបានប្រើច្បាប់ទណ្ឌកម្មប្រឆាំងទៅនឹងគូបក្ខិបក្ខ ដែលមានគោលបំណងបន្ថយប្រាក់ចំណូល ដែលរុស្ស៊ីអាចរកបានតាមរយៈការលក់គ្រឿងសព្វាវុធនេះ។
អ្នកនាំពាក្យក្រសួងការបរទេសចិន លោក Geng Shuang បានប្រាប់អ្នកយកព័ត៌មានកាលពីថ្ងៃសុក្រថា «ការដាក់ទណ្ឌកម្មរបស់អាមេរិកនេះ បានរំលោភបំពានយ៉ាងធ្ងន់ធ្ងរលើបទដ្ឋានជាមូលដ្ឋាននៃទំនាក់ទំនងអន្ដរជាតិ ហើយបានធ្វើឱ្យខូចទំនាក់ទំនងយ៉ាងធ្ងន់ធ្ងររវាងចិន និងសហរដ្ឋអាមេរិក។ យើងទទូចឱ្យសហរដ្ឋអាមេរិកកែតម្រូវកំហុសឆ្គងភ្លាមៗ ហើយដកចេញនូវការដាក់ទណ្ឌកម្មដែលមិនត្រឹមត្រូវនេះ។ បើមិនដូច្នោះទេ សហរដ្ឋអាមេរិកនឹងត្រូវទទួលផលវិបាកពីការដាក់ទណ្ឌកម្មនេះ»។
ទោះបីជាមានការគម្រាមកំហែងដាក់ទណ្ឌកម្មបែបនេះក្តី គេនៅមិនទាន់ច្បាស់អំពីផលវិបាកណាមួយ ដែលសហរដ្ឋអាមេរិកនឹងត្រូវទទួលរងពីសំណាក់ទីក្រុងប៉េកាំងនោះទេ។ បច្ចុប្បន្ននេះ សហរដ្ឋអាមេរិកមានភាពតានតឹងនឹងគ្នាច្រើនផ្នែកណាស់ ដូចជាសំណ។
រឿងតំបន់សមុទ្រចិនខាងត្បូង ដែលអាមេរិកបានអះអាងថា ខ្លួននឹងធ្វើនាវាចរណ៍ដោយសេរី ទោះបីជាចិនកំពុងតែវ៉ាងទីក៏ដោយ។ នៅចំពោះមុខនៃការវ៉ាងទី អាមេរិកាំង បារាំង អាល្លឺម៉ង់ អង់គ្លេស តៃវ៉ាន់ វៀតណាម ជប៉ុន ប្រ៊ុយណេ និងហ្វីលីពីន សុទ្ធតែបានបង្ហាញជំហរដូចៗគ្នា ក្នុងការគាំទ្រឲ្យមានការធ្វើនាវាចរណ៍ដោយសេរី នៅក្នុងតំបន់សមុទ្រចខាងត្បូង។ បញ្ហាមួយទៀត ដែលអាមេរិកកំពុងប្រឈមជាមួយចិន គឺសង្គ្រាមពាណិជ្ជកម្ម។
កាលពីប៉ុន្មានថ្ងៃមុននេះ អាមេរិកបានបន្តយកពន្ធ ២០០ពាន់លានដុល្លារទៅលើទំនិញរបស់ចិន ដោយឡែក ចិនវិញបានឆ្លើយតបទៅនឹងការយកពន្ធនេះ ដោយយក ៦០ពាន់លានដុល្លារប្រឆាំងទៅនឹងអាមេរិកវិញ។
មន្ត្រីសហរដ្ឋអាមេរិចបានចង្អុលបង្ហាញភ្លាមៗថា ការដាក់ទណ្ឌកម្មកាលពីថ្ងៃព្រហស្បតិ៍ គឺមានទិសដៅប្រឆាំងទៅនឹងរុស្ស៊ីច្រើនជាង។ ទាក់ទងទៅនឹងការដាក់ទណ្ឌកម្មរបស់អាមេរិកនេះដែរ អ្នកវិភាគលើកឡើងថា តួកគី ដែលមានភាពស្រៀដៀងទៅនឹងចិន ពីការទិញគ្រឿងសព្វាវុធរបស់រុស្ស៊ីនេះដែរ គឺជាប្រទេសដែលគួរតែមានការព្រួយបារម្ភអំពីច្បាប់ទណ្ឌកម្មរបស់អាមេរិក។ ប្រទេសជាសមាជិកអង្គការណាតូ បានព្រមានប្រទេសតួកគី ដែលជាសមាជិកអង្គការណាតូដូចគ្នា អំពីការទិញអាវុធពីរុស្ស៊ី៕DNT-NEWS
អ្នកនាំពាក្យក្រសួងការបរទេសចិន លោក Geng Shuang បានប្រាប់អ្នកយកព័ត៌មានកាលពីថ្ងៃសុក្រថា «ការដាក់ទណ្ឌកម្មរបស់អាមេរិកនេះ បានរំលោភបំពានយ៉ាងធ្ងន់ធ្ងរលើបទដ្ឋានជាមូលដ្ឋាននៃទំនាក់ទំនងអន្ដរជាតិ ហើយបានធ្វើឱ្យខូចទំនាក់ទំនងយ៉ាងធ្ងន់ធ្ងររវាងចិន និងសហរដ្ឋអាមេរិក។ យើងទទូចឱ្យសហរដ្ឋអាមេរិកកែតម្រូវកំហុសឆ្គងភ្លាមៗ ហើយដកចេញនូវការដាក់ទណ្ឌកម្មដែលមិនត្រឹមត្រូវនេះ។ បើមិនដូច្នោះទេ សហរដ្ឋអាមេរិកនឹងត្រូវទទួលផលវិបាកពីការដាក់ទណ្ឌកម្មនេះ»។
ទោះបីជាមានការគម្រាមកំហែងដាក់ទណ្ឌកម្មបែបនេះក្តី គេនៅមិនទាន់ច្បាស់អំពីផលវិបាកណាមួយ ដែលសហរដ្ឋអាមេរិកនឹងត្រូវទទួលរងពីសំណាក់ទីក្រុងប៉េកាំងនោះទេ។ បច្ចុប្បន្ននេះ សហរដ្ឋអាមេរិកមានភាពតានតឹងនឹងគ្នាច្រើនផ្នែកណាស់ ដូចជាសំណ។
រឿងតំបន់សមុទ្រចិនខាងត្បូង ដែលអាមេរិកបានអះអាងថា ខ្លួននឹងធ្វើនាវាចរណ៍ដោយសេរី ទោះបីជាចិនកំពុងតែវ៉ាងទីក៏ដោយ។ នៅចំពោះមុខនៃការវ៉ាងទី អាមេរិកាំង បារាំង អាល្លឺម៉ង់ អង់គ្លេស តៃវ៉ាន់ វៀតណាម ជប៉ុន ប្រ៊ុយណេ និងហ្វីលីពីន សុទ្ធតែបានបង្ហាញជំហរដូចៗគ្នា ក្នុងការគាំទ្រឲ្យមានការធ្វើនាវាចរណ៍ដោយសេរី នៅក្នុងតំបន់សមុទ្រចខាងត្បូង។ បញ្ហាមួយទៀត ដែលអាមេរិកកំពុងប្រឈមជាមួយចិន គឺសង្គ្រាមពាណិជ្ជកម្ម។
កាលពីប៉ុន្មានថ្ងៃមុននេះ អាមេរិកបានបន្តយកពន្ធ ២០០ពាន់លានដុល្លារទៅលើទំនិញរបស់ចិន ដោយឡែក ចិនវិញបានឆ្លើយតបទៅនឹងការយកពន្ធនេះ ដោយយក ៦០ពាន់លានដុល្លារប្រឆាំងទៅនឹងអាមេរិកវិញ។
មន្ត្រីសហរដ្ឋអាមេរិចបានចង្អុលបង្ហាញភ្លាមៗថា ការដាក់ទណ្ឌកម្មកាលពីថ្ងៃព្រហស្បតិ៍ គឺមានទិសដៅប្រឆាំងទៅនឹងរុស្ស៊ីច្រើនជាង។ ទាក់ទងទៅនឹងការដាក់ទណ្ឌកម្មរបស់អាមេរិកនេះដែរ អ្នកវិភាគលើកឡើងថា តួកគី ដែលមានភាពស្រៀដៀងទៅនឹងចិន ពីការទិញគ្រឿងសព្វាវុធរបស់រុស្ស៊ីនេះដែរ គឺជាប្រទេសដែលគួរតែមានការព្រួយបារម្ភអំពីច្បាប់ទណ្ឌកម្មរបស់អាមេរិក។ ប្រទេសជាសមាជិកអង្គការណាតូ បានព្រមានប្រទេសតួកគី ដែលជាសមាជិកអង្គការណាតូដូចគ្នា អំពីការទិញអាវុធពីរុស្ស៊ី៕DNT-NEWS
