[wai id="8"]
[wai id="7"]
រដ្ឋបាលខេត្តកោះកុង ប្រកាសមិនទទួលស្គាល់ការទិញលក់ដីស្ថិតក្នុងតំបន់ការពារធម្មជាតិ ក្រោយអាជ្ញាធររកឃើញថា តំបន់ការពារធម្មជាតិ និងគម្របព្រៃឈើស្ថិតក្នុងស្រុកមួយចំនួននៃខេត្តកោះកុង កំពុងទិញលក់យ៉ាងអនាធិបតេយ្យ។
ក្នុងសេចក្តីជូនដំណឹងមួយកាលពីថ្ងៃទី១៤ ខែកក្កដា រដ្ឋបាលខេត្តកោះកុងបានឱ្យដឹងថា នៅតាមបណ្តាភូមិឃុំជាពិសេសស្រុកបុទុមសាគរ ស្រុកកោះកុង ស្រុកគិរីសាគរ ស្រុកថ្មបាំង និងតំបន់មួយចំនួនទៀត មានការទិញលក់ដីស្ថិតក្នុងតំបន់ការពារធម្មជាតិ ដីសហគមន៍ និងគម្របព្រៃឈើយ៉ាងអនាធិបតេយ្យ។
ពាណិជ្ជកម្ម
ការទិញ-លក់ដីធ្លី ដោយមិនមានការចូលរួមចុះពិនិត្យ និងវាស់វែងត្រឹមត្រូវ របស់មន្ត្រីពាក់ព័ន្ធនឹង មន្ត្រីភូមិបាល នៃរដ្ឋបាលក្រុង ស្រុក ដោយគ្រាន់តែផ្តិតមេដៃ រវាងអ្នកលក់ និងអ្នកទិញ យ៉ាងនេះ គឺជាទង្វើខុសច្បាប់។
រដ្ឋបាលខេត្តកោះកុង រដ្ឋបាលក្រុង ស្រុក និងរដ្ឋបាលឃុំ សង្កាត់ នឹងចាត់ទុកជាមោឃៈ និងបដិសេធចោលនូវរាល់ការលក់-ទិញដីធ្លីទាំងអស់ ដែលពុំមានលក្ខណៈត្រឹម ត្រូវតាមផ្លូវច្បាប់ និងត្រូវប្រឈមការផ្តន្ទាទោសទៅតុលាការតាមផ្លូវច្បាប់។
ដើម្បីចៀសវាងនូវទង្វើខុសច្បាប់ និងការខាតបង់ប្រយោជន៍ពីការលក់-ទិញដីធ្លីនេះ សូមសាធារណជន និងប្រជាពលរដ្ឋទាំងអស់ បញ្ឈប់ជាបន្ទាន់នូវការលក់-ទិញដីធ្លី មិនស្របតាម ផ្លូវច្បាប់បែបនេះ៕
[wai id="5"]