(រដ្ឋធានីវ៉ាស៊ីនតោន)៖ សារព័ត៌មានរ៉យទ័របានចេញផ្សាយនៅថ្ងៃទី២៥ កញ្ញា ២០១៨នេះថា កងទ័ពអាកាសសហរដ្ឋអាមេរិកបានផ្តល់កិច្ចសន្យាទៅឲ្យក្រុមហ៊ុន Boeing ក្នុងទំហំទឹកប្រាក់៣៧៦លានដុល្លារ ដើម្បីផលិតឧទ្ធម្គាចក្រចំនួន ៤គ្រឿង នៅក្នុងដំណាក់កាលដំបូងនៃកិច្ចព្រមព្រៀង ២,៣៨ពាន់លានដុល្លារ ដើម្បីជំនួសឲ្យកងឧទ្ធម្ភចក្រ សម័យសង្គ្រាមវៀតណាម UH-1N Huey ដែលមានអាយុ ៤៦ឆ្នាំ។
កងទ័ពអាកាសបាននិយាយថា ខ្លួននឹងកម្មង់ឧទ្ធម្ភាចក្រចំនួន ៨៤គ្រឿង ដែលនឹងទទួលបានចាប់ពីឆ្នាំ ២០២០ ដល់ ២០៣២។
សម្រាប់តម្រូវការនៃឧទ្ធម្ភាចក្រទាំងនេះវិញ កងទ័ពអាកាសសហរដ្ឋអាមេរិកនឹងប្រើវា ដើម្បីការពារឃ្លាំងស្តុកអាវុធនុយក្លេអ៊ែររបស់ខ្លួន ដែលស្ថិតនៅក្នុងរដ្ឋ វ៉ាយអូមីង ម៉ុងតាណា និងរដ្ឋដាកូតាខាងជើង។
ឧទ្ធម្ភាគចក្រថ្មីនេះនឹងក្លាយជាឧបករណ៍ដ៏មានសារៈសំខាន់មួយ ដើម្បីការពារទីតាំងនុយក្លេអ៊ែរ និងទីតាំងនៃគ្រាប់មីស៊ីលប៉ាឡេស្ទីកអន្តរទ្វីបរបស់ខ្លួន។ MH-139 គឺជាកំណែទម្រង់យោធាមួយទៅលើឧទ្ធម្ភាចក្រ Leonardo AW139 ហើយវានឹងក្លាយទៅជាផលិតផលរួមគ្នារវាងក្រុមហ៊ុនបូអ៊ីង និងក្រុមហ៊ុនលីអូណាដូ។
ជាមួយគ្នានេះ ក្រមហ៊ុនបូអ៊ីងបាននិយាយថា ឧទ្ធម្ភាគចក្រ MH-139 របស់ខ្លួនគឺផ្អែកលើក្រុមហ៊ុនផលិតយន្តហោះអ៊ីតាលី Leonardo SpA (LDOF.MI) AW139 ដែលត្រូវបានប្រើប្រាស់ដោយរដ្ឋាភិបាល យោធា និងក្រុមហ៊ុនជាង ២៧០នៅទូទាំងពិភពលោក។ ឧទ្ធម្ភាគចក្រនេះនឹងត្រូវបានសាងសង់នៅរោងចក្រផលិតគ្រឿងយានចម្បាំង ២កន្លែងនៅខាងក្រៅនៃទីក្រុងហ្វីឡាដេហ្វៀ៕DNT-NEWS
កងទ័ពអាកាសបាននិយាយថា ខ្លួននឹងកម្មង់ឧទ្ធម្ភាចក្រចំនួន ៨៤គ្រឿង ដែលនឹងទទួលបានចាប់ពីឆ្នាំ ២០២០ ដល់ ២០៣២។
សម្រាប់តម្រូវការនៃឧទ្ធម្ភាចក្រទាំងនេះវិញ កងទ័ពអាកាសសហរដ្ឋអាមេរិកនឹងប្រើវា ដើម្បីការពារឃ្លាំងស្តុកអាវុធនុយក្លេអ៊ែររបស់ខ្លួន ដែលស្ថិតនៅក្នុងរដ្ឋ វ៉ាយអូមីង ម៉ុងតាណា និងរដ្ឋដាកូតាខាងជើង។
ឧទ្ធម្ភាគចក្រថ្មីនេះនឹងក្លាយជាឧបករណ៍ដ៏មានសារៈសំខាន់មួយ ដើម្បីការពារទីតាំងនុយក្លេអ៊ែរ និងទីតាំងនៃគ្រាប់មីស៊ីលប៉ាឡេស្ទីកអន្តរទ្វីបរបស់ខ្លួន។ MH-139 គឺជាកំណែទម្រង់យោធាមួយទៅលើឧទ្ធម្ភាចក្រ Leonardo AW139 ហើយវានឹងក្លាយទៅជាផលិតផលរួមគ្នារវាងក្រុមហ៊ុនបូអ៊ីង និងក្រុមហ៊ុនលីអូណាដូ។
ជាមួយគ្នានេះ ក្រមហ៊ុនបូអ៊ីងបាននិយាយថា ឧទ្ធម្ភាគចក្រ MH-139 របស់ខ្លួនគឺផ្អែកលើក្រុមហ៊ុនផលិតយន្តហោះអ៊ីតាលី Leonardo SpA (LDOF.MI) AW139 ដែលត្រូវបានប្រើប្រាស់ដោយរដ្ឋាភិបាល យោធា និងក្រុមហ៊ុនជាង ២៧០នៅទូទាំងពិភពលោក។ ឧទ្ធម្ភាគចក្រនេះនឹងត្រូវបានសាងសង់នៅរោងចក្រផលិតគ្រឿងយានចម្បាំង ២កន្លែងនៅខាងក្រៅនៃទីក្រុងហ្វីឡាដេហ្វៀ៕DNT-NEWS
