យោងតាមសារព័ត៌មានស្ពុតនិក បានឲ្យដឹងនៅថ្ងៃទី២៦ កញ្ញា២០១៨នេះ ដោយស្រង់សម្តីអ្នកវិភាគថា ប្រឈមទៅនឹងស្ថានការណ៍នៃសង្គ្រាមពាណិជ្ជកម្មដ៏ក្តៅគគុករវាងចិន និងអាមេរិក ប្រជាជនចិនប្រមាណកន្លះលាន ទៅជាង ២លាននាក់នឹងត្រូេះអត់ការងារធ្វើដោយសារតែសង្គ្រាមពាណិជ្ជកម្ម។
យោងតាមអនុរដ្ឋមន្ត្រីក្រសួងពាណិជ្ជកម្មចិនបានឲ្យដឹងថា សហរដ្ឋអាមេរិកកំពុងតែដាក់កាំបិតនៅពីលើកញ្ចឹងក របស់ខ្លួន ក្នុងសំណុំរឿងពាណិជ្ជកម្ម។ ទន្ទឹមនេះ លោកក៏បានប្តេជ្ញាថា ចិននឹងធ្វើការឆ្លើយតបទៅនឹងការយកពន្ធជាឯកតោភាគីពីសំណាក់សហរដ្ឋអាមេរិកវិញផងដែរ។
លោកបណ្ឌិត James Wang ជាសាស្ត្រាចារ្យនៃនាយកដ្ឋានសេដ្ឋកិច្ច និងហិរញ្ញវត្ថុនៃសាកលវិទ្យាល័យហុងកុងបានប្រាប់សារព័ត៌មានស្ពុតនិកថា «ខ្ញុំគិតថា ក្នុងរយៈពេលដ៏ខ្លី ផលប៉ះពាល់នឹងកើតមានឡើងភាគច្រើនទៅលើវិស័យនាំចេញ នៅក្នុងបណ្តាខេត្តនៅតាមឆ្នេរ។ ប្រហែលនឹងមានបរាជ័យយ៉ាងខ្លាំងក្លាទៅលើក្រុមហ៊ុនតូចៗ ក្នុងការទទួលបានផលចំណេញ។ យោងតាមការប៉ាន់ប្រមាណជាច្រើនបានឲ្យដឹងថា ផលប៉ះពាល់នេះនឹងធ្វើឲ្យប្រជាជនចិនកន្លះលាន ទៅ ២លាននាក់នឹងគ្មានការងារធ្វើ»។
កាលពីពេលថ្មីៗកន្លងទៅនេះ សហរដ្ឋអាមេរិកអាមេរិកបានប្រកាសយកពន្ធ ២០០ពាន់លានដុល្លារទៅលើការនាំចូលនៃទំនិញរបស់ចិន ដែលបានចូលជាធរមានកាលពីថ្ងៃទី២៤ កញ្ញា កន្លងទៅ។ ដោយឡែក ចិនវិញអាចឆ្លើយតបទៅសហរដ្ឋអាមេរិកក្នុងទំហំទឹកប្រាក់ត្រឹមតែ ៦០ពាន់លានដុល្លារតែប៉ុណ្ណោះ។ អ្នកវិភាគមួយចំនួនមើលឃើញថា ចិនកំពុងតែចុះខ្សោយនៅពេលដែលអាមេរិកកាន់តែគៀបសង្កត់មកលើខ្លួន។ អ្នកវិភាគក៏បាននិយាយផងដែរថា ចិននឹងមិនអាចយកពន្ធទល់នឹងអាមេរិកមួយស្មើរបាននោះទេ។ នៅពេលនោះ ចិននឹងសម្លឹងរកមើលគោលដៅចុងក្រោយ គឺក្រុមហ៊ុនសហរដ្ឋអាមេរិកដែលរកស៊ីនៅក្នុងទឹកដីរបស់ខ្លួន ដូចជាក្រុមហ៊ុន Apple និងក្រុមហ៊ុន បូអ៊ីង។
មូលហេតុដែលលោកត្រាំប្រកាសយកពន្ធលើកទំនិញរបស់ចិន គឺដោយសារតែលោកត្រាំថា ចិនរកស៊ីដោយមិនស្មោះត្រង់ និងមិនស្មើរភាព ព្រមទាំងលួចចម្លងកម្មសិទ្ធបញ្ញាផងដែរ។ ដោយឡែក បានធ្វើការបដិសេធចំពោះការចោទប្រកាន់នេះ។
កាលពីពេលថ្មីៗកន្លងទៅនេះ សហរដ្ឋអាមេរិក និងចិនធ្លាប់បានចរចាគ្នារួចមកហើយជុំវិញសង្គ្រាមពាណិជ្ជកម្មនេះ។ ប៉ុន្តែការចរចានេះហាក់ពុំបានទទួលផ្លែផ្កាឡើង ដោយលោកត្រាំបានស្នើឲ្យចិនបញ្ឈប់ការរកស៊ីដោយមិនស្មើភាពនេះ ទើបលោកបញ្ឈប់ការយកពន្ធមកលើចិន៕DNT-NEWS
លោកបណ្ឌិត James Wang ជាសាស្ត្រាចារ្យនៃនាយកដ្ឋានសេដ្ឋកិច្ច និងហិរញ្ញវត្ថុនៃសាកលវិទ្យាល័យហុងកុងបានប្រាប់សារព័ត៌មានស្ពុតនិកថា «ខ្ញុំគិតថា ក្នុងរយៈពេលដ៏ខ្លី ផលប៉ះពាល់នឹងកើតមានឡើងភាគច្រើនទៅលើវិស័យនាំចេញ នៅក្នុងបណ្តាខេត្តនៅតាមឆ្នេរ។ ប្រហែលនឹងមានបរាជ័យយ៉ាងខ្លាំងក្លាទៅលើក្រុមហ៊ុនតូចៗ ក្នុងការទទួលបានផលចំណេញ។ យោងតាមការប៉ាន់ប្រមាណជាច្រើនបានឲ្យដឹងថា ផលប៉ះពាល់នេះនឹងធ្វើឲ្យប្រជាជនចិនកន្លះលាន ទៅ ២លាននាក់នឹងគ្មានការងារធ្វើ»។
កាលពីពេលថ្មីៗកន្លងទៅនេះ សហរដ្ឋអាមេរិកអាមេរិកបានប្រកាសយកពន្ធ ២០០ពាន់លានដុល្លារទៅលើការនាំចូលនៃទំនិញរបស់ចិន ដែលបានចូលជាធរមានកាលពីថ្ងៃទី២៤ កញ្ញា កន្លងទៅ។ ដោយឡែក ចិនវិញអាចឆ្លើយតបទៅសហរដ្ឋអាមេរិកក្នុងទំហំទឹកប្រាក់ត្រឹមតែ ៦០ពាន់លានដុល្លារតែប៉ុណ្ណោះ។ អ្នកវិភាគមួយចំនួនមើលឃើញថា ចិនកំពុងតែចុះខ្សោយនៅពេលដែលអាមេរិកកាន់តែគៀបសង្កត់មកលើខ្លួន។ អ្នកវិភាគក៏បាននិយាយផងដែរថា ចិននឹងមិនអាចយកពន្ធទល់នឹងអាមេរិកមួយស្មើរបាននោះទេ។ នៅពេលនោះ ចិននឹងសម្លឹងរកមើលគោលដៅចុងក្រោយ គឺក្រុមហ៊ុនសហរដ្ឋអាមេរិកដែលរកស៊ីនៅក្នុងទឹកដីរបស់ខ្លួន ដូចជាក្រុមហ៊ុន Apple និងក្រុមហ៊ុន បូអ៊ីង។
មូលហេតុដែលលោកត្រាំប្រកាសយកពន្ធលើកទំនិញរបស់ចិន គឺដោយសារតែលោកត្រាំថា ចិនរកស៊ីដោយមិនស្មោះត្រង់ និងមិនស្មើរភាព ព្រមទាំងលួចចម្លងកម្មសិទ្ធបញ្ញាផងដែរ។ ដោយឡែក បានធ្វើការបដិសេធចំពោះការចោទប្រកាន់នេះ។
កាលពីពេលថ្មីៗកន្លងទៅនេះ សហរដ្ឋអាមេរិក និងចិនធ្លាប់បានចរចាគ្នារួចមកហើយជុំវិញសង្គ្រាមពាណិជ្ជកម្មនេះ។ ប៉ុន្តែការចរចានេះហាក់ពុំបានទទួលផ្លែផ្កាឡើង ដោយលោកត្រាំបានស្នើឲ្យចិនបញ្ឈប់ការរកស៊ីដោយមិនស្មើភាពនេះ ទើបលោកបញ្ឈប់ការយកពន្ធមកលើចិន៕DNT-NEWS
