ប្រឈមទៅនឹងស្ថានការណ៍ដ៏តានតឹងជាមួយរុស្ស៊ី បន្ទាប់ពីករណីបំពុលអតីតមន្ត្រីចារកម្មរុស្ស៊ី រដ្ឋមន្ត្រីការពារជាតិអង់គ្លេស បានបង្ហាញពីគម្រោងមួយដែលហៅថា យុទ្ធសាស្ត្រការពារតំបន់អាក់ទិច ដែលជាប្រតិបត្តិការដ៏ធំមួយ បន្ទាប់ពីការបញ្ចប់នៃសង្គ្រាមត្រជាក់។
រដ្ឋមន្ត្រីការពារជាតិចក្រភពអង់គ្លេស លោក ហ្កាវី វីលៀមសិន បានប្រកាសនៅក្នុងបទសម្ភាន៍មួយជាមួយសារព័ត៌មាន The Telegragh ថា ចក្រភពអង់គ្លេសគ្រោងនឹងបើកមូលដ្ឋានទ័ពថ្មីមួយ នៅភាគខាងជើងប្រទេសន័រវ៉េស និងដាក់ពង្រាយកងកម្មង់ដូ ៨០០នាក់ទៅកាន់ប្រទេសនេះជារៀងរាល់រដូវរងារ ក្នុងរយៈពេល ១០ឆ្នាំ ដែលនឹងត្រូវធ្វើឡើងនៅឆ្នាំក្រោយ។ ការដាក់ពង្រាយកងកម្លាំងចក្រភពអង់គ្លេសនេះ នឹងត្រូវសហការណ៍ជាមួយសហរដ្ឋអាមេរិក និងហូឡង់។
រួមជាមួយកងកម្មង់ដូ ៣ពាន់នាក់ ដែលត្រូវបានបញ្ជូនឲ្យចូលរួមក្នុងការធ្វើសមយុទ្ធរបស់អង្គការណាតូ ចំនួនសរុបនៃការដាក់ពង្រាយកងទ័ពនេះ នឹងកើនឡើងដល់ ៤ម៉ឺននាក់។
លោករដ្ឋមន្ត្រីការពារជាតិអង់គ្លេស បាននិយាយថា យុទ្ធសាស្ត្រការពារតំបន់អាក់ទិចនេះ ត្រូវបានពង្រឹងកម្លាំង ដើម្បីបង្កើនវត្តមានយោធារបស់ខ្លួន ខណៈដែលអង់គ្លេសមានការព្រួយបារម្ភអំពីសកម្មភាពរុស្ស៊ី ដែលកំពុងរីកដុះដាល។
លោកបានចង្អុលបង្ហាញថា ប្រទេសរុស្ស៊ីបានបើកមូលដ្ឋានរបស់ខ្លួនឡើងវិញ ដែលមូលដ្ឋនាទាំងនេះត្រូវបានបិទទ្វារ បន្ទាប់ពីការដួលរលំនៃសហភាពសូវៀតហើយរុស្ស៊ីបានបង្កើនសកម្មភាពនាវាមុជទឹក នៅតំបន់អាក់ទិក ដែលកាន់តែខិតទៅរកកម្រិតនៃសង្គ្រាមត្រជាក់។
ប៉ុន្មានខែមុន នាវាមុជទឹករបស់រុស្ស៊ីត្រូវបានគេប្រទះឃើញធ្វើសកម្មភាព នៅក្នុងតំបន់អាត្លង់ទិចខាងជើង ដែលទង្វើនេះ ត្រូវបានអង់គ្លេស និងអាមេរិកចាត់ទុកថា ជាការបង្កក្តីព្រួយបារម្ភយ៉ាងខ្ឡាំងដល់ពួកគេ។ ជារឿយៗ រុស្ស៊ីបានបញ្ជូនយន្តហោះទម្លាក់គ្រាប់បែកផង នាវាមុជទឹកផង និងនាវាពិឃាតរបស់ខ្លួនធ្វើដំណើរចូលដែនអត្តសញ្ញាណការពារជាតិអង់គ្លេស និងសហរដ្ឋអាមេរិក។ ជាការឆ្លើយតប អាមេរិក និងអង់គ្លេសបានផ្គុំកម្លាំងដេញតាមកម្លាំងរុស្ស៊ី ដែលព្រហើនឈ្លានពានលើដែនអធិបតេយ្យភាពរបស់ពួកគេ។ សកម្មភាពរបស់រុស្ស៊ី ដែលអង់គ្លេសចោទថាឈ្លានពានមកលើខ្លួននេះ បានធ្វើឡើងបន្ទាប់ពីអតីតមន្ត្រីចារកម្មរុស្ស៊ី លោក Skripal ត្រូវបានគេបំពុល។ អង់គ្លេសចោទរុស្ស៊ីថា រុស្ស៊ីគឺជាអ្នករៀបចំផែនការសម្លាប់នេះ ប៉ុន្តែការចោទប្រកាន់នេះ ត្រូវបានបដិសេធដោយរុស្ស៊ី៕DNT-NEWS
រួមជាមួយកងកម្មង់ដូ ៣ពាន់នាក់ ដែលត្រូវបានបញ្ជូនឲ្យចូលរួមក្នុងការធ្វើសមយុទ្ធរបស់អង្គការណាតូ ចំនួនសរុបនៃការដាក់ពង្រាយកងទ័ពនេះ នឹងកើនឡើងដល់ ៤ម៉ឺននាក់។
លោករដ្ឋមន្ត្រីការពារជាតិអង់គ្លេស បាននិយាយថា យុទ្ធសាស្ត្រការពារតំបន់អាក់ទិចនេះ ត្រូវបានពង្រឹងកម្លាំង ដើម្បីបង្កើនវត្តមានយោធារបស់ខ្លួន ខណៈដែលអង់គ្លេសមានការព្រួយបារម្ភអំពីសកម្មភាពរុស្ស៊ី ដែលកំពុងរីកដុះដាល។
លោកបានចង្អុលបង្ហាញថា ប្រទេសរុស្ស៊ីបានបើកមូលដ្ឋានរបស់ខ្លួនឡើងវិញ ដែលមូលដ្ឋនាទាំងនេះត្រូវបានបិទទ្វារ បន្ទាប់ពីការដួលរលំនៃសហភាពសូវៀតហើយរុស្ស៊ីបានបង្កើនសកម្មភាពនាវាមុជទឹក នៅតំបន់អាក់ទិក ដែលកាន់តែខិតទៅរកកម្រិតនៃសង្គ្រាមត្រជាក់។
ប៉ុន្មានខែមុន នាវាមុជទឹករបស់រុស្ស៊ីត្រូវបានគេប្រទះឃើញធ្វើសកម្មភាព នៅក្នុងតំបន់អាត្លង់ទិចខាងជើង ដែលទង្វើនេះ ត្រូវបានអង់គ្លេស និងអាមេរិកចាត់ទុកថា ជាការបង្កក្តីព្រួយបារម្ភយ៉ាងខ្ឡាំងដល់ពួកគេ។ ជារឿយៗ រុស្ស៊ីបានបញ្ជូនយន្តហោះទម្លាក់គ្រាប់បែកផង នាវាមុជទឹកផង និងនាវាពិឃាតរបស់ខ្លួនធ្វើដំណើរចូលដែនអត្តសញ្ញាណការពារជាតិអង់គ្លេស និងសហរដ្ឋអាមេរិក។ ជាការឆ្លើយតប អាមេរិក និងអង់គ្លេសបានផ្គុំកម្លាំងដេញតាមកម្លាំងរុស្ស៊ី ដែលព្រហើនឈ្លានពានលើដែនអធិបតេយ្យភាពរបស់ពួកគេ។ សកម្មភាពរបស់រុស្ស៊ី ដែលអង់គ្លេសចោទថាឈ្លានពានមកលើខ្លួននេះ បានធ្វើឡើងបន្ទាប់ពីអតីតមន្ត្រីចារកម្មរុស្ស៊ី លោក Skripal ត្រូវបានគេបំពុល។ អង់គ្លេសចោទរុស្ស៊ីថា រុស្ស៊ីគឺជាអ្នករៀបចំផែនការសម្លាប់នេះ ប៉ុន្តែការចោទប្រកាន់នេះ ត្រូវបានបដិសេធដោយរុស្ស៊ី៕DNT-NEWS
