អនុប្រធានាធិបតីសហរដ្ឋអាមេរិក លោក Mike Pence បានធ្វើការវាយប្រហារធ្ងន់ៗទៅលើចិនកាលពីថ្ងៃព្រហស្បតិ៍ ដោយចោទប្រកាន់ចិនពីការអនុវត្តន៍នូវសេដ្ឋកិច្ចដោយជញ្ជាក់ឈាម និងអនុវត្តន៍នូវសកម្មភាពឈ្លានពានផ្នែកយោធាប្រឆាំងសហរដ្ឋអាមេរិក និងកំពុងតែព្យាយាមធ្វើឲ្យខូចដល់ឱកាសឈ្នះឆ្នោតរបស់លោកត្រាំ។
លើកឡើងពីទង្វើរបស់លោកត្រាំ ក្នុងការយកពន្ធ ២៥០ពាន់លានដុល្លារទៅលើការនាំចូលទំនិញរបស់ចិន និងការគម្រាមយកពន្ធបន្ថែមទៀត ដើម្បីឆ្លើយតបទៅនឹងជំហរដ៏រឹងមាំរបស់លោកត្រាំ ដែលបានដាក់ចេញ លោក Pence បាននិយាយថា លោក Pence បាននិយាយថា ប្រជាជនអាមេរិកនឹងបានដឹងថា ទីក្រុងប៉េកាំងកំពុងបន្តយុទ្ធនាការដ៏ធំទូលាយ និងសម្របសម្រួល ដើម្បីធ្វើឱ្យប៉ះពាល់ដល់ការគាំទ្រដល់ប្រធានាធិបតី។
លោក Pence បាននិយាយថា និយាយដោយត្រង់ទៅ ភាពដឹកនាំរបស់លោកត្រាំកំពុងតែធ្វើការ។ ចិនចង់បានប្រធានាធិបតីខុសពីនេះ។
អន្តរាគមន៍របស់អនុប្រធានបានកត់សម្គាល់ពីការបង្កើនវោហាសាស្ត្រ ដែលត្រូវបានប្រើប្រាស់ដោយរដ្ឋបាលលោកត្រាំ ដើម្បីប្រឈមជាមួយប្រទេសចិន ក្នុងសំណុំរឿងពាណិជ្ជកម្ម យោធា និងនយោបាយក្នុងស្រុក។
លោក Pence បានចោទប្រកាន់ចិនពីការគៀបសង្កត់ពលរដ្ឋរបស់ខ្លួននៅក្នុងស្រុក តាមរយៈការបង្កើតរដ្ឋស៊ើបការណ៍ដែលមិនមានតម្លាភាព និងការបង្ក្រាបខាងសាសនាផងដែរ។
អនុប្រធានាធិបតីរូបនេះបាននិយាយបន្តថា ទីភ្នាក់ងារសន្តិសុខចិនបានរៀបចំគម្រោងលួចយកបច្ចេកវិទ្យាដ៏ធំធេងរបស់អាមេរិក។ បន្ថែមលើសនេះ លោកក៏បាននិយាយអំពីសកម្មភាពវាទទីនិយមរបស់ចិន នៅក្នុងតំបន់សមុទ្រចិនខាងត្បូងផងដែរ។
សូមបញ្ជាក់ថា បច្ចុប្បន្ននេះ សំណុំរឿងពាណិជ្ជកម្ម និងយោធារវាងអាមេរិក និងចិនបានធ្វើឲ្យប្រទេសទាំងពីរមើលមុខគ្នាលែងចំ ដែលកាន់តែធ្វើឲ្យស្ថានការកាន់តែមានភាពអាប់អួររវាងប្រទេសទាំងពីរ។ លោកត្រាំធ្លាប់បានចោទចិនថា រកស៊ីដោយមិនស្មើភាព នៅក្នុងសំណុំរឿងពាណិជ្ជកម្ម។ លោកថា កិច្ចចរចាពាណិជ្ជកម្មអាមេរិកនឹងមិនអាចធ្វើឡើងនោះទេ ប្រសិនបើចិនមិនធ្វើកំណែទម្រង់ពាណិជ្ជកម្មរបស់ខ្លួទេនោះ។ ដោយឡែក ចិនវិញបានបដិសេធនូវការចោទប្រកាន់របស់លោកត្រាំនេះ៕
Home ព្រឹត្តិការណ៍ថ្មីៗ អនុប្រធានាធិបតីសហរដ្ឋអាមេរិកវាយប្រហារទៅលើចិនពីការធ្វើពាណិជ្ជកម្មដោយជញ្ជាក់ញើស និងសកម្មភាពឈ្លានពានផ្នែកយោធា