សារព័ត៌មាន Independent របស់អង់គ្លេសបានចេញផ្សាយនៅថ្ងៃទី៣០ តុលានេះថា សហរដ្ឋអាមេរិកកំពុងត្រៀមខ្លួនបញ្ជូនកងទ័ពរបស់ខ្លួន ៥ ២០០នាក់ទៅកាន់តំបន់ព្រំដែនភាគត្បូងនៃប្រទេសនេះ មុនការមកដល់នៃក្រុមអន្តោប្រវេសន៍ ដែលកំពុងបោះពួយសម្តៅទៅរកតំបន់នេះ។
ក្រសួងការពារជាតិអាមេរិកបាននិយាយកាលពីរសៀលថ្ងៃចន្ទថា របាយការណ៍ចុងក្រោយបំផុតបានបង្ហាញអំពីកងកម្លាំងប្រមាណ ៨០០នាក់ដែលត្រូវបានគេឃើញបញ្ជូនទៅកាន់ព្រំដែនអាមេរិក-ម៉ិកស៊ិកកាលពីថ្ងៃចន្ទ។ ក្រសួងបានអះអាងថា នៅចុងសប្តាហ៍នេះ កងទ័ព ៥ ២០០នាក់នឹងត្រូវដាក់ពង្រាយនៅតាមតំបន់ព្រំដែន ដើម្បីជួយសម្រួលកិច្ចការ។
ទន្ទឹមនឹងការដាក់ពង្រាយកម្លាំងនេះ ចំនួនក្រុមអន្តោរប្រវេសន៍មានការថយថយពីមួយថ្ងៃទៅមួយថ្ងៃ។ កាលពីដើមឆ្នាំនេះ កងកម្លាំងឆ្មាំការពារជាតិសហរដ្ឋអាមេរិកប្រហែល ២ ០០០នាក់ត្រូវបានដាក់ពង្រាយទៅកាន់តំបន់នោះ រីឯមន្ត្រីគយ ១៥ ០០០នាក់ត្រួតពិនិត្យទៅលើដំណើរការនៃការធ្វើពាណិជ្ជកម្ម ក្រុមអន្តោរប្រវេសន៍ និងក្រុមអ្នកថ្មើរជើង ដែលធ្វើដំណើរជារៀងរាល់ថ្ងៃ។
ក្រុមអន្តោប្រវេសន៍បានរៀបចំគម្រោងឆ្ពោះទៅកាន់ទីប្រជុំជន Niltepec នៅព្រឹកព្រលឹមថ្ងៃចន្ទនេះ ដែលមានចម្ងាយ ៧០គីឡូម៉ែត្រពីភាគនិរតីនៃរដ្ឋ Oaxaca។ ជនអន្តោប្រវេសន៍រាប់រយនាក់បានព្យាយាមឆ្លងកាត់ទន្លេ Suchiate ដោយធ្វើដំណើរចេញពីហ្កូតេម៉ាឡាឆ្ពោះទៅកាន់ម៉ិកស៊ិក នៅថ្ងៃចន្ទនេះ ប៉ុន្តែពួកគេត្រូវជួបជាមួយប៉ូលិសហព័ន្ធម៉ិកស៊ិក ដែលបានរារាំងពួកគេមិនឲ្យចូល។
ភាពតានតឹងនៅតាមដងទន្លេបានកើតមានឡើង បន្ទាប់ពីមានការប្រឈមមុខដាក់គ្នាដោយអំពើហិង្សានៅជិតស្ពានមួយកន្លែងទាំងយប់ បន្ទាប់ពីក្រុមអន្តោរប្រវេសន៍បានគប់ដុំថ្ម និងបានប្រើដំបងប្រឆាំងនឹងក្រុមប៉ូលីសម៉ិកស៊ិក។ ជនអន្តោរប្រវេសន៍ម្នាក់បានស្លាប់ដោយសាររបួសក្បាលខ្លាំង ប៉ុន្តែមិនដឹងថា មកពីការប៉ះទង្គិចជាមួយប៉ូលីស ឬយ៉ាងណានោះទេ។ ក្រុមជនអន្តោរប្រវេសន៍ទាំងនោះនៅត្រូវធ្វើក្នុងចម្ងាយ ១ ៦០០គីឡូម៉េត្របន្តទៀត ដើម្បីទៅដល់ជិតព្រំដែនអាមេរិកដោយឆ្លងកាត់តាមទីក្រុង McAllen នៃតិចសាស។
លោកដូ ណលត្រាំ បានបង្ហោះនៅថ្ងៃចន្ទថា «មានសមាជិកក្រុមបងធំជាច្រើននាក់ និងមនុស្សអាក្រក់មួយចំនួនត្រូវបានបន្លំខ្លួនក្នុងចំណោមហ្វូងមនុស្សទាំងនោះ ឆ្ពោះសំដៅទៅកាន់ព្រំដែនភាគខាងត្បូង។ សូមមេត្តាត្រឡប់ក្រោយ អ្នកនឹងមិនត្រូវបានអនុញ្ញាតចូលទឹកដីសហរដ្ឋអាមេរិកនោះទេ លុះត្រាតែអ្នកចូលមកដោយស្របច្បាប់»។ លោកបន្តថា «នេះគឺជាការឈ្លានពានមកលើប្រទេសយើងហើយ ហើយកងកម្ឡាំងរបស់យើងកំពុងតែរងចាំអ្នក»។
ដោយៅឡែក ក្រសួងមហាផ្ទៃម៉ិកស៊ិកបាននិយាយកាលពីថ្ងៃសៅរ៍ថា លេខអត្តសញ្ញាណបណ្តោះអាសន្នត្រូវបានចេញឱ្យដល់ជនអន្តោប្រវេសន៍ ១១១នាក់ ដែលនឹងអនុញ្ញាតឱ្យពួកគេស្នាក់នៅ និងធ្វើការនៅម៉ិកស៊ិក។ ក្រសួងបាននិយាយថា ស្ត្រីមានផ្ទៃពោះ កុមារ និងមនុស្សចាស់ ស្ថិតក្នុងចំណោមអ្នកដែលបានចូលរួមក្នុងកម្មវិធីនេះ ហើយឥឡូវនេះត្រូវបានគេចូលរួមនៅក្នុងជំរុំ៕
Home ព្រឹត្តិការណ៍ថ្មីៗ មន្ទីរប៉ង់តាហ្គោននឹងបញ្ជូនកងទ័ពជាង ៥ពាន់នាក់ទៅព្រំដែន ខណៈដែលជនអន្តោរប្រវេសន៍កាន់តែស្ថិតនៅកាន់តែកៀកព្រំដែនអាមេរិក