ចាកាតា៖បើតាម មន្ត្រីប៉ូលីសឥណ្ឌូនេស៊ីម្នាក់បាននិយាយថា យ៉ាងហោចណាស់មានមនុស្សម្នាក់ត្រូវបានរកឃើញបាត់បង់ជីវិត ហើយមនុស្ស រាប់រយនាក់ត្រូវបានគេជម្លៀស បន្ទាប់ពីគ្រោះរញ្ជួយដី ៧.៣រិចទ័រ បានវាយប្រហារកោះម៉ាលូគូនៅភាគខាងកើតប្រទេសឥណ្ឌូណេស៊ី កាលពីថ្ងៃអាទិត្យម្សិលមិញនេះ ។
ការរញ្ជួយដីដ៏កក្រើកនេះ បានកើតឡើងប្រមាណ ១៦៥ គីឡូម៉ែត្រភាគនិរតីនៃទីក្រុង Ternate នៅភាគខាងជើង ខេត្ត Maluku នៅវេលាម៉ោង ៦៖២៨ នាទីល្ងាច ម៉ោងនៅក្នុងស្រុក។
បើតាមសារព័ត៌មាន CNA ស្ត្រីម្នាក់ត្រូវបានអះអាងថាស្លាប់នៅក្នុងគ្រោះមហន្តរាយនេះ ស្ថិតនៅក្នុងសង្កាត់ Halmahera ដែលជាតំបន់ជិតបំផុតទៅនឹងចំណុចកណ្តាល ហើយផ្ទះពលរដ្ឋប្រមាណ ១៦០ ខ្នងត្រូវបានបំផ្លាញផងដែរ ។
មន្ដ្រីទីភ្នាក់ងារកាត់បន្ថយគ្រោះមហន្តរាយក្នុងតំបន់លោក Ihksan Subur បានប្រាប់ AFP នៅថ្ងៃច័ន្ទនេះថា ជនរងគ្រោះត្រូវបានស្លាប់ ដោយសារសំណង់អាគារបាក់រលំសង្កត់លើជនរងគ្រោះ ។ លោកក៏បានបញ្ជាក់ដែរថា មានមនុស្សរាប់រយនាក់បានភៀសខ្លួនមកកាន់ទី សុវត្ថិភាពដូចជាសាលារៀន អាគាររដ្ឋាភិបាលជាដើម។
គួរជម្រាបជូនដែរថា កាលពីឆ្នាំមុនការរញ្ជួយដី ៧.៥ រ៉ិចទ័ រនិងរលកយក្សស៊ូណាមិនៅកោះ Palu និងកោះ Sulawesi បានសម្លាប់មនុស្សជាង ២០០០ នាក់ហើយមនុស្សមួយពាន់នាក់បានបាត់ខ្លួន៕
Home ព្រឹត្តិការណ៍ថ្មីៗ មនុស្សម្នាក់បានស្លាប់ និងរាប់រយនាក់ត្រូវជម្លៀសចេញ ដោយគ្រោះរញ្ជួយដីកម្រិត ៧.៣រិចទ័រ ដែលបានវាយប្រហារនៅឥណ្ឌូនេស៊ី