ក្រុមចម្រុះដឹកនាំដោយអារ៉ាប៊ីសាអូឌីតបានបន្តបើកការវាយប្រហារទៅលើទីក្រុងកំពង់ផែហូដេដា ដែលកំពុងគ្រប់គ្រងដោយក្រុមចលនាបះបោរហូធី កាលពីល្ងាចថ្ងៃចន្ទ។ នេះបើតាមសារព័ត៌មានរ៉យទ័រ ដែលបានដកស្រង់ពីអ្នកស្រុក។
យោងតាមសារព័ត៌មានរ៉យទ័របានឲ្យដឹងថា ក្រុមចម្រុះបានបើកការវាយប្រហារតាមផ្លូវអាកាសចំនួន ១០ដង និងបានប៉ះទង្គិតគ្នាយ៉ាងខ្លាំងជាមួយក្រុមចលនាបះបោរហូធី នៅជាយក្រុងហូដេដា ក្នុងចម្ងាយប្រមាណ ៤គីឡូម៉ែត្រពីទីក្រុងកំពង់ផែមួយនេះ។
ក្រុមហូធីបាននិយាយកាលពីព្រឹកថ្ងៃចន្ទថា ពួកគេបានត្រៀមខ្លួនរួចរាល់ហើយ ក្នុងការប្រកាសបទឈប់បាញ់មួយជាមួយក្រុមចម្រុះដឹកនាំដោយអារ៉ាប៊ីសាអូឌីត ដែលនាំទៅរកវិបត្តិនៅក្នុងប្រទេសយ៉េមែន។
អ្នកនាំពាក្រក្រសួងការពារជាតសហរដ្ឋអាមេរិក លោក Robert Manning បានប្រាប់ក្រុមអ្នករាយការណ៍កាលពីថ្ងៃចន្ទថា សហរដ្ឋអាមេរិកគាំទ្រលើបទឈប់បាញ់ និងការចរចាសន្តិភាព ដើម្បីស្វែងរកដំណោះស្រាយវិបត្តិនៅក្នុងប្រទេសយ៉េមែន។
កាលពីខែកញ្ញា អង្គការសហប្រជាជាតិបានព្យាយាមបើកការចរចារវាងក្រុមដែលពាក់ព័ន្ធទៅនឹងជម្លោះនៅក្នុងប្រទេសយ៉េមែននៅក្នុងទីក្រុងហ្សឺណែវ។ ប៉ុន្តែក្រុមហូធីបាននិយាយថា ពួកគេត្រូវបានរារាំងមិនឲ្យចាកចេញពីប្រទេសយ៉េមែន។
អង្គការសហប្រជាជាតិបានព្រមានអំពីវិបត្តិមនុស្សធម៌នៅប្រទេសនេះ ដោយនិយាយថា ទីក្រុងហូដេដាគឺជាទីក្រុងដ៏ធំមួយ ដែលជាកន្លែងផ្គត់ផ្គង់ដល់ជីវភាពប្រជាជនយ៉េមែនប្រមាណ ១៤លាននាក់។ ប្រជាជនយ៉េមែនបានជួយបញ្ហាអត់ឃ្លាននេះ ចាប់តាំងពីប្រទេសនេះ បានធ្លាក់ទៅក្នុងវិបត្តិសង្គ្រាមកាលពីឆ្នាំ ២០១៥មក៕
Home ព្រឹត្តិការណ៍ថ្មីៗ កងកម្លាំងចម្រុះដឹកនាំដោយអារ៉ាប៊ីសាអូឌីតនៅតែបន្តបើកការវាយប្រហារទៅលើក្រុម