ការសម្រេចចិត្តដកទ័ពអាមេរិកចេញពីប្រទេសស៊ីរី បានបង្កឲ្យមានបង្កឲ្យមានកំហេងយ៉ាងខ្លាំងពីសំណាក់សមាជិកគណបក្សសាធារណរដ្ឋ។
សមាជិកព្រឹទ្ធសភាមកពីគណបក្សសាធារណរដ្ឋប្រចាំនៅរដ្ឋការ៉ូលីណាខាងត្បូង លោក លីនស៊ី ហ្ក្រាហាមបានស្នើឲ្យមានការចោទសួរដេញដោលបន្ទាន់មួយ ដែលពាក់ព័ន្ធទៅនឹងការដកទ័ពចេញពីប្រទេសស៊ីរី និងអាហ្វហ្កានីស្ថាន។
លោកលីនស៊ីបានសរសេរនៅលើបណ្តាញធ្វីតតឺថា «ស្ថានភាពបច្ចុប្បន្ននៅក្នុងប្រទេសអាហ្វហ្កានីស្ថានបច្ចុប្បន្ននេះ ធ្វើឲ្យការដកកងទ័ពអាមេរិកក្លាយទៅជាយុទ្ធដែលមានហានិភ័យខ្ពស់»។ «ប្រសិនបើយើងបន្តនូវយុទ្ធនាការបច្ចុប្បន្នរបស់យើង នោះយើងកំពុងតែបង្កើតនូវដំណើរការនៃការបាត់បង់ផលប្រយោជន៍របស់យើង និងក៏ជាការត្រួសត្រាយផ្លូវឲ្យមានអំពើភេរវកម្មថ្ងៃ ១១កញ្ញា ជាលើកទី២ផងដែរ។
លោកហ្គ្រេមបាននិយាយថា «វាជាការចាំបាច់ដែលសភារៀបចំការសួរដេញដោលស្តីពីការសម្រេចចិត្តដកកងទ័ពនៅក្នុងប្រទេសស៊ីរី និងអាហ្វហ្គានីស្ថានដែលមានសក្តានុពល ដើម្បីយល់ពីផលប៉ះពាល់ទៅនឹងសន្តិសុខជាតិរបស់យើង»។
លោកបន្តថា «ជាពិសេសយើងត្រូវតែស្ដាប់ឮចេញពីមន្ទីរប៉ង់តាហ្គោនអំពីការកើនឡើងនៃក្រុមអាយស៊ីស និងជោគវាសនាក្រុមឃើដ ដែលជាសម្ព័ន្ធមិត្តរបស់យើងនៅក្នុងប្រទេសស៊ីរី»។ «ចំពោះស្ថានភាពនៃសម្ព័ន្ធមិត្តឃើដរបស់យើង រដ្ឋបាលមិនទាន់បានប្រាប់ប្រជាជនអាមេរិក អំពីអ្វីដែលកើតឡើងចំពោះជនជាតិឃឺដនោះទេ នៅពេលដែលយើងចាកចេញ ដែលក្រុមឃើដធ្លាប់បានជួយយើងយ៉ាងខ្លាំងប្រយុទ្ធប្រឆាំងជាមួយក្រុមភេរវករ»។
តាមពិត ការដកខ្លួនរបស់អាមេរិកពីប្រទេសស៊ីរី ធញវើឡើងបន្ទាប់ពីមានកិច្ចព្រមព្រៀងលក់អាវុធទៅឲ្យទួរគី។ ទួរគីចង់ទិញអាវុធពីអាមេរិក ក្នុងលក្ខណ្ឌឲ្យអាមេរិកដកទ័ពពីស៊ីរី ដើម្បីដោះដៃពីក្រុងមឃើដ ដែលបន្ទាប់ពីការដោះដៃហើយ ជាឱកាសដ៏ល្អមួយសម្រាប់ទួរគីក្នុងការសម្ល៉េះក្រុមឃើដ ព្រោះទួរគីគំក្រុមនេះយូរហើយ។ មួយវិញទៀត ការដកទ័ពចេញពីស៊ីរី អាចធ្វើឡើងដើម្បីជួយសម្រាលដល់ភាពតានតឹងរវាងអាមេរិក និងទួរគី៕
Home ព្រឹត្តិការណ៍ថ្មីៗ សមាជិកព្រឹទ្ធសភាអាមេរិកទាមទារឲ្យមានការសួរដេញដោលជាបន្ទាន់មួយ ស្តីពីគម្រោងដកទ័ពចេញពីប្រទេសស៊ីរី