សារព័ត៌មាន BBC បានចេញផ្សាយនៅថ្ងៃទី៥ ធ្នូនេះថា បន្ទាប់ពីកិច្ចប្រជុំ រដ្ឋមន្ត្រីការបរទេសអង្គការណាតូបានចេញសេចក្តីថ្លែងការណ៍មួយ ដែលគាំទ្រទៅលើការចោទប្រកាន់របស់សហរដ្ឋអាមេរិក ដែឡបានចោទប្រកាន់រុស្ស៊ីពីការរំលោភលើសន្ធិសញ្ញានុយក្លេអ៊ែរ។
សហរដ្ឋអាមេរិកបានគម្រាមដកខ្លួនចេញពីសន្ធិសញ្ញានេះ ដោយសារតែទង្វើរបស់រុស្ស៊ី។ ផ្ទុយពីការចោទប្រកាន់នេះ រុស្ស៊ីបានបដិសេធអំពីការរំលោភលើសន្ធិសញ្ញានុយក្លេអ៊ែរនេះ ដោយបាននិយាយខ្លួនគោរពតាមលក្ខណ្ឌរបស់ខ្លួនយ៉ាងតឹងរឹង។ កិច្ចព្រមព្រៀង ដែលអាមេរិកបាន និងរុស្ស៊ីបានធ្វើនេះ បានហាមប្រាមទៅលើគ្រាប់មីស៊ីលរយៈចម្ងាយមធ្យមចាប់ពី ៥០០ ដល់ ៥ ៥០០គីឡូមែត្រ។
សេចក្តីថ្លែងការណ៍ពីរដ្ឋមន្ត្រីការបរទេសអង្គការណាតូបាននិយាយយ៉ាងដូច្នេះថា «ក្រុមសម្ព័ន្ធមិត្តបានធ្វើសេចក្តីសន្និដ្ឋានថា រុស្ស៊ីបានអភិវឌ្ឍន៍ និងបានដាក់ពង្រាយប្រព័ន្ធមីស៊ីល 9M729 ដែលបានរំលោភលើសន្ធិសញ្ញានុយក្លេអ៊ែរ និងបង្កនូវហនិភ័យដ៏ខ្លាំងក្លាដលសន្តិសុខអ៊ឺរ៉ុបអាត្លង់ទិច»។
សេចក្តីថ្លែងការណ៍បន្តថា «យើងគាំទ្រយ៉ាងខ្លាំងដល់ការរកឃើញរបស់សហរដ្ឋអាមេរិកដែលថា រុស្ស៊ីកំពុងរំលោភបំពានលើកាតព្វកិច្ចរបស់ខ្លួន ក្រោមសន្ធិសញ្ញានុយក្លេអ៊ែរ»។ «យើងសូមអំពាវនាវឱ្យប្រទេសរុស្ស៊ី វិលត្រឡប់ជាបន្ទាន់ទៅរកការប្រតិបត្តិតាមពេញលេញ និងដែលអាចផ្ទៀងផ្ទាត់បាន»។ មីស៊ីលរយៈចម្ងាយមធ្យមថ្មី ដែលសហរដ្ឋអាមេរិក និងអង្គការណាតូបានចោទប្រកាន់ទៅលើរុស្ស៊ីថាបានដាក់ពង្រាយនេះ នឹងអាចធ្វើឲ្យរុស្ស៊ីចាប់ផ្តើមបើកការវាយប្រហារទៅលើបណ្តាប្រទេសដែលជាសមាជិករបស់អង្គការណាតូបាននៅក្នុងរយៈពេលដ៏ខ្លី។
ក្រុមអ្នកវិភាគនិយាយថា រុស្ស៊ីមើលឃើញអាវុធបែបនេះជាជម្រើសដែលមានតម្លៃថោកជាងកម្លាំងធម្មតា។ ទន្ទឹមនេះ លោករដ្ឋមន្ត្រីការបរទេសសហរដ្ឋអាមេរិក ម៉ាយខ៍ ផម់ភីអូ បានដាក់ឱសានវាទដល់រុស្ស៊ីក្នុងរយៈពេល ៦០ថ្ងៃ។ បើរុស្ស៊ីមិនព្រមប្រតិបត្តិតាមទេ អាមេរិកនឹងដកខ្លួនចេញពីសន្ធិសញ្ញានុយក្លេអ៊ែរ។
លោករដ្ឋមន្ត្រីបាននិយាយថា ក្នុងរយៈពេល ៦០ថ្ងៃនេះ យើងនឹងមិនធ្វើតេស្ត មិនផលិត ឬមិនដាក់ពង្រាយប្រព័ន្ធណាមួយទេ ហើយយើងនឹងឃើញមានអ្វីកើតឡើងក្នុងអំឡុងពេល ៦០ថ្ងៃនេះ»។ យើងបាននិយាយជាមួយរុស្ស៊ីលើកិច្ចព្រមព្រៀងនេះ ប៉ុន្តែមិនឃើញពីសញ្ញាណាមួយមកទល់ពេលនេះ ដែលបង្ហាញពីបំណងរបស់ពួកគេក្នុងការធ្វើបែបនេះ។
ដោយឡែក អ្នកនាំពាក្យក្រសួងការបរទេសរុស្ស៊ី លោកស្រី ម៉ារៀ ហ្សាខារ៉ូវ៉ា (Maria Zakharova) ត្រូវបានស្រង់សម្តីដោយទីភ្នាក់ងារសារព័ត៌មាន Interfax របស់រុស្ស៊ីថា «ភាគីរុស្ស៊ីគោរពយ៉ាងខ្ជាប់ខ្ជួនទៅតាមខសន្យានៃសន្ធិសញ្ញានុយក្លេអ៊ែរ ហើយអាមេរិកក៏បានដឹងអំពីរឿងនេះដែរ»៕
សេចក្តីថ្លែងការណ៍ពីរដ្ឋមន្ត្រីការបរទេសអង្គការណាតូបាននិយាយយ៉ាងដូច្នេះថា «ក្រុមសម្ព័ន្ធមិត្តបានធ្វើសេចក្តីសន្និដ្ឋានថា រុស្ស៊ីបានអភិវឌ្ឍន៍ និងបានដាក់ពង្រាយប្រព័ន្ធមីស៊ីល 9M729 ដែលបានរំលោភលើសន្ធិសញ្ញានុយក្លេអ៊ែរ និងបង្កនូវហនិភ័យដ៏ខ្លាំងក្លាដលសន្តិសុខអ៊ឺរ៉ុបអាត្លង់ទិច»។
សេចក្តីថ្លែងការណ៍បន្តថា «យើងគាំទ្រយ៉ាងខ្លាំងដល់ការរកឃើញរបស់សហរដ្ឋអាមេរិកដែលថា រុស្ស៊ីកំពុងរំលោភបំពានលើកាតព្វកិច្ចរបស់ខ្លួន ក្រោមសន្ធិសញ្ញានុយក្លេអ៊ែរ»។ «យើងសូមអំពាវនាវឱ្យប្រទេសរុស្ស៊ី វិលត្រឡប់ជាបន្ទាន់ទៅរកការប្រតិបត្តិតាមពេញលេញ និងដែលអាចផ្ទៀងផ្ទាត់បាន»។ មីស៊ីលរយៈចម្ងាយមធ្យមថ្មី ដែលសហរដ្ឋអាមេរិក និងអង្គការណាតូបានចោទប្រកាន់ទៅលើរុស្ស៊ីថាបានដាក់ពង្រាយនេះ នឹងអាចធ្វើឲ្យរុស្ស៊ីចាប់ផ្តើមបើកការវាយប្រហារទៅលើបណ្តាប្រទេសដែលជាសមាជិករបស់អង្គការណាតូបាននៅក្នុងរយៈពេលដ៏ខ្លី។
ក្រុមអ្នកវិភាគនិយាយថា រុស្ស៊ីមើលឃើញអាវុធបែបនេះជាជម្រើសដែលមានតម្លៃថោកជាងកម្លាំងធម្មតា។ ទន្ទឹមនេះ លោករដ្ឋមន្ត្រីការបរទេសសហរដ្ឋអាមេរិក ម៉ាយខ៍ ផម់ភីអូ បានដាក់ឱសានវាទដល់រុស្ស៊ីក្នុងរយៈពេល ៦០ថ្ងៃ។ បើរុស្ស៊ីមិនព្រមប្រតិបត្តិតាមទេ អាមេរិកនឹងដកខ្លួនចេញពីសន្ធិសញ្ញានុយក្លេអ៊ែរ។
លោករដ្ឋមន្ត្រីបាននិយាយថា ក្នុងរយៈពេល ៦០ថ្ងៃនេះ យើងនឹងមិនធ្វើតេស្ត មិនផលិត ឬមិនដាក់ពង្រាយប្រព័ន្ធណាមួយទេ ហើយយើងនឹងឃើញមានអ្វីកើតឡើងក្នុងអំឡុងពេល ៦០ថ្ងៃនេះ»។ យើងបាននិយាយជាមួយរុស្ស៊ីលើកិច្ចព្រមព្រៀងនេះ ប៉ុន្តែមិនឃើញពីសញ្ញាណាមួយមកទល់ពេលនេះ ដែលបង្ហាញពីបំណងរបស់ពួកគេក្នុងការធ្វើបែបនេះ។
ដោយឡែក អ្នកនាំពាក្យក្រសួងការបរទេសរុស្ស៊ី លោកស្រី ម៉ារៀ ហ្សាខារ៉ូវ៉ា (Maria Zakharova) ត្រូវបានស្រង់សម្តីដោយទីភ្នាក់ងារសារព័ត៌មាន Interfax របស់រុស្ស៊ីថា «ភាគីរុស្ស៊ីគោរពយ៉ាងខ្ជាប់ខ្ជួនទៅតាមខសន្យានៃសន្ធិសញ្ញានុយក្លេអ៊ែរ ហើយអាមេរិកក៏បានដឹងអំពីរឿងនេះដែរ»៕
