ចិន និងអាមេរិកត្រូវបានកំណត់ថានឹងចាត់វិធានការណ៍ប្រឆាំងនឹងគ្នាទៅវិញទៅមក ខណៈដែលភាពតានតឹងបានកើនឡើងកាន់តែខ្លាំងជុំវិញការធ្វើពាណិជ្ជកម្ម ការហ៊ែកតាមបណ្តាញអ៊ីនធឺណែត និងការធ្វើចារកម្មតាមបណ្តាញអ៊ីនធឺណែត ខណៈដែលមន្ត្រីពង្រឹងផ្លូវច្បាប់ជាន់ខ្ពស់អាមេរិកបានហៅទីក្រុងប៉េកាំងកាលពីថ្ងៃពុធថា គឺជាការគម្រាមកំហែងធ្ងន់ធ្ងរបំផុតចំពោះសន្តិសុខជាតិអាមេរិក។
វិធីសាស្ត្រចារកម្ម ដែលខុសពីទម្លាប់របស់ចិនរួមទាំងការប្រើជនបរទេសចិនសាមញ្ញ ជាជាងចារកម្មនៅតាមសាកលវិទ្យាល័យ ធុរកិច្ច និងការលួចកម្មសិទ្ធិបញ្ញា ត្រូវបានពន្យល់ដោយមន្ត្រីពី FBI និងក្រសួងយុត្តិធម៌ និងសន្តិសុខមាតុភូមិ ដែលបានប្រាប់សមាជិកសភាអាមេរិក។
លោក EW Priestap ជំនួយការរបស់ FBI បាននិយាយថា «ខណៈដែលសហរដ្ឋអាមេរិកធ្វើការឆ្លើយតបទៅនឹងការគម្រាមកំហែងនេះ យើងត្រូវតែលើកឡើងអំពីភាពផុយស្រួយនេះនៅក្នុងប្រព័ន្ធរបស់យើង ដែលកំពុងរក្សាតម្លៃរបស់យើង និងគោលការណ៍បើកចំហរ និងសេរីរបស់យើង ដែលបានធ្វើឲ្យយើងមានការរីកចម្រើន»។
លោក Priestap និងសហការីរបស់គាត់បានថ្លែងសុន្ទរកថាបន្ទាប់ពីលោក Mike Pompeo រដ្ឋមន្ត្រីការបរទេសសហរដ្ឋអាមេរិកបានបញ្ជាក់នៅក្នុងបទសម្ភាសន៍ជាមួយសារព័ត៌មាន Fox News ថា សហរដ្ឋអាមេរិកជឿជាក់ថាទីក្រុងប៉េកាំងនៅពីក្រោយនៃការវាយប្រហារតាមអ៊ីនធឺណែតដ៏ធំធេង នៅលើសណ្ឋាគារ Marriott។ កាសែត New York Times បានរាយការណ៍ថា ការវាយប្រហារនេះគឺជាផ្នែកមួយនៃប្រតិបត្តិការចិនទូដ៏លំទូលាយ ដែលមានគោលដៅទៅលើក្រុមហ៊ុនធានារ៉ាប់រងសុខភាព និងឯកសារបោសសំអាតសន្តិសុខរបស់ប្រជាជនអាមេរិករាប់លាននាក់។
ការបង្ហាញព័ត៌មានទាំងនោះបានកើតឡើងមួយថ្ងៃបន្ទាប់ពីលោកប្រធានាធិបតីដូ ណលត្រាំបានប្រាប់សារព័ត៌មានរ៉យទ័រថា លោកនឹងមានឆន្ទៈក្នុងការប្រើប្រាស់នូវនាយកប្រតិបត្តិក្រុមនេះនេះពីបទរំលោភទៅលើទណ្ឌកម្មអ៊ីរ៉ង់ ជាថ្នូរទៅនឹងការចរចាពាណិជ្ជកម្មជាមួយទីក្រុងប៉េកាំងដែលឥឡូវនេះស្ថិតក្នុងការជាប់គាំងរយៈពេល ៩០ថ្ងៃមកហើយ។
នាយកប្រតិបត្តិក្រុមហ៊ុនអាមេរិកកំពុងតែត្រៀមខ្លួនសម្រាប់ការសងសឹកបន្ថែមទៀតពីសំណាក់ចិន ដែលបានអំពាវនាវឲ្យមានការដោះលែងប្រធានហិរញ្ញវត្ថុក្រុមហ៊ុនហួវ៉េលោកស្រីម៉េងវ៉ាន់ហ្ស៊ូ បន្ទាប់ពីទីក្រុងប៉េកាំងបានចាប់ខ្លួនអតីតមន្ត្រីការទូតកាណាដាកាលពីថ្ងៃអង្គារ។ ចៅក្រមកាណាដាបានដោះលែងឲ្យលោកស្រីម៉េងស្ថិតក្រៅឃុំបណ្តោះអាសន្ន ដោយទាមទារនូវប្រាក់ធានា ៧,៥លានដុល្លារ ខណៈដែលលោកស្រីកំពុងរងចាំការធ្វើប័ត្យាបណ្ណទៅកាន់សហរដ្ឋអាមេរិក៕