ប្រធានាធិបតីទួរគី លោក Recep Tayyip Erdogan បាននិយាយកាលពីថ្ងៃអាទិត្យ ១៧ ធ្នូម្សិលមិញថា ទីក្រុងអានការ៉ាមានបំណងទិញយន្តហោះចម្បាំង F-35 របស់អាមេរិកចំនួន ១២០គ្រឿងដោយសារមានការរំពឹងទុកថា គម្រោងនៃការលក់យន្តហោះនេះមកឲ្យខ្លួនអាចនឹងត្រូវលុបចោល។
លោកប្រធានាធិបតីបាននិយាយនៅទីប្រមូលផ្តុំមួយ នៅក្នុងទីក្រុងអ៊ីស្តង់ប៊ុលថា «យើងនឹងទិញយន្តហោះចម្បាំង F-35 ចំនួន ១២០គ្រឿង ដែលផលិតឡើងដោយសហរដ្ឋអាមេរិក។ សមាសធាតុផ្សំមួយចំនួននៃយន្តហោះនេះ ក៏ផលិតឡើងនៅក្នុងប្រទេសទួរគីផងដែរ។
សេចក្តីថ្លែងការណ៍របស់លោកបានធ្វើឡើងបន្ទាប់ពីទីប្រឹក្សារបស់លោកប្រធានាធិបតី បានព្រមានកាលពីថ្ងៃអាទិត្យថា ទីក្រុងអានការ៉ាមានការសង្ស័យថា សហរដ្ឋអាមេរិកអាចនឹងលុចចោលការចែកចាយយន្តហោះនេះមកឲ្យខ្លួន ប្រសិនបើការទិញយន្តហោះនោះធ្វើឡើងក្រោយការទិញប្រព័ន្ធមីស៊ីល S-400 របស់រុស្ស៊ី។
មុននេះ ក្រុមមន្ត្រីសហរដ្ឋអាមេរិកបានពញរមានថា ប្រសិនបើទីក្រុងអានការ៉ានៅតែបន្តគម្រោងទិញប្រព័ន្ធមីស៊ីល S-400 ទៀត សហរដ្ឋអាមេរិកអាចលុបចោលនូវយន្តហោះចម្បាំង F-35 ទៅឲ្យប្រទេសទួរគី។ បន្ថែមលើសនេះ សភាអាមេរិកបានអនុម័តនូវច្បាប់ដែលនឹងរាំងខ្ទប់នូវការចែកចាយយន្តហោះចម្បាំង។ សូមរំឭកថា យន្តហោះចម្បាំង F-35 ពីរគ្រឿងដំបូងរបស់សហរដ្ឋអាមេរិក ត្រូវបានបញ្ជូនទៅកាន់ប្រទេសតួកគីនៅរោងចក្រម៉ៅការរបស់ក្រុមហ៊ុន Lockheed Martin នៅទីក្រុង Fort Worth រដ្ឋ Texas កាលពីខែមិថុនា។ យោងតាមរដ្ឋមន្ត្រីការពារជាតិទួរគី Hulusi Akar សហរដ្ឋអាមេរិកនឹងប្រគល់យន្តហោះ F-35 ចំនួនពីរគ្រឿងបន្ថែមទៀត នៅខែមីនាឆ្នាំ ២០១៩។ ការទិញនេះត្រូវបានធ្វើឡើងក្រោមកម្មវិធីអភិវឌ្ឍន៍ F-35 ពហុជាតិដែលឧបត្ថម្ភដោយសហរដ្ឋអាមេរិក ដែលទីក្រុងអានការ៉ាបានចូលរួមកាលឆ្នាំ ២០០២៕
Home ព្រឹត្តិការណ៍ថ្មីៗ ទួរគីនឹងទិញយន្តហោះចម្បាំង F-35 ១២០គ្រឿងពីអាមេរិកឲ្យបានមុនប្រព័ន្ធមីស៊ីល S-400 ពីរុស្ស៊ី ព្រោះខ្លាចអាមេរិកលុបគម្រោងលក់នេះចោល