ករណីគ្រោះអគ្គីភ័យឆេះ អគារកាស៊ីណូកម្ពស់ ១៨ ជាន់របស់លោកឧកញ៉ា កុក អាន ដែលបណ្ដាលមកពីឆ្លងចរន្តអគ្គិសនីជណ្តើរយន្ត នៅជាន់ទី ៤ នៃអគារកាលពីវេលាម៉ោង ៩ និង ៣៥ នាទីយប់ថ្ងៃទី ៧ ខែ មករា ឆ្នាំ ២០១៩ រហូតដល់ម៉ោង ២ រំលងអាធ្រាត្រ ឈានចូលថ្ងៃទី ៨ ខែមករា ឆ្នាំ ២០១៩ ទើប រលត់ទាំងស្រុងនោះ មិនបណ្ដាលឱ្យមានមនុស្សស្លាប់នោះទេ គ្រាន់តែមានអ្នករងរបួសចំនួន ៦ នាក់គឺ ជនជាតិខ្មែរ ៥ នាក់ និង ជនជាតិចិនម្នាក់ ព្រមទាំងខូចខាតសំភារៈមួយចំនួន ។ បើតាមលោក អាត់ ខែម ស្នងការនគរបាលខេត្តបន្ទាយមានជ័យ កាលពីម្សិលមិញ។
លោក អាត់ ខែម បានបញ្ជាក់ថា ករណីអគ្គិភ័យឆេះអគារកាស៊ីណូរបស់លោកឧកញ៉ា កុក អាន ដែលមានទីតាំងខាងលើនេះបណ្តាលឲ្យមនុស្ស ៦ នាក់រងរបួស ក្នុងនោះមានជនជាតិខ្មែរ ៥ នាក់ និងជនជាតិចិនម្នាក់ហើយក៏មានការខូចខាតសម្ភារមួយចំនួនផងដែរ។
បើតាមលោក អាត់ ខែម អគ្គិភ័យនេះបានចាប់ផ្តើមឆេះនៅម៉ោង ៩ និង ៣៥ នាទីយប់ បណ្តាលមកពីឆ្លងចរន្តអគ្គិសនីជណ្តើរយោងនៅជាន់ទី ៤ នៃអគារកាស៊ីណូនេះ។
លោកថា៖ «ជនរងគ្រោះទាំង ៦ នាក់ ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកដីថ្មី តែមិនបណ្តាលឲ្យគ្រោះថ្នាក់ដល់អាយុជីវិតទេ គ្រាន់តែថប់ដង្ហើមដោយសារត្រូវផ្សែងភ្លើង និងខូចខាតសម្ភារមួយចំនួន»។
យ៉ាងណាក្ដី លោក អាត់ ខែម បានបញ្ជាក់ថា អគ្គិភ័យនេះត្រូវបានសមត្ថកិច្ចពន្លត់បានទាំងស្រុងនៅម៉ោង ២ រំលងអាធ្រាត្រឈានចូលថ្ងៃទី ៨ ខែមករាដោយបានប្រើរថយន្តពន្លត់អគ្គិភ័យ ១០ គ្រឿង ក្នុងនោះមានរថយន្តរបស់ស្នងការដ្ឋាននគរបាល ៧ គ្រឿង និងរថយន្តរបស់កាស៊ីណូ ៣ គ្រឿង។
Home ព្រឹត្តិការណ៍ថ្មីៗ ស្នងការនគរបាលខេត្តបន្ទាយមានជ័យ ចេញរបាយការណ៍ជុំវិញករណីគ្រោះអគ្គីភ័យឆេះ អគារកាស៊ីណូកម្ពស់ ១៨ ខេត្តបន្ទាយមានជ័យ