សារព័ត៌មាន BBC នៅថ្ងៃទី២២ មករានេះ កងកម្លាំងការពារជាតិអ៊ីស្រាអែលបាននិយាយថា ប្រតិបត្តិការរបស់ខ្លួនគឺប្រឆាំងទៅនឹងកងកម្លាំង Quts របស់អ៊ីរ៉ង់ ដែលជាអង្គភាពមួយនៃកងកម្លាំងឆ្មាំបដិវត្តន៍អ៊ីរ៉ង់។
មិនមានការបង្ហាញឲ្យបានក្បោះក្បាយអំពីការវាយប្រាហរនោះទេ ប៉ុន្តែមានរបាយការណ៍ជាច្រើនបាននិយាយអំពីការវាយប្រហារនៅជុំវិញទីក្រុងដាម៉ាស់កាលពីថ្ងៃចន្ទ។ ប្រព័ន្ធផ្សព្វផ្សាយស៊ីរីបាននិយាយថា កងកម្លាំងរបស់ខ្លួនបានវាយខ្ទប់ទៅនឹងការវាយប្រហារតាមផ្លូវអាកាស។ កាលពីថ្ងៃអាទិត្យ កងកម្លាំងការពារជាតិអ៊ីស្រាអែលបាននិយាយថា ខ្លួនបានបាញ់ស្ទាក់គ្រាប់រ៉ុក្កែតនៅពីលើតំបន់ហ្កូឡានហាយ។
ប្រព័ន្ធផ្សព្វផ្សាយអ៊ីស្រាអែល Times of Israel បាននិយាយថា អ៊ីស្រាអែលបានបាញ់ស្ទាក់គ្រាប់មីស៊ីលមួយគ្រាប់ ដែលបាញ់ចេញពីទឹកដីស៊ីរី ឆ្ពោះមកទឹកដីរបស់ខ្លួន។
អង្គការឃ្លាំងមើលសិទ្ធមនុស្សប្រចាំប្រទេសស៊ីរីបាននិយាយថា គ្រាប់រ៉ុក្កែតអ៊ីស្រាអែលបានវាយប្រហារទៅលើតំបន់នៃទីក្រុងដាម៉ាស់។ ប្រតិបត្តិការនៃការវាយប្រហារតាមផ្លូវអាកាសរបស់អ៊ីស្រាអែលនេះ បានធ្វើឡើងក្រោយការព្រមានរបស់នាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ ដែលបាននិយាយថា គ្រាប់រ៉ុក្កែតមួយគ្រាប់ត្រូវបានបាញ់ទៅលើភាគខាងជើងនៃតំបន់ហ្កូឡាន និងត្រូវបានស្ទាក់ចាប់ដោយប្រព័ន្ធការពារដែនអាកាសអ៊ីស្រាអែល អាយអិនដូម។
លោកនាយករដ្ឋមន្ត្រីអ៊ីស្រាអែលបានចេញសេចក្តីព្រមាន ដោយបាននិយាយថា «យើងបានបង្កើតគោលនយោបាយ ដើម្បីវាយប្រហារទីលើលេនដ្ឋានអ៊ីរ៉ង់ នៅក្នុងទឹកដីស៊ីរី និងបំផ្លាញអ្នកណាដែលបំផ្លាញយើង»។
កាលពីឆ្នាំ ២០១៨ របាយការណ៍សរុបរបស់អ៊ីស្រាអែលបាននិយាយថា ខ្លួនបានបើកការវាយប្រហារទៅលើកងទ័ពអ៊ីរ៉ង់នៅក្នុងប្រទេសស៊ីរីរាប់រយដង។ អ៊ីស្រាអែលប្តេជ្ញាបន្តបើកការវាយប្រហារទៅលើស៊ីរីបន្តទៀត ដោយបានចោទថា កងទ័ពអ៊ីរ៉ង់កំពុងផ្តល់ការគាំទ្រដល់ក្រុមហេសប៊ុលឡា ដើម្បីប្រឆាំងនឹងខ្លួន៕
ជាថ្មីម្តងទៀត! អ៊ីស្រាអែលបើកការវាយប្រហារទៅលើមូលដ្ឋានទ័ពអ៊ីរ៉ង់នៅក្នុងប្រទេសស៊ីរី
សារព័ត៌មាន BBC នៅថ្ងៃទី២២ មករានេះ កងកម្លាំងការពារជាតិអ៊ីស្រាអែលបាននិយាយថា ប្រតិបត្តិការរបស់ខ្លួនគឺប្រឆាំងទៅនឹងកងកម្លាំង Quts របស់អ៊ីរ៉ង់ ដែលជាអង្គភាពមួយនៃកងកម្លាំងឆ្មាំបដិវត្តន៍អ៊ីរ៉ង់។
មិនមានការបង្ហាញឲ្យបានក្បោះក្បាយអំពីការវាយប្រាហរនោះទេ ប៉ុន្តែមានរបាយការណ៍ជាច្រើនបាននិយាយអំពីការវាយប្រហារនៅជុំវិញទីក្រុងដាម៉ាស់កាលពីថ្ងៃចន្ទ។ ប្រព័ន្ធផ្សព្វផ្សាយស៊ីរីបាននិយាយថា កងកម្លាំងរបស់ខ្លួនបានវាយខ្ទប់ទៅនឹងការវាយប្រហារតាមផ្លូវអាកាស។ កាលពីថ្ងៃអាទិត្យ កងកម្លាំងការពារជាតិអ៊ីស្រាអែលបាននិយាយថា ខ្លួនបានបាញ់ស្ទាក់គ្រាប់រ៉ុក្កែតនៅពីលើតំបន់ហ្កូឡានហាយ។
ប្រព័ន្ធផ្សព្វផ្សាយអ៊ីស្រាអែល Times of Israel បាននិយាយថា អ៊ីស្រាអែលបានបាញ់ស្ទាក់គ្រាប់មីស៊ីលមួយគ្រាប់ ដែលបាញ់ចេញពីទឹកដីស៊ីរី ឆ្ពោះមកទឹកដីរបស់ខ្លួន។
អង្គការឃ្លាំងមើលសិទ្ធមនុស្សប្រចាំប្រទេសស៊ីរីបាននិយាយថា គ្រាប់រ៉ុក្កែតអ៊ីស្រាអែលបានវាយប្រហារទៅលើតំបន់នៃទីក្រុងដាម៉ាស់។ ប្រតិបត្តិការនៃការវាយប្រហារតាមផ្លូវអាកាសរបស់អ៊ីស្រាអែលនេះ បានធ្វើឡើងក្រោយការព្រមានរបស់នាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ ដែលបាននិយាយថា គ្រាប់រ៉ុក្កែតមួយគ្រាប់ត្រូវបានបាញ់ទៅលើភាគខាងជើងនៃតំបន់ហ្កូឡាន និងត្រូវបានស្ទាក់ចាប់ដោយប្រព័ន្ធការពារដែនអាកាសអ៊ីស្រាអែល អាយអិនដូម។
លោកនាយករដ្ឋមន្ត្រីអ៊ីស្រាអែលបានចេញសេចក្តីព្រមាន ដោយបាននិយាយថា «យើងបានបង្កើតគោលនយោបាយ ដើម្បីវាយប្រហារទីលើលេនដ្ឋានអ៊ីរ៉ង់ នៅក្នុងទឹកដីស៊ីរី និងបំផ្លាញអ្នកណាដែលបំផ្លាញយើង»។
កាលពីឆ្នាំ ២០១៨ របាយការណ៍សរុបរបស់អ៊ីស្រាអែលបាននិយាយថា ខ្លួនបានបើកការវាយប្រហារទៅលើកងទ័ពអ៊ីរ៉ង់នៅក្នុងប្រទេសស៊ីរីរាប់រយដង។ អ៊ីស្រាអែលប្តេជ្ញាបន្តបើកការវាយប្រហារទៅលើស៊ីរីបន្តទៀត ដោយបានចោទថា កងទ័ពអ៊ីរ៉ង់កំពុងផ្តល់ការគាំទ្រដល់ក្រុមហេសប៊ុលឡា ដើម្បីប្រឆាំងនឹងខ្លួន៕
