យោងតាមការចុះផ្សាយដោយសារព័ត៌មាន CNN នៅថ្ងៃទី២៣ មករានេះ អ្នកនាង ហ្គីហ្គីវូ (Gigi Wu) ត្រូវបានរកឃើញថាបានស្លាប់ បន្ទាប់ពីនាងបានធ្លាក់ចូលទៅក្នុងជ្រលងភ្នំមួយ ដែលកម្ពស់ ៣០ម៉ែត្រ។ នេះបើតាមប្រព័ន្ធផ្សព្វផ្សាយរដ្ឋប្រចាំនៅលើកោះ។
នាងវូ ដែលមានអាយុ ៣៦ឆ្នាំ បានធ្លាក់ពីលើភ្នំតៃវ៉ាន់ជូផេនកាលពីថ្ងៃសៅរ៍ ហើយត្រូវបានរកឃើញនៅថ្ងៃចន្ទ។ ប្រធានគ្រប់គ្រងស្ថានីយ៍អគ្គិភ័យរដ្ឋាភិបាលប្រចាំតំបន់ណាន់ទូ លោក Chang Ching-Piao បានប្រាប់សារព័ត៌មាន CNN ថា អ្នកនាងវូបានហៅទូរសព្ទទៅមិត្តភក្តិម្នាក់ដើម្បីសុំជំនួយ បន្ទាប់ពីនាងបានធ្លាក់ពីលើភ្នំ ប៉ុន្តែមិនអាចធ្វើចលនាបានទេ ដោយសារតែនាងមានរបួស។
ក្រុមអ្នកសង្គ្រោះមកពីនាយកដ្ឋានអគ្គិភ័យបានចាប់ផ្តើមស្វែងរកនាង នៅព្រឹកបន្ទាប់។ ឧទ្ធម្ភាចក្រមួយគ្រឿងត្រូវបានដាក់ពង្រាយនៅក្នុងប្រតិបត្តិការស្វែងរកនេះ ប៉ុន្តែមិនអាចចុះចតនៅលើទីកន្លែងដែលនាងបានធ្លាក់នោះទេ។ សាកសពរបស់នាងត្រូវបានរកឃើញនៅកណ្តាលថ្ងៃត្រង់កាលពីថ្ងៃចន្ទ។
អ្វីដែលគួរឲ្យកត់សម្គាល់ នាងវូ ទទួលបាននូវភាពល្បីល្បាញយ៉ាងខ្លាំងនៅលើបណ្តាញសង្គមតាមរយៈការបង្ហោះរូបថតប៊ីគីនីនៅលើកំពូលភ្នំ នៅពេលណាដែលនាងឡើងដល់កំពូលភ្នំ។ ៤ឆ្នាំកន្លងទៅនេះ នាងឡើងភ្នំបាន ១០០ដង ហើយបានស្លៀកសម្លៀកបំពាក់ប៊ីគីនី ៩៧ដង។ មនុស្សជាច្រើនបានបង្ហាញក្តីសោកស្តាយចំពោះអ្នកឡើងភ្នំប៊ីគីនីដ៏ស្រស់ស្អាតនេះ៕
Home ព្រឹត្តិការណ៍ថ្មីៗ តារាសិចស៊ីប៊ីគីនីលើភ្នំទឹកកក ធ្លាក់មកទល់ផ្អកស្លាប់គួរឲ្យសង្វែក