(ទីក្រុងឡុងដ៍)៖ អ្នកឃ្លាំមើលសិទ្ធិមនុស្សនៅក្នុងប្រទេសស៊ីរី ដែលមានមូលដ្ឋាននៅទីក្រុងឡុងដ៍បាននិយាយកាលពីថ្ងៃអង្គារថា មានមនុស្ស ២១នាក់បានបាត់បង់អាយុជីវិតនៅក្នុងការវាយប្រហារតាមផ្លូវអាកាសរបស់អ៊ីស្រាអែល ក្នុងនោះមាន ១២នាក់ជាសមាជិកនៃកងកម្លាំងឆ្មាំបដិវត្តន៍អ៊ីរ៉ង់។ នេះបើតាមសារព័ត៌មាន The Times of Israel ដែលចេញផ្សាយនៅថ្ងៃទី២៣ មករានេះ។
កាលពីថ្ងៃអាទិត្យ អ៊ីស្រាអែលត្រូវបានគេរាយការណ៍ថា បានបើកការវាយប្រហារដោយបាញ់គ្រាប់មីស៊ីលទៅលើមូលដ្ឋានយោធាអ៊ីរ៉ង់នៅក្នុងទឹកដីស៊ីរី។ ជាការឆ្លើយតប អ៊ីរ៉ង់បានបាញ់គ្រាប់មីស៊ីលមួយគ្រាប់ទៅលើភាគខាងជើងតំបន់ហ្កូឡានហាយ ប៉ុន្តែត្រូវបាញ់ស្ទាក់ដោយប្រព័ន្ធការពារមីស៊ីលអាយអិនដូមអ៊ីស្រាអែលនៅពីលើតំបន់ស្គីហឺម៉ូន។ នេះបើតាមក្រសួងការពារជាតិអ៊ីស្រាអែល ដែលបានប្រកាស។
ប៉ុន្មានម៉ោងតែប៉ុណ្ណោះ កងទ័ពអាកាសអ៊ីស្រាអែលបានចាប់ផ្តើមបើកការវាយប្រហារសងសឹកអ៊ីរ៉ង់វិញ ដោយបើកការវាយប្រហារទៅលើគោលដៅអ៊ីរ៉ង់នៅជិតទីក្រុងដាម៉ាស់ និងបានវាយទៅលើប្រព័ន្ធការពារមីស៊ីលរបស់ស៊ីរីថែមទៀតផង។
កាលពីខែកក្កដា មានមនុស្ស ២២នាក់ត្រូវបានសម្លាប់ដោយការវាយប្រហាររបស់អ៊ីស្រាអែល ក្នុងនោះ ៩នាក់គឺជាទាហានអ៊ីរ៉ង់។ នៅខែឧសភាឆ្នាំមុន។
ភាពតានតឹងរវាងអ៊ីរ៉ង់ និងអ៊ីស្រាអែលបានឡើងកម្តៅខ្លាំងចាប់តាំងពីការដកខ្លួនចេញពីកិច្ចព្រមព្រៀងនុយក្លេអ៊ែររបស់លោកត្រាំ។ ការដកខ្លួនចេញពីកិច្ចព្រមព្រៀងនេះ បានធ្វើឡើងបន្ទាប់ពីនាយករដ្ឋមន្ត្រីអ៊ីស្រាអែលបេនចាមីន នេតាន់យ៉ាហ៊ូបានបរិយាយអំពីការភូតកុហកអំពីការផលិតនុយក្លេអ៊ែររបស់អ៊ីរ៉ង់។
មកទល់របត់នយោបាយដ៏ក្តៅនាពេលនេះ បន្ទាប់ពីអ៊ីស្រាអែលបានបើកការវាយសម្លាប់ទាហានអ៊ីរ៉ង់ អ៊ីរ៉ង់បានគម្រាមវាយកម្ទេចប្រទេសអ៊ីស្រាអែលឲ្យបាត់ពីផែនដីនេះតែម្តង៕
Home ព្រឹត្តិការណ៍ថ្មីៗ អ្នកឃ្លាំមើលនិយាយថា មនុស្ស ២១នាក់បានស្លាប់ដោយសារការវាយប្រហារនៅប្រទេសស៊ីរីកាលពីថ្ងៃចន្ទ ១២នាក់គឺជាអ្នកប្រយុទ្ធអ៊ីរ៉ង់