ទីភ្នាក់ងារអវកាសអ៊ឺរ៉ុបគ្រោងនឹងចាប់ផ្តើមជីកយកទឹក និងឧបស៊ីសែននៅលើឋានព្រះចន្ទនៅត្រឹមឆ្នាំ ២០២៥។
ទីភ្នាក់ងារនេះបានប្រកាសកាលពីថ្ងៃចន្ទថា ខ្លួនបានចុះហត្ថលេខាលើកុងត្រាមួយឆ្នាំជាមួយក្រុមហ៊ុនអវកាស អ៊ឺរ៉ុប ArianeGroup ដើម្បីរុករកស្រទាប់ដីជ្រាយ ឬហៅថា ធូលីនៅលើព្រះចន្ទ។
ទឹក និងឧកស៊ីសែនអាចត្រូវបានចម្រាញ់ពីដីជ្រាយ ដែលមានភាពងាយស្រួលសម្រាប់មនុស្សចំណាយពេលនៅលើភពព្រះចន្ទនាពេលអនាគត។ ក្រុមហ៊ុនអវកាសបានឱ្យដឹងថា ការស្រាវជ្រាវនេះក៏អាចធ្វើឱ្យវមានលទ្ធភាពអាចផលិតប្រេងរ៉ុក្កែត នៅលើឋានព្រះចន្ទ ភ្ជាប់ដំណើរកម្សាន្តនាពេលអនាគត ដើម្បីបន្តទៅកាន់ទីអវកាស។ លោក David Parker នាយកទីភ្នាក់ងារអវកាសអ៊ឺរ៉ុប និងអង្គការស្រាវជ្រាវមនុស្ស និងរ៉ូបូត បាននិយាយនៅក្នុងសេចក្តីថ្លែងការណ៍មួយថា «ការប្រើធនធានអវកាសអាចជាគន្លឹះនៃការរុករកនៅលើភពព្រះចន្ទប្រកបដោយចីរភាព»។
Regolith គឺជាស្រទាប់នៃដីធូគ្របដណ្តប់លើផ្ទៃព្រះចន្ទដែលសម្បូរដោយដែកអុកស៊ីត។ អ្នកវិទ្យាសាស្ដ្រនិយាយថា វាអាចស្រូបយកបរិមាណអុកស៊ីសែនដ៏ច្រើន ដែលជាប់នៅលើវត្ថុធាតុថ្ម។ លោក Parker បាននិយាយថា «ការសិក្សានេះគឺជាផ្នែកមួយនៃផែនការដ៏ទូលំទូលាយរបស់ភ្នាក់ងារអវកាសអ៊ឺរ៉ុប ដើម្បីធ្វើឱ្យអឺរ៉ុបជាដៃគូនៅក្នុងការស្រាវជ្រាវសកលនៅក្នុងទសវត្សរ៍ខាងមុខ»។
បេសកកម្មនេះនឹងជាការសហការគ្នារវាងអ្នកវិទ្យាសាស្ត្រអវកាស និងអ្នកបច្ចេកទេស នៅប្រទេសបារាំងអាល្លឺម៉ង់និងបែលហ្ស៊ិក។ គម្រោងនេះគឺឥឡូវនេះនៅក្នុងដំណាក់កាលស្រាវជ្រាវ ដោយក្រុមអ្នកវិទ្យាសាស្ត្រសង្ឃឹមថានឹងប្រើរ៉ុកកែត Ariane 64 ក្នុងពេលប៉ុន្មានឆ្នាំខាងមុខ ដើម្បីបញ្ជូនឧបករណ៍ជីកយករ៉ែទៅភពព្រះចន្ទ៕
Home ព្រឹត្តិការណ៍ថ្មីៗ ទីភ្នាក់ងារអវកាសអ៊ឺរ៉ុបគ្រោងនឹងចាប់ផ្តើមជីកយកធនធានធម្មជាតិនៅលើភពព្រះចន្ទ