(ទីក្រុងតេរ៉ង់)៖ សារព័ត៌មាន News News បានចេញផ្សាយនៅថ្ងៃទី២ កុម្ភៈ ២០១៩នេះថា មន្ត្រីយោធាកំពូលអ៊ីរ៉ង់មួយរូបបានគម្រាមបើកការវាយប្រហារទ្រង់ទ្រាយធំប្រឆាំងទៅនឹងប្រទេសអ៊ីស្រាអែល ប្រសិនបើប្រទេសនេះនៅបន្តបើកការវាយប្រហារទៅលើប្រទេសស៊ីរីបន្តទៀត។
ការគម្រាមបើកការវាយប្រហារទៅលើអ៊ីស្រាអែល ដែលហ៊ានបន្តបើកការវាយប្រហារនៅក្នុងប្រទេសស៊ីរីបែបនេះ បានធ្វើឡើងក្រោយអ៊ីស្រាអែលបានបើកការវាយប្រហារតាមផ្លូវអាកាសទៅលើមូលដ្ឋានកងទ័ពរបស់ខ្លួន នៅក្នុងប្រទេសស៊ីរីកាលពីពេលថ្មីៗនេះ ដែលបណ្តាលឲ្យកងទ័ពរបស់ខ្លួន ១២នាក់បាត់បង់អាយុជីវិត។ អ្នកនាំឃ្លាំមើលសិទ្ធមនុស្សប្រចាំប្រទេសស៊ីរី ដែលមានមូលដ្ឋាននៅក្នុងទីក្រុងឡុងបាននិយាយថា មានមនុស្ស ២១នាក់បានស្លាប់ដោយការវាយប្រហាររបស់អ៊ីស្រាអែល ក្នុងនោះកងទ័ពអ៊ីរ៉ង់ ១២នាក់។
លោកឧត្តមសេនីយ៍ទោ Hossein Salami មេបញ្ជាការរងនៃកងឆ្មាំបដិវត្តន៍វរជនអ៊ីរ៉ង់បានប្រាប់សន្និសីទមួយនៅទីក្រុង Mashhad ថាប្រតិបត្តិការរបស់អ៊ីស្រាអែលគឺឆ្លើយតបនឹង«ការភ័យខ្លាចផ្លូវចិត្ត»របស់ពួកសកម្មប្រយុទ្ធឥស្លាមនិកាយស៊ីអ៊ីត ដែលត្រូវបានកេណ្ឌមកពីគ្រប់ទិសទីក្នុងការគាំទ្រប្រទេសស៊ីរី។
លោកបាននិយាយដោយបានសម្តៅទៅលើប្រតិបត្តិការមួយ ដែលបានរុញច្រានចូលឈ្លានពានអ៊ីរ៉ាក់ប្រកបដោយជោគជ័យ នាឆ្នាំ ១៩៨២ថា «យើងប្រាប់ពួកគេកុំឲ្យលេងជាមួយភ្លើង ពីព្រោះពួកគេមិនអាចសូម្បីតែប្រៀបជាមួយប្រតិបត្តិការ Beit ol-Moqaddas ឡើយ»។ លោកបន្តថា «ពួកគេនឹងត្រូវវាយកម្ទេចការថ្ងួចថ្ងូរពីអាមេរិក ហើយពួកគេនឹងគ្មានកន្លែងកប់សាកសពនោះទេ។
លោកបានបន្ថែមថាការ ការយល់ឃើញណាមួយដែលថា ពួកគេបានចាប់ផ្តើមសង្គ្រាមបែបនេះ នឹងមានភាពខុសគ្នានៅចុងបញ្ចប់ ហើយការឈ្លានពានមានកម្រិតនឹងមិននាំទៅរកសង្គ្រាម ដែលមានកម្រិតនោះទេ»។
ប៉ុន្មានថ្ងៃមុននេះ នាយកទីភ្នាក់ងារសើមបការណ៍សម្ងាត់អាមេរិក លោក Dans Coat បានព្រមានថា ការវាយប្រហាររបស់អ៊ីស្រាអែលទៅលើកងទ័ពគាំទ្រអ៊ីរ៉ង់នៅក្នុងប្រទេសស៊ីរី គឺជាការបង្កើនលទ្ធភាពនៃការផ្ទុះសង្គ្រាមរវាងប្រទេសទាំងពីរ។
ភាពតានតឹងរវាងអ៊ីស្រាអែល និងអ៊ីរ៉ង់បានឡើងកម្តៅកាន់តែខ្លាំង ក្រោយអ៊ីស្រាអែលបើកការវាយប្រហារទៅលើមូលដ្ឋានកងទ័ពអ៊ីរ៉ង់ នៅក្នុងទឹកដីស៊ីរី។ អ៊ីស្រាអែលវាយប្រហារទៅលើកងទ័ពទាំងនេះដោយសារតែអ៊ីស្រាអែលមើលឃើញថា អ៊ីរ៉ង់កំពុងទំនុកបម្រុងដល់ក្រុមភេរវករ និងក្រុមហេសប៊ុលឡា ដែលមាននិន្នាការប្រឆាំងមកលើខ្លួន។
នេះមិនមែនជាលើកទីមួយនោះទេ ដែលអ៊ីស្រាអែលបើកការវាយប្រហារទៅអ៊ីរ៉ង់នៅក្នុងទឹកដីស៊ីរី។ កាលពីឆ្នាំមុន អ៊ីស្រាអែលបើកការវាយប្រហារទ្រង់ទ្រាយធំម្តងហើយ ដែលកាលនោះអ៊ីរ៉ង់បានផ្គុំគ្រាប់រ៉ុក្កែក និងបាញ់ទៅលើតំបន់ហ្កូឡាជាង ៤០គ្រាប់។ ជាការឆ្លើយតប អ៊ីស្រាអែលផ្គុំយន្តហោះចម្បាំង និងត្រៀមខ្សែប្រយុទ្ធរាប់ម៉ឺននាក់នៅតំបន់ហ្កូឡាន ដើម្បីប្រកាសសង្គ្រាមជាមួយអ៊ីរ៉ង់៕
Home ព្រឹត្តិការណ៍ថ្មីៗ អ៊ីរ៉ង់គម្រាមថា អ៊ីស្រាអែលនឹងកម្ទេចគ្មានដីកប់ ប្រសិនបើហ៊ានបើកការវាយប្រហារទៅលើស៊ីរីម្តងទៀត