ចិន កំពុងបង្កើតកាំរស្មីឡាស៊ែរមេហ្គា ដែលមានថាមពលខ្លាំងខ្លាបំផុត មានសមត្ថភាពអាចហែកអវកាសជា២បានយ៉ាងពិតប្រាកដ។
ក្រុមរូបវិទូនៅក្នុងទីក្រុងសៀងហៃ កំពុងបង្កើតនូវអ្វីដែលពួកគេបានចាត់ទុថាជាពន្លឺ'Station of Extreme Light' ដែលនឹងអាចប្រតិបត្តិការយូរបំផុតនៅឆ្នាំ២០២៣ខាងមុខនេះ។
គោលដៅចុងបញ្ចប់នេះ គឺបង្កើតកាំរស្មីឡាស៊ែរដ៏ខ្លាំងក្លាបំផុត ដែលវាអាចផលិតបានកម្លាំងឡាស៊ែរ១០០ប៉េតាវ៉ាត់ ដែលស្មើនឹង១០០លានពាន់លានវ៉ាត់។
សម្រាប់កម្លាំងមួយនេះ គឺស្មើនឹង១ម៉ឺនដឹងនៃកម្លាំងចរន្តអគ្គិសនីបញ្ចូលគ្នាទាំងអស់នៅលើពិភពលោក។
កម្លាំងដ៏ខ្លាំងក្លាមិននឹកស្មានដល់នេះដែរ អាចតម្រង់គោលដៅច្បាស់លាស់បំផុត ចំចំណុចគោលដែលមានរង្វាស់ត្រឹម៣មីក្រូម៉ែត្រប៉ុណ្ណោះ ដែលស្មើនឹង២.០០០ដងតួចជាងកម្រាស់ខ្មៅដៃធម្មតាទៅទៀត។
នេះមានន័យថា ក្រុមអ្នកស្រាវជ្រាវចិន អាចសម្រេចបានអាំងតង់ស៊ីតេកាំរស្មីឡាស៊ែរ១០ទ្រីលាន ទ្រីលាន ដងខ្លាំងជាងពន្លឺព្រះអាទិត្យ ដែលចាំងមកលើផែនដីទៅទៀត។
យោងតាមសេចក្តីរាយការណ៍ពីកាសែត Science បានឲ្យដឹងថា កាំរស្មីឡាស៊ែរនេះ នឹងមានថាមពលពិតប្រាកដ ដែលអាចហែលអវកាសទាំងមូលជា២ចំណែកបាន៕
