…ប្រសិនបើអ្វីជាការអៈអាងថាប្រាក់មួយចំនួនដែលបានយកចេញពីទូដែករបស់សាខាកាកបាទក្រហមខេត្តតាកែវទៅចងការប្រាក់ដើម្បីបង្កើនថវិការបន្ថែមក្នុងសាខានោះ…ពុំមែនជារឿងត្រូវស្តីបន្ទោសឬ ក៏ចេះតែកើតមាននូវអារម្មណ៍សង្ស័យថាអញ្ចេះឬក៏អញ្ចុះនោះឡើយ។
ផ្ទុយទៅវិញត្រូវតែពោលសរសើរពីគំនិតឆ្លាតវៃយកប្រាក់បង្កើនដើមទុនដល់សាខាដែលសាខាឯទៀតនៅតាមបណ្តាខេត្តក្រុងទាំងអស់យកជាគំរូ។ យោងតាមផេកព័ត៌មាន KBN បានផ្សាយថា ថ្មីៗនេះ លោក យឹម ច័ន្ធថន នាយកប្រតិបត្តិសាខាកាកបាទក្រហមខេត្តតាកែវ ត្រូវបានបែកធ្លាយរឿងយក លុយរបស់សាខាកាកបាទក្រហមខេត្ត ចំនួន៣ម៉ឺនដុល្លារ ទៅឲ្យប្រពន្ធយកទៅរកស៊ីចងការប្រាក់ជាលក្ខណៈឯកជន នៅក្រុងដូនកែវ កំពុងទទួលរងនូវការរិះយ៉ាងខ្លាំងពីមហាជន។ លោក យឹម ច័ន្ធថន បានអះអាងថាលោក ធ្វើបែបនេះគឺ ដើម្បីរកចំណូលឲ្យសាខា។ប្រភពពីក្រុងដូនកែវ បានឲ្យដឹងថា ករណីលោក យឹម ច័ន្ធថន បានយកលុយរបស់សាខាកាកបាទក្រហមខេត្តតាកែវ ទៅឲ្យប្រពន្ធចងការឯកជន ឲ្យពលរដ្ឋ និងអ្នករកស៊ីពេញក្រុងដូនកែវ នេះ បានបែកធ្លាយក្រោយពីមានការផ្លាស់ប្ដូរតំណែងហិរញ្ញឹកថ្មី គឺបន្ទាប់លោក ហោ ប៊ុនវឌ្ឍន៍ ប្រធានមន្ទីរសេដ្ឋកិច្ច និងហិរញ្ញវត្ថុខេត្តតាកែវ បានចូលកាន់តំណែងជាហិរញ្ញឹករបស់សាខាកាកបាទក្រហមខេត្តតាកែវ ធ្វើការសើរើបញ្ជីស្នាមហិរញវត្ថុ ។
ទាក់ទងករណីករណីខាងលើនេះ លោក យឹម ច័ន្ធថន បានអះអាងថា លោកពិតជាបានធ្វើរឿងនេះពិតមែន តែដើម្បីរកចំណូលឲ្យសាខាកាកបាទក្រហមខេត្តតាកែវ តែប៉ុណ្ណោះ។
