ក្រុមហ៊ុន Naval Group បារាំង និងអូស្ត្រាលីកាលពីថ្ងៃទី១៣ កុម្ភៈបានចុះហត្ថលេខារួមគ្នាលើកិច្ចសន្យាផលិតនាវាមុជទឹកចំនួន ១២គ្រឿង ក្នុងទំហំទឹកប្រាក់ ៣៥ពាន់លានដុល្លារ។ នេះបើតាមសារព័ត៌មាន Defence News។
ការចរចាលើភាពជាម្ចាស់នៃបច្ចេកវិទ្យា និងព័ត៌មានលម្អិតស្តីពីភាពជាដៃគូ បានចាប់ផ្តើមចាប់តាំងពីប្រទេសអូស្ត្រាលីបានជ្រើសរើសក្រុមហ៊ុនបារាំងនៅខែមេសាឆ្នាំ ២០១៦ ក្នុងនាមជាអ្នកដេញថ្លៃលើកិច្ចព្រមព្រៀងការពារជាតិជប៉ុន និងអាល្លឺម៉ង់ដែលមិនធ្លាប់មាន។
កិច្ចព្រមព្រៀងជាដៃគូយុទ្ធសាស្ត្រ ដែលគ្រប់គ្រងការផ្ទេរចំណេះដឹង និងចំណេះធ្វើរបស់ក្រុមហ៊ុន Naval Group ទៅកាន់ប្រទេសអូស្ត្រាលីនេះ ត្រូវបានចុះហត្ថលេខានៅទីក្រុងកង់បេរ៉ា។ វាកំណត់គោលការណ៍នៃកិច្ចសហប្រតិបត្តិការរវាងដៃគូទាំងពីរមិនត្រឹមតែក្នុងរយៈពេល ៥០ឆ្នាំខាងមុខទេ ប៉ុន្តែថែមទាំងសម្រាប់កិច្ចសន្យានាពេលអនាគតនៅក្នុងក្របខ័ណ្ឌកម្មវិធីថែមទៀតផង។
យោងតាមគោលការណ៍ទាំងនេះ ក្រុមh/un Naval Group នឹងបញ្ជូននាវាមុជទឹកវាយប្រហារចំនួន ១២គ្រឿងដោយការសាងសង់នឹងត្រូវចាប់ផ្តើមនៅចុងឆ្នាំ ២០២៣ និងត្រៀមខ្លួនរួចរាល់សម្រាប់កងទ័ពជើងទឹកនៅចុងឆ្នាំ ២០៣៤ ។ កិច្ចព្រមព្រៀងនេះក៏បានឲ្យក្រុមហ៊ុន Naval Group ផ្តល់នូវបច្ចេកវិទ្យាថ្មីៗ និងសមត្ថភាពផលិតខ្ពស់ទៅឲ្យប្រទេសអូស្ត្រាលីផងដែរ៕
