ព្រលានយន្តហោះ Dunedin របស់ញូហ្សឺលែនត្រូវបានបិទ បន្ទាប់ពីរកឃើញកញ្ចប់សង្ស័យមួយ។ យោងទៅតាមរបាយការណ៍ដែលផ្ទុយគ្នា កញ្ចប់នោះត្រូវបានគេរាយការណ៍ថា ស្ថិតនៅលើវាលនៃអាកាសយានដ្ឋាន និងមួយទៀតថានៅក្នុងជើងហោះហើរ។
ប៉ូលីស និងក្រុមកងកម្លាំងប្រឆាំងគ្រាប់បែកត្រូវបានដាក់ពង្រាយនៅកន្លែងកើតហេតុ ដើម្បីរកឱ្យឃើញពីលក្ខណៈនៃកញ្ចប់សង្ស័យនោះ។ សេចក្តីថ្លែងការណ៍ដែលចេញដោយប៉ូលិសនៅវេលាម៉ោង ៩:៥៥ នាទីព្រឹក (ម៉ោងក្នុងតំបន់) បាននិយាយថា «ប៉ូលីសស្ថិតនៅកន្លែងកើតហេតុ ហើយក្រុមជំនាញត្រូវបានគេដាក់ពង្រាយ ដើម្បីកំណត់ពីលក្ខណៈនៃកញ្ចប់នេះ»។
យោងតាមវិទ្យុ RNZ របស់ញូហ្សឺលែនបានឱ្យដឹងថា ជើងហោះហើរចំនួនពីរបានវិលចូលអាកាសយានដ្ឋានវិញ។ ឧបត្តិវហេតុនេះបានកើតឡើងបានកើតឡើង ខណៈដែលសេវាបន្ទាន់របស់ប្រទេសនេះស្ថិតនៅក្នុងភាពប្រកាសអាសន្ន បន្ទាប់ពីករណីវាយប្រហារទៅលើវិហារឥស្លាមចំនួន ២កន្លែងនៅក្នុងទីក្រុង Christchurch ដែលបានសម្លាប់មនុស្ស ៤៩នាក់។
ការវាយប្រហារកាលពីថ្ងៃសុក្រ ត្រូវបាននាយករដ្ឋមន្ត្រីញូហ្សឺលែនហៅថា គឺជាអំពើភេរវកម្ម និងជាទិវាដ៏ខ្មៅងងឹតក្នុងប្រវត្តិសាស្ត្រញូហ្សឺលែន៕
Home ព្រឹត្តិការណ៍ថ្មីៗ ញូហ្សឺលែនបង្ខំចិត្តបិទអាកាសយានដ្ឋាន Dunedin ដោយសារតែរកឃើញកញ្ចប់សង្ស័យ