សារព័ត៌មាន News Week បានចេញផ្សាយនៅថ្ងៃទី១៣ កុម្ភៈនេះថា ប្រព័ន្ធផ្សព្វផ្សាយស៊ីរីបានរាយការណ៍ថា អ៊ីស្រាអែលបានបើកការវាយប្រហារសារជាថ្មីទៅលើខ្លួន ដែលនាំឲ្យមានការថ្កោលទោសពីសំណាក់រុស្ស៊ី។
ប្រព័ន្ធផ្សព្វផ្សាយរដ្ឋស៊ីរីសាណាបានរាយការណ៍អំពីការវាយប្រហារតាមផ្លូវអាកាសនៅជិតទីប្រជុំជន Tel al-Durayya នៅភាគនិរតីនៃខេត្តអាល់គូនេត្រា។ របាយការណ៍បាននិយាយថា គ្រាប់ផ្លោងនោះបានកម្ទេចមន្ទីរពេទ្យខេត្ត និងទីបញ្ជាការឃ្លាំមើលនៅក្នុងទីប្រជុំជន Jubata al-Khashab។
របាយការណ៍នោះបានស្រង់ពីប្រភពយោធាដោយបាននិយាយថា «នៅវេលាម៉ោងប្រហែល ៦កន្លះល្ងាច កងកម្លាំងអ៊ីស្រាអែលបានបើក
ការវាយប្រហារទៅលើទីប្រជុំជន Tel al-Duhur ក្នងតំបន់ Jubata al-Khashab តំបន់ Tel al-Darayya និង Tella al-Khalid ជាមួយនឹងគ្រាប់ផ្លោង ហើយដ្រូនអ៊ីស្រាអែលបានបើកការវាយប្រហារនៅវេលាម៉ោង ៧: ៥០នាទីយប់ដោយបាញ់មីស៊ីល ៤គ្រាប់ទីលើមន្ទីរពេទ្យខេត្តគូនេត្រា។
មិនមានការបញ្ជាក់ ឬមិនមានការបដិសេធអំពីការវាយប្រហារនេះនោះទេ ប៉ុន្តែថ្មីៗនេះក្រុមមន្ត្រីអ៊ីស្រាអែលបាននិយាយដោយបើកចំហរអំពីការវាយប្រហារទៅលើមូលដ្ឋានកងទ័ពរបស់កងទ័ព ដែលគាំទ្រដោយអ៊ិរ៉ង់។ អ៊ីស្រាអែលថា បើជួបអ៊ីរ៉ង់ត្រង់ណាវាយត្រង់ហ្នឹង។ ការបើកការវាយប្រហារនេះ ក៏បានធ្វើឡើងក្រោយអ៊ីរ៉ង់គម្រាមថា បើអ៊ីស្រាអែលហ៊ានតែវាយទៅលើប្រទេសស៊ីរីបន្តទៀត ខ្លួននឹងវាយកម្ទេចអ៊ីស្រាអែលឲ្យដាច់ពូជពីផែនដីនេះតែម្តង។ យ៉ាងណាក៏ដោយ មកដល់ពេលនេះ អ៊ីរ៉ង់មិនទាន់ចេញមុខប្រកាសបើកការវាយកម្ទេចអ៊ីស្រាអែលឲ្យដាច់ពូជនៅឡើយទេ ខណៈដែលពេលនេះអ៊ីស្រាអែលបានបើកការវាយប្រហារទៅលើស៊ីរីហើយនោះ៕
Home ព្រឹត្តិការណ៍ថ្មីៗ អ៊ីស្រាអែលបើកការវាយប្រហារសាជាថ្មីទៅលើស៊ីរី ដើម្បីចង់ដឹងថាអ៊ីរ៉ង់ហ៊ានវាយខ្លួនឲ្យដាច់ពូជមែនអត់